'मुंबई महानगर री झांकी'
'mumbai Mahanagar Ri Jhanki'
1710
'मुंबई महानगर री झांकी' — Lyrics
'मुंबई महानगर री झांकी' ल्यो सुणो कहाणी श्रावकों! थे मुंबई महानगर री, मुंबई महानगर री, देखी जो छटा शहर री ओ।।
मुंबा देवी रै मंदिर स्यूं मुंबई ओ कहलावै, सात टापुवां पर ओ शोभित जग में शान बढ़ावै, है रम्य इंडिया गेटजी, अरबी समुद्र है ठेठजी, ऊंची चढ़े और गिर ज्यावै लहरां नित सागर री ओ।।1।।
महानगरवासी प्राय: ट्रेनां में सफर करै है, सड़कां पर गाड्यां मिनखां रो मेलो सदा भरै है, है मिलै न खाली स्थान जी, पथ कटणो नहीं आसानजी, क्षण में दुर्घटना हो ज्यावै होतां चूक नजर री ओ।।2।।
हेंगिंग गार्डन शोभा पावै, पाणी री टंकी पर, चौपाटी रो बीच लगै निशि में नेकलेस मनोहर, है दर्शनीय बहुस्थानजी, है मोहमयी अभिधानजी, दृश्य देखकर चुंधिया ज्यावै आख्यां ज्यूं हर नर री ओ।।3।।
है विख्यात हवाई अड्डो जहाजां उडती रेह्वै, अर्थतंत्र री धूरी आर्थिक राजधानी जन केह्वै, पाणी रा चलै जहाजजी, बहुविध है मनुज समाज जी, है नहीं संभव वर्णन करणो बातां दुनिया भर री ओ।।4।।
बहुमंजिली बिल्डिंगां देखी नभ स्यूं बात बणावै, चाड़वास, पीडिहारा सा मानो कई गांव समावै, चढ़तां भर ज्यावै सांसजी, ताकत रो हौवे हासजी, लिफ्ट बिन्यां तो लगै चढ़ाई ज्यूं उत्तुंग शिखर री ओ।।5।।
झोंपड़पट्टयां में भी लाखां-लाखां लोग बसै है, दोय बगत रोटी खावण नै भी कई जन तरसै है, कचरै स्यूं बिणै अनाजजी, देख्यां ही आवै लाज जी, नरकवास स्यूं तुलना ओपै बारे जीवन स्तर री ओ।।6।।
विद्यार्थ्यां में शिक्षा सह स्वच्छान्दाचार बढ्यो है, है कानून व्यवस्था फिर भी भ्रष्टाचार बढ्यो है, सोचै, कहणो बेकारजी, समझै है जग व्यवहारजी, छोर्यां खातिर रहै न चिंता मां-बापां नै वर री ओ।।7।।
धन री धुन में भाग दौड़ करता नर समय बितावै, देरी स्यूं सोणो उठणो टी.वी. भी देख्यो चाहवै, है धर्म न करणै टेमजी, बिन मतलब है नहीं प्रेमजी, आपस रो विश्वास घट्यो, आ झांकी है घर-घर री ओ।।8।।
बाग-बगीचां में प्रात: नियमित जन भ्रमण करै है, स्वीमिंग, योगा क्लब में भी केई नित गमन करै है, है चोखा भी इन्सानजी, जीवन है धर्म प्रधानजी, शहरी चकाचौंध में रहकर, बात सुणे भीतर री ओ।।9।।
ज्ञानी, ध्यानी, दानी, तपसी भी केई मिल ज्यावै, व्यस्त समय में भी केई प्रवचन सुणवा नित आवै, जावै है धर्मस्थानजी, नियमां रो राखै ध्यानजी, तलाश करता रेहवै है जन सत्संग रे अवसर री ओ।।10।।
श्रेय मगनभाई नै मुंबई में तेरापंथ आयो, मुनि सूरज, घासी पावस कर सबने तत्त्व बतायो, श्रम रो फल है साकारजी, अब घर है चार हजार जी, 'विजय' मुंबई महानगर पर कृपा रही गुरुवर री ओ।।11।।
Roman Transliteration
'mumbai mahanagar ri jhanki' lyo suno kahani shravkon! the mumbai mahanagar ri, mumbai mahanagar ri, dekhi jo chhata shahar ri o..
mumba devi rai mandir syun mumbai o kahlavai, sat tapuvan par o shobhit jag men shan badhavai, hai ramya indiya getji, arabi samudra hai thethji, unchi chadhe aur gir jyavai lahran nit sagar ri o..1..
mahanagarvasi pray: trenan men saphar karai hai, sadkan par gadyan minkhan ro melo sada bharai hai, hai milai n khali sthan ji, path katno nahin asanji, kshan men durghatna ho jyavai hotan chuk najar ri o..2..
henging gardan shobha pavai, pani ri tanki par, chaupati ro bich lagai nishi men nekles manohar, hai darshaniy bahusthanji, hai mohamyi abhidhanji, drishya dekhakar chundhiya jyavai akhyan jyun har nar ri o..3..
hai vikhyat havai addo jahajan udati rehvai, arthatantra ri dhuri arthik rajdhani jan kehvai, pani ra chalai jahajji, bahuvidh hai manuj samaj ji, hai nahin sambhav varnan karno batan duniya bhar ri o..4..
bahumnjili bildingan dekhi nabh syun bat banavai, chadvas, pidihara sa mano kai ganv samavai, chadhtan bhar jyavai sansji, takat ro hauve hasji, liphta binyan to lagai chadhai jyun uttung shikhar ri o..5..
jhompadapattayan men bhi lakhan-lakhan log basai hai, doy bagat roti khavan nai bhi kai jan tarsai hai, kachrai syun binai anajji, dekhyan hi avai laj ji, narakvas syun tulna opai bare jivan star ri o..6..
vidyarthyan men shiksha sah svachchhandachar badhyo hai, hai kanun vyavastha phir bhi bhrashtachar badhyo hai, sochai, kahno bekarji, samjhai hai jag vyavharaji, chhoryan khatir rahai n chinta man-bapan nai var ri o..7..
dhan ri dhun men bhag daud karta nar samay bitavai, deri syun sono uthano ti.vi. bhi dekhyo chahvai, hai Dharm n karnai temji, bin matalab hai nahin premji, apas ro vishvas ghatyo, a jhanki hai ghar-ghar ri o..8..
bag-bagichan men prat: niymit jan bhraman karai hai, sviming, yoga klab men bhi kei nit gaman karai hai, hai chokha bhi insanji, jivan hai Dharm pradhanji, shahri chakachaundh men rahakar, bat sune bhitar ri o..9..
jnani, dhyani, dani, tapsi bhi kei mil jyavai, vyasta samay men bhi kei pravachan sunva nit avai, javai hai dharmasthanji, niyman ro rakhai dhyanji, talash karta rehvai hai jan satsang re avasar ri o..10..
shrey maganbhai nai mumbai men Terapanth ayo, Muni suraj, ghasi pavas kar sabne tattva batayo, shram ro phal hai sakarji, ab ghar hai char hajar ji, 'vijay' mumbai mahanagar par kripa rahi guruvar ri o..11..