नियठा दिग्दर्शन
Niytha Digdarshan
1906
नियठा दिग्दर्शन — Lyrics
नियठा दिग्दर्शन सुगण जन! स्वाम-वचन अवलोय जी, स्वाम-वचन री आसता रे, थारो सफल जमारो होयी
१. शिव-बट जातां चोरटा रे, संक कंख ए दोय जी। स्वाम-वचन नै साथ ले रे थारै, विधन कदै नहिं होय।
२. परम आसता गणी तणी रे, सम्यक्त दीपक जोय जी। सुध सरध्यां हुवै समगति रे, बले वैराग तेल समोय।।
३. भगवती शतक पचीसमें रे, छठे उदेशे तू जोय जी। छ नियंठा कह्या जू-जुआ रे, ए तो छट्ठे सूं चवदमें होय।।
४. पडिसेवी मूल उत्तर तणो रे, दांडा सूं सेन्य भगोय जी। पुलाक नियंठो तसु कह्यो रे, ए तो छट्ठे गुणठाणे होय
५. पडिसेवी उत्तरगुण तणो रे, बकुस बीजो जोय जी। जघन्य दोय सौ कोड़ सूं रे, ए तो ओछा कदे नहिं होय।।
६. पडिसेवी मूल उतरगुण तणो रे, पडिसेवणा अवलोय जी। दो सौ कोड़ जघन्य पदे रे, ज्यांरो विरह कदे नहिं होय।।
७. कषाय-कुशील चौथो कह्यो रे, छट्ठा सूं दशमा जोय जी। छ: लेश्या पांच शरीर छै रे, बले समुद्घात छ: होय।।
८ निर्ग्रन्थ ग्यारमें बारमें रे, सिनातक केवली दोय जी। सजोगी ने अजोगी कह्या रे, पहिला त्रिहुं नियंठा छट्ठे जोय।।
९ खेत-धान ज्यूं पुलाक छै रे, काट्यो खलहो बकुसोय जी। साल-ढिग पडिसेवणा रे, कषायकुशील उफणोय।।
१०. निर्ग्रन्थ छड़िया चावल जिसा रे, सिनातक ऊजल धोय जी। ए दृष्टांत परंपरा रे, ओ तो थूलपणै अवलोय।।
११. पुलाक बकुस पडिसेवणा रे, कषायकुशील पहिछाण जी। उत्कृष्ट पजवा चिहुं तणां रे, तिण आश्री ए दृष्टांत जाण
१२. निर्ग्रन्थ छड़िया चावल जिसा रे, सिनातक ऊजल धोय जी। चिहुं कर्म खपाया तिण आश्री रे, पिण चरण-पजव सम होय।।
१३. छठे गुणठाणे जिन कह्या रे, चवदै जोग सुजोय जी। दोष तणी नहिं थापना रे, सुध नीत चरण नीं होय।।
१४. वायस हंसादिक तणां रे, विविध रूप विकुर्वोय जी। बागुल जलोक पंखी तणां रे, चक्र छत्र चमर-धर जोय।।
१५. बनखंड बावड़ी विकुर्वे रे, शतक तेरमें जोय जी। नवमें उद्देशे निहालिये रे, ते पिण दंड लियां सुध होय।।
१६. हय रूप करी बहु जोजन जावै रे, तास कह्यो मुनि सोय जी। निश्चै अश्व कहियै नहीं रे, तीजा शतक रो पंचमो जोय।।
१७. मासी चौमासी नसीत में रे, त्यांरा पाठ सैकड़ां जोय जी। विराधक दंड लियां बिना रे, आराधक होवै आलोय।।
१८. एकम पूनम चंद जिसा रे, बिद पख चंद सुजोय जी। ज्ञाता दशमेध्ययने जिन कह्यो रे, म्हारा साधु साधवी होय।।
१९. इम छठो गुणठाणो जावै नहीं रे, वीर वचन अवलोय जी। छद्मस्थ री चूक देख नै रे, कांइ समकित तूं मत खोय।।
२०. छठै गुणठाणे साध छै रे, असाधु सरधलै कोय जी। मिथ्यात आवै तेहनै रे, तूं तो दस बोलां में जोय।।
२१. नवी दीख्या आवै जिसो रे, दोषण सेवै कोय जी। अथवा थाप करै दोष री रे, तो फिरै छठो गुणठाणो सोय।।
२२ मासी चोमासी दंड थी रे, छठो गुणठाणो न फिरै सोय जी। फिरै ऊंधी सरधा तथा थाप सूं रे, बलि जबर दोष थी जोय।।
२३. सूत्र तणी नहिं धारणा रे, वले विमल विवेक न होय जी। खामी देख छद्मस्थ री रे, ए तो मूरख देवै रोय।।
२४. सांभल न्याय सिद्धांत नां रे, हर्ष सुगुण रे होय जी। ऊंधा बोलै अवनीतड़ा रे, ज्यांरै कर्म रेख काली जोय।।
२५.सम्यक्त थिर राखण भणी रे, जिन-वचन बताया जोय जी। ऊंधा कोई मत समझज्यो रे, कहि सूत्र नीं बातां सोय।।
२६. दुर्लभ जन्म मनुष्य तणो रे, भमियो नरक निगोय जी। सम्यक्त निर्मल राखजै रे, हूं तो बार-बार कहूं तोय
२७.साधु सूत्र छ: काय नीं रे, शंका राखै कोय जी। तिण नै मिथ्याती जिन कह्यो रे, तूं सूत्र ज्ञाता में जोय।।
२८.अथवा टालोकर भणी रे, साध न सरधणो कोय जी। सूत्र तथा भिक्खू-स्वाम नां रे, तूं तो लिखत बेण अवलोय।।
२९. उगणीसै सोलै ढाल इकीसमी रे, पोह सुदि चवदश तिथि जोय जी। इक सौ चौतीस मुनि अजा रे, धर्म वृद्धि बीदासर होय।।
३०. भिक्खू भारिमाल ऋषिराय जी रे, तास प्रसादे जोय जी। 'जय-जश' गणपति इम कहै रे, म्हारै स्वाम शरण सुख होय
Roman Transliteration
niytha digdarshan sugan jan! svam-vachan avaloy ji, svam-vachan ri asata re, tharo saphal jamaro hoyi
1. shiv-bat jatan chorta re, sank kankh e doy ji. svam-vachan nai sath le re tharai, vidhan kadai nahin hoy.
2. param asata gani tani re, samyakta dipak joy ji. sudh saradhyan huvai samagti re, bale vairag tel samoy..
3. bhagavti shatak pachismen re, chhathe udeshe tu joy ji. chh niyntha kahya ju-jua re, e to chhatthe sun chavadmen hoy..
4. padisevi mul uttar tano re, danda sun senya bhagoy ji. pulak niyntho tasu kahyo re, e to chhatthe gunthane hoy
5. padisevi uttargun tano re, bakus bijo joy ji. jaghanya doy sau kod sun re, e to ochha kade nahin hoy..
6. padisevi mul utargun tano re, padisevna avaloy ji. do sau kod jaghanya pade re, jyanro virah kade nahin hoy..
7. kashay-kushil chautho kahyo re, chhattha sun dashma joy ji. chh: leshya panch sharir chhai re, bale samudghat chh: hoy..
8 nirgrantha gyarmen barmen re, sinatak kevli doy ji. sajogi ne ajogi kahya re, pahila trihun niyntha chhatthe joy..
9 khet-dhan jyun pulak chhai re, katyo khalho bakusoy ji. sal-dhig padisevna re, kashaykushil uphanoy..
10. nirgrantha chhadiya chaval jisa re, sinatak ujal dhoy ji. e drishtant parampra re, o to thulapnai avaloy..
11. pulak bakus padisevna re, kashaykushil pahichhan ji. utkrishta pajva chihun tanan re, tin ashri e drishtant jan
12. nirgrantha chhadiya chaval jisa re, sinatak ujal dhoy ji. chihun Karm khapaya tin ashri re, pin charan-pajav sam hoy..
13. chhathe gunthane Jin kahya re, chavdai jog sujoy ji. dosh tani nahin thapna re, sudh nit charan nin hoy..
14. vayas hansadik tanan re, vividh rup vikurvoy ji. bagul jalok pankhi tanan re, chakra chhatra chamar-dhar joy..
15. banakhand bavdi vikurve re, shatak termen joy ji. navmen uddeshe nihaliye re, te pin dand liyan sudh hoy..
16. hay rup kari bahu jojan javai re, tas kahyo Muni soy ji. nishchai ashva kahiyai nahin re, tija shatak ro panchmo joy..
17. masi chaumasi nasit men re, tyanra path saikdan joy ji. viradhak dand liyan bina re, aradhak hovai aloy..
18. ekam punam chand jisa re, bid pakh chand sujoy ji. jnata dashmedhyayane Jin kahyo re, mhara sadhu sadhvi hoy..
19. im chhatho gunthano javai nahin re, vir vachan avaloy ji. chhadmastha ri chuk dekh nai re, kani samkit tun mat khoy..
20. chhathai gunthane sadh chhai re, asadhu saradhlai koy ji. mithyat avai tehnai re, tun to das bolan men joy..
21. navi dikhya avai jiso re, doshan sevai koy ji. athava thap karai dosh ri re, to phirai chhatho gunthano soy..
22 masi chomasi dand thi re, chhatho gunthano n phirai soy ji. phirai undhi sardha tatha thap sun re, bali jabar dosh thi joy..
23. sutra tani nahin dharna re, vale vimal vivek n hoy ji. khami dekh chhadmastha ri re, e to murakh devai roy..
24. sambhal nyay siddhant nan re, harsha sugun re hoy ji. undha bolai avanitda re, jyanrai Karm rekh kali joy..
25.samyakta thir rakhan bhani re, Jin-vachan bataya joy ji. undha koi mat samajhajyo re, kahi sutra nin batan soy..
26. durlabh janma manushya tano re, bhamiyo narak nigoy ji. samyakta nirmal rakhjai re, hun to bar-bar kahun toy
27.sadhu sutra chh: kay nin re, shanka rakhai koy ji. tin nai mithyati Jin kahyo re, tun sutra jnata men joy..
28.athava talokar bhani re, sadh n saradhno koy ji. sutra tatha bhikkhu-svam nan re, tun to likhat ben avaloy..
29. uganisai solai dhal ikismi re, poh sudi chavadash tithi joy ji. ik sau chautis Muni aja re, Dharm vriddhi bidasar hoy..
30. bhikkhu bharimal rishiray ji re, tas prasade joy ji. 'jay-jash' ganapti im kahai re, mharai svam sharan sukh hoy