मंदिर में कांई

पल पल बीती जाय

Pal Pal Biti Jay

मंदिर में कांई

गीत क्रमांक2034

पल पल बीती जाय — Lyrics

पल पल बीती जाय थांरी लाखीणी पल पल बीती जाय, भजले नी प्रभु ने दोय घड़ी।।

आठ पहर घर धन्धा मांही, समय बीततो जावै। लग्यो हाथ चिन्तामणि भारी, इण स्यूं क्यूं काग उड़ावै।।

एक भिखारी मांग मांग कर सूखा टुकड़ा ल्यावै। मूर्ख पारस स्यूं चटणी ने, बांट बांट कर खावै।।

घड़ो भर्यो इमरत स्यूं मिलियो, क्यूं अब जहर मिलावै। भाग जोग स्यूं मिल्यो बावरा! बार-बार नहीं पावै।।

सात सात पीढ्यां री चिन्ता, ऊठ सवारे करतो। सूतो को सूतो रह ज्यावै, झूठी आशा धरतो।।

माथे ऊपर ऊभी थारे, मौत खड़ी ललकारे। लाख उपाय कर्यां नहीं छोड़े, क्यूं नहीं जरा विचारे।।

जाणै स्यूं पहला ही भाई, रोकड़ जरा मिला ले। मुनि सुरेश रो कहणो मानो, जीवन सफल बणाले।।

pal pal biti jay thanri lakhini pal pal biti jay, bhajle ni Prabhu ne doy ghadi..

ath pahar ghar dhandha manhi, samay bitto javai. lagyo hath chintamni bhari, in syun kyun kag udavai..

ek bhikhari mang mang kar sukha tukda lyavai. murkha paras syun chatni ne, bant bant kar khavai..

ghado bharyo imarat syun miliyo, kyun ab jahar milavai. bhag jog syun milyo bavra! bar-bar nahin pavai..

sat sat pidhyan ri chinta, uth savare karto. suto ko suto rah jyavai, jhuthi asha dharto..

mathe upar ubhi thare, maut khadi lalkare. lakh upay karyan nahin chhode, kyun nahin jara vichare..

janai syun pahla hi bhai, rokad jara mila le. Muni suresh ro kahno mano, jivan saphal banale..