रूं-रूं में सांवरियो बसियो
Run-Run Men Sanvriyo Basiyo
2187
रूं-रूं में सांवरियो बसियो — Lyrics
रूं-रूं में सांवरियो बसियो रूं-रूं में सांवरियो बसियो, सांवरियो बसियो, चंद चकोर निहारेला, ओ भंते! गुरु-चरणां रो बणग्यो रसियो, बणग्यो रसियो, मांझी पार उतारेला, ओ भंते!
1. आप पिता, पुत्र मैं हूं, ओ तो व्यवहार है, आखिर आपां दोन्यां नै ही, गुरु रो आधार है, गुरु ही कारज सारेला, ओ भंते!
2. निश्चै में गुरुदेव ही मां-बाप, आप मानल्यो, म्हारी अन्तर-आत्मा री, भावना पिछाणल्यो, मिथ्या आग्रह हारेला, ओ भंते!
3. बोल सुण्यां किसनोजी रो, पारो पूरो चढ़ग्यो, रोष और सांस रो, अपार वेग बढ़ग्यो, विग्रह काम बिगाड़ैला, ओ भंते!
4. स्वामीजी भी छोड़ै मनै, तू भी छोड़ देवैला, सोच जरा पछै म्हारै, साथै कुण रेवैला, आभो आंख उघाड़ेला, ओ भंते!
5. म्हारै सागै रे'णो पड़सी, नहीं कोई चारो है, बुढ़ापै में थारै बिना, और कुण स्हारो है, म्हारो हृदय विदारेला, ओ भंते!
6. थांरो ल्यायो आ' र म्हारै, खाणै रा ही त्याग है, मोह-ममता छोड़ धारयो, पूरण वैराग है, सत्याग्रह उद्धारेला, ओ भंते!
7. दोय दिन बीत्या, नहीं खायो और पीयो है, अंधेरै में जाणै कोई, चास दियो दीयो है, तीजो दिन ललकारेला, ओ भंते!
8. ओ है थांरो भक्त, इं रा थे ही भगवान हो, आण सूंप्यो स्वामीजी नै, समो बो महान हो, श्रद्धा सदा उबारेला, ओ भंते!
9. उठी है आवाज पड़सी, सारां नै गुण गावणां, भीखणजी री बुद्धि देखो, तीनां घरां बधावणां, 'तुलसी' तरै रु तारेला, ओ भंते!
Roman Transliteration
run-run men sanvriyo basiyo run-run men sanvriyo basiyo, sanvriyo basiyo, chand chakor niharela, o bhante! Guru-charnan ro banagyo rasiyo, banagyo rasiyo, manjhi par utarela, o bhante!
1. ap pita, putra main hun, o to vyavhar hai, akhir apan donyan nai hi, Guru ro adhar hai, Guru hi karaj sarela, o bhante!
2. nishchai men Gurudev hi man-bap, ap manalyo, mhari antar-atma ri, bhavna pichhanalyo, mithya agrah harela, o bhante!
3. bol sunyan kisnoji ro, paro puro chadhagyo, rosh aur sans ro, apar veg badhagyo, vigrah kam bigadaila, o bhante!
4. svamiji bhi chhodai manai, tu bhi chhod devaila, soch jara pachhai mharai, sathai kun revaila, abho ankh ughadela, o bhante!
5. mharai sagai re'no padsi, nahin koi charo hai, budhapai men tharai bina, aur kun sharo hai, mharo hriday vidarela, o bhante!
6. thanro lyayo a' r mharai, khanai ra hi tyag hai, moh-mamta chhod dharyo, puran vairag hai, satyagrah uddharela, o bhante!
7. doy din bitya, nahin khayo aur piyo hai, andherai men janai koi, chas diyo diyo hai, tijo din lalkarela, o bhante!
8. o hai thanro bhakta, in ra the hi Bhagwan ho, an sumpyo svamiji nai, samo bo mahan ho, shraddha sada ubarela, o bhante!
9. uthi hai avaj padsi, saran nai gun gavnan, bhikhanji ri buddhi dekho, tinan gharan badhavnan, 'Tulsi' tarai ru tarela, o bhante!