स्वामीजी रो नाम म्हारै मनड़ै में रमग्यो,
Svamiji Ro Nam Mharai Mandai Men Ramagyo,
2573
स्वामीजी रो नाम म्हारै मनड़ै में रमग्यो, — Lyrics
स्वामीजी रो नाम म्हारै मनड़ै में रमग्यो, श्रद्धा स्यूं सिर पावन चरणां में नमग्यो, म्हारै मनड़ै में रमग्यो।।
१. बल्लूजी रा नन्दन, माता दीपांजी रा जाया हो। लाखां रै सोभाग स्यूं, ईं धरती पर थे आया हो। भारी अज्ञान रो तूफान थमग्यो।।
२. जिन-मारग दीपायो आछो, कीरत-कळश चढ़ायो हो। साचो संजम धारयो धोरी, आगै कदम बढ़ायो हो। जन-मन में पक्को समकित पायो जमग्यो।।
३. धर्म तणा अवतार थे, काळै कळजुग नै काट्यो हो। कथनी-करणी रै अन्तर ने, आतम-बळ स्यूं पाट्यो हो। समता रो स्रोत चाल्यो उमग्यो-उमग्यो।।
४. मंत्राक्ष सो नाम थांरो, संकट सघळा टाळै हो। आनन्द मंगल लहर जगावै, विघनां रो मद गाळै हो। वर्द्धमान में 'बुद्ध' मोच्छव रंग जमग्यो।।
Roman Transliteration
svamiji ro nam mharai mandai men ramagyo, shraddha syun sir pavan charnan men namagyo, mharai mandai men ramagyo..
1. balluji ra nandan, mata dipanji ra jaya ho. lakhan rai sobhag syun, in dharti par the aya ho. bhari ajnan ro tuphan thamagyo..
2. Jin-marag dipayo achho, kirat-kalash chadhayo ho. sacho sanjam dharyo dhori, agai kadam badhayo ho. jan-man men pakko samkit payo jamagyo..
3. Dharm tana avatar the, kalai kaljug nai katyo ho. kathni-karni rai antar ne, atam-bal syun patyo ho. samta ro srot chalyo umagyo-umagyo..
4. mantraksha so nam thanro, sankat saghla talai ho. ananda Mangal lahar jagavai, vighnan ro mad galai ho. varddhaman men 'buddha' mochchhav rang jamagyo..