उड़ान-प्रभु भगति में है रंग्या, रोम-रोम अरु प्राण।
Udan-Prabhu Bhagti Men Hai Rangya, Rom-Rom Aru Pran.
2778
उड़ान-प्रभु भगति में है रंग्या, रोम-रोम अरु प्राण। — Lyrics
उड़ान-प्रभु भगति में है रंग्या, रोम-रोम अरु प्राण। धन्य जमारो औ हुवे, जद निरखूं भगवान म्हारो आगणियो है सूनो, प्रभुवर बेगा आओ ओ, म्हारो आंगणियो-४।।
बाट जोवतां थांरी कद स्यूं मनड़ो ओ थाक्यो, स्वामी गली-गली भटक्यो तो भी नहीं उणिहारो झांक्यो, स्वामी छोड़ो आंख मिचोणी म्हारे
मन री भ्रान्ति मिटाओ ओ।। इण दुनियां में असहायां ने थांरो एक सहारो, स्वामी जो भी आवे शरणै थारे, पावै सिन्धु किनारो, स्वामी नावां म्हारी थे प्रभुजी अब तो पार लगाओ ओ।।
और सगा सम्बन्धी जग में है स्वार्थ रा सारा, स्वामी जीवन री अभ्येरी रातां में हो नाथ! उजारा, स्वामी म्हारै अन्तर रै भावां ने थे साकार बणाओ ओ।।
सांसा रो ओ भर्यो खजानो रीत रयो है म्हारो, स्वामी 'विजय' दिखाद्यो मूत अपणी करुणा नजर निहारो, स्वामी कुंकुम पगल्या धरद्यो या फिर अपणै पास बुलाओ ओ।।
Roman Transliteration
udan-Prabhu bhagti men hai rangya, rom-rom aru pran. dhanya jamaro au huve, jad nirkhun Bhagwan mharo aganiyo hai suno, prabhuvar bega ao o, mharo anganiyo-4..
bat jovtan thanri kad syun mando o thakyo, Swami gali-gali bhatakyo to bhi nahin uniharo jhankyo, Swami chhodo ankh michoni mhare
man ri bhranti mitao o.. in duniyan men asahayan ne thanro ek saharo, Swami jo bhi ave sharnai thare, pavai sindhu kinaro, Swami navan mhari the prabhuji ab to par lagao o..
aur saga sambandhi jag men hai svartha ra sara, Swami jivan ri abhyeri ratan men ho nath! ujara, Swami mharai antar rai bhavan ne the sakar banao o..
sansa ro o bharyo khajano rit rayo hai mharo, Swami 'vijay' dikhadyo mut apani karuna najar niharo, Swami kunkum pagalya dharadyo ya phir apanai pas bulao o..