अब तो पधारो भगवन्!
Ab To Padharo Bhagavan!
97
अब तो पधारो भगवन्! — Lyrics
अब तो पधारो भगवन्! अब तो पधारो भगवन्! प्राणां री प्यास है। जल्दी बताद्यो म्हांनै, कठै थांरो वास है।।
1. सुख में सहारो भिक्षु, दु:ख में सहारो, संकट मोचनहारो, नाम तुम्हारो। परचा मिले है जिणनै, पुरो विश्वास है।।
2. रूं रूं में बोले भिक्षु, कण-कण में भिक्षु, सोवत जागत भिक्षु, खिण-खिण में भिक्षु। मंदिर में आओ अब तो, दीये में उजास है।
3. कष्ट तो घणां ही सह्या, के के बतावां, हंसता हलाहल पीग्या, हिम्मत सरावां। भालुड़ा री ऊपर नोका पर, वीरां रो निवास है।।
4. रोट्यां पड़ी ही कठै, धोवण सारो खूटग्यो, जग्यां देवण नै मानौ, जग सारो रुठग्यो। बगड़ी री छत्र्यां मांही, पहलो निवास है।।
5. नियम बणाकर जबरा, नींव जमाई, लाखा री डूबत नैय्या, पार लगाई। थांरो बलिदान बणग्यो, गण इतिहास है।।
6. भागां स्यूं पायो आपां, खरो जिन धर्म है, मुगति रो मारग साचो, बणणो अकर्म है। अब तो किनारो म्हांरै, बिलकुल पास है।
Roman Transliteration
ab to padharo bhagavan! ab to padharo bhagavan! pranan ri pyas hai. jaldi batadyo mhannai, kathai thanro vas hai..
1. sukh men saharo Bhikshu, du:kh men saharo, sankat mochanharo, nam tumharo. parcha mile hai jinnai, puro vishvas hai..
2. run run men bole Bhikshu, kan-kan men Bhikshu, sovat jagat Bhikshu, khin-khin men bhikshu. mandir men ao ab to, diye men ujas hai.
3. kashta to ghanan hi sahya, ke ke batavan, hansta halahal pigya, himmat saravan. bhaluda ri upar noka par, viran ro nivas hai..
4. rotyan padi hi kathai, dhovan saro khutagyo, jagyan devan nai manau, jag saro ruthagyo. bagdi ri chhatryan manhi, pahlo nivas hai..
5. niyam banakar jabra, ninv jamai, lakha ri dubat naiyya, par lagai. thanro balidan banagyo, gan itihas hai..
6. bhagan syun payo apan, kharo Jin Dharm hai, mugti ro marag sacho, banno akarma hai. ab to kinaro mhanrai, bilkul pas hai.