तप है मंगलकारी जी
Tap Hai Mangalkari Ji
2660
तप है मंगलकारी जी — Lyrics
तप है मंगलकारी जी तपसी रै घर बाग खिल्यो, अन्तर मनरो सपन फल्यो, तपसी नै अब दर्शण देवण, आओ म्हारा स्वामीजी। थे ही अन्तर्यामी जी, तप है मंगलकारी जी।।
1. पाप-ताप सब नाश करै, जीवन में उल्लास भरै, तपसी रो विश्वास जगावण, आओ म्हारा स्वामीजी। तप है मंगलकारी जी।।
2. तन री ममता त्यागै तपसी, मन में समता राखै तपसी, तपसी-जी रा भाव बढ़ावण, आओ म्हारा स्वामीजी। तप है मंगलकारी जी।।
3. होळै होळै चालै तपसी, मीठो मीठो बोलै तपसी, तप री उलळी ज्योत जलावण, आओ म्हारा स्वामीजी। तप है मंगलकारी जी।।
4. घर-घर में लागी रंग रळियां, गूंज उठी गीतां स्यूं गळियां, तपसी नै अमृत-रस पावण, आओ म्हारा स्वामीजी। तप है मंगलकारी जी।।
5. तपस्या री फुलवारी लागी, तपसी री पुनवानी जागी, आई जनता आज बधावण, आओ म्हारा स्वामीजी। तप है मंगलकारी जी।।
Roman Transliteration
tap hai mangalkari ji tapsi rai ghar bag khilyo, antar manro sapan phalyo, tapsi nai ab darshan devan, ao mhara svamiji. the hi antaryami ji, tap hai mangalkari ji..
1. pap-tap sab nash karai, jivan men ullas bharai, tapsi ro vishvas jagavan, ao mhara svamiji. tap hai mangalkari ji..
2. tan ri mamta tyagai tapsi, man men samta rakhai tapsi, tapsi-ji ra bhav badhavan, ao mhara svamiji. tap hai mangalkari ji..
3. holai holai chalai tapsi, mitho mitho bolai tapsi, tap ri ulali jyot jalavan, ao mhara svamiji. tap hai mangalkari ji..
4. ghar-ghar men lagi rang raliyan, gunj uthi gitan syun galiyan, tapsi nai amrit-ras pavan, ao mhara svamiji. tap hai mangalkari ji..
5. tapasya ri phulvari lagi, tapsi ri punvani jagi, ai janta aj badhavan, ao mhara svamiji. tap hai mangalkari ji..