भिक्षु भिक्षु नाम स्यूं, लागी म्हांरी प्रीत।
Bhikshu Bhikshu Nam Syun, Lagi Mhanri Prit.
430
भिक्षु भिक्षु नाम स्यूं, लागी म्हांरी प्रीत। — Lyrics
भिक्षु भिक्षु नाम स्यूं, लागी म्हांरी प्रीत। पल-पल नयनां में बसी, वा तस्वीर पुनीत।। ध्रु.।।
संघर्षां री आग में, सोनो बण्यो सौटंच। श्रम री ईंटा स्यूं रच्यो, ओ विशालतम मंच। खींची लकीरां आप जो, बणगी म्हांरी मीत।।
गिनती रा चेला बण्या, थांरा प्राणाधार। थांरै आशीर्वाद स्यूं, अब फौज खड़ी तैयार। कित्ता विज्ञ प्रबुद्ध है, संत सत्यां सुविनीत।।
छत्रयां में बैठ्या रच्या, समवसरण साक्षात्। बगड़ी बड़लू बीच में, तथ्य गढ्या अवदात। बालू में तप संघ री, वृद्धि रो गायो गीत।।
सहकर धमुक्का ने कर्यों, राजमार्ग तैयार। चरण फरस रे वासते, लागी लम्बी कतार। संगम त्रिवेणी स्यूं मिले, म्हांने नित नवनीत।।
Roman Transliteration
Bhikshu Bhikshu nam syun, lagi mhanri prit. pal-pal naynan men basi, va tasvir punit.. dhru...
sangharshan ri ag men, sono banyo sautanch. shram ri inta syun rachyo, o vishalatam manch. khinchi lakiran ap jo, bangi mhanri mit..
ginti ra chela banya, thanra pranadhar. thanrai ashirvad syun, ab phauj khadi taiyar. kitta vijna prabuddha hai, sant satyan suvinit..
chhatrayan men baithya rachya, samavasaran sakshat. bagdi badlu bich men, tathya gadhya avadat. balu men tap Sangh ri, vriddhi ro gayo git..
sahakar dhamukka ne karyon, rajmarga taiyar. charan pharas re vaste, lagi lambi katar. sangam triveni syun mile, mhanne nit navnit..