भजन करो भगवान रो
Bhajan Karo Bhagwan Ro
485
भजन करो भगवान रो — Lyrics
भजन करो भगवान रो
भजन करो भगवान रो, गणधर गौतम स्वाम। तिरण तारण पुरुषां तणो, लीजै नितप्रति नाम।।१।।
दिवाली रो दिन बड़ो, राखो धर्म स्यूं सीर। गौतम केवल पामीया, मुक्त गया महावीर।।२।।
दिवाली रो दिन बड़ो मत करो जाड़ा पाप। आलस्य निद्रा परहरो, कीज्यो जिनवर जाप।।३।।
सामायिक पौषा करो, प्रतिक्रमण दोय-दोय काल। एम आत्म नै उद्धरो, छोड़द्यो झूठी झखाल।।४।।
नव मल्ली नै नव लच्छी, काशी कुशल देश नां राय। वीर समीपै आय नै, दिध्या पौषा ठाय।।५।।
काती बदी अमावस दिने, शेष करम कर सोष। भव जीवां नै त्यार नै, श्री वीर पहुंच्या मोक्ष।।६।।
देव देवी तिहां आवीया, लागी झिंगमिग जोत। बले विशेष हुवो घणो, रत्ना तणों उद्योत।।७।।
देवसमण प्रतिबोधवा, गया गौतम स्वाम। वीर मुक्त गया जाण ने, पाछा आया तिण ठाम।।८।।
मोहनी आई ते टाल नै, ध्यायो शुक्ल ध्यान। अनित्यपणो भायो इस्यो, पाम्या केवल ज्ञान।।९।।
मोक्ष नगर नां दायका, भगवंत श्री महावीर। ज्यांरै मुख आगल हुआ, गौतम स्वाम वजीर।।१०।।
(लय : सतरमो परीषो सांभलो)
मोटा जिन शासण घणी, पहुंच्या शिवपुर ठाम। गौतम लब्धि तणां धणी, जग में राख्यो नाम।।११।।
तिण कारण दिन मंगलिक छै, मोटा सामो निहाल। आरम-सारम छोड़नै, सील चौखे चित पाल।।१२।।
बार-बार मीनख जनम, पामसी नहीं रै गिंवार। भोग छोड़ो विष सारिखा, सफल करो अवतार।।१३।।
डोरा डांडा न राखड़ी, मैला मंत्र नीवार। झाड़ा झपाड़ा परहरो, शुद्ध गुणो नवकार।।१४।।
अरिहंत सिद्ध साधु धर्म रो, च्यारां रो करलो जाप। सरणो ल्यो उत्तम तणो, आ मोटी दिवाली री थाप।।१५।।
ज्ञान-रूपी करो दीवलो, काया री बाट बणाय। समकित जोत उजाल नै, मिथ्यात अंधारो गमाय।।१६।।
संवर रूपी करो ढांकणो, आठ करम करो तेल। मूल थकी परजाल नै, द्यो सब दु:ख नै ठेल।।१७।।
काया हाठ उजाल नैं, वस्तु अमोलक सार। भव जीवां ग्राहक विणज नैं, नफो ल्यो पर उपकार।।१८।।
भाव पूजा करो भगवान री, ते सुणो चित्त लगाय। दया रूपी जल ल्याय नै, ए तो स्नान कराय।।१९।।
सील सुगन्ध चन्दन करी, ए तू लेप लगाय। दान सील तप भावना, आखा एह चढ़ाय।।२०।।
जिनवर नां गुण ग्रन्थ नैं, फूलां री माल पहराय। सज्झाय पांच प्रकार नीं, झालर संख बजाय।।२१।।
समता रा करो शिव गांठिया, खीम्या रा खाजा बणाय। नव तत्व नेवज करी, इम पूजो जिनराय।।२२।।
धीरज मन कर धूपणो, तप कर अगरज खेव। ज्ञान दर्शन चारित्रतणी, यांरी सेवा करो नित मेव।।२३।।
दया रा करो दहीबड़ा, सांकूली अधिक सन्तोप। पकवान पांच इन्द्री दमो, ए सेवा स्यूस्यूं अविचल मोक्ष।।२४।।
तरकारी तवन नों भणो, भलो भोजन शुद्ध प्रणाम। मुंह स्यूस्यूं मंगलिक नाम ल्यो, ज्यूं थारा सुधरै काम।।२५।।
करणो करावणो अणुमोदणो, जीव न हणवो कोय। दु:ख किसी नैं देणो नहीं, प्रवचन सामों जोय।।२६।।
अंवली गत संसार नीं, धन लक्ष्मी रै काज। टीचकारां करता थका, ठैं-ठैं कूटै छाज।।२७।।
टीचकारां करता थकां, ठोर पाछो फिर जाय। लक्ष्मी इम करतां थकां, किम पैसे घर मांय।।२८।।
भाषा श्री जिनराज री, मुंह उघाड़ै मत गाय। जयणा कीज्यो जुगत स्यूस्यूं, ज्यूं शिव मंगल थाय।।२९।।
श्री सीमन्धर स्वामी आदि दे, जघन्य तीर्थंकर बीस। अढ़ाई दीप नां भरत में, प्रगट्या जयवन्ता जगदीश।।३०।।
भजन करो भगवान रो, ज्यूं थारां सीजै काज। काल अनन्तो दोहिलो, अवसर लाध्यो आज।।३१।।
Roman Transliteration
Bhajan karo Bhagwan ro
Bhajan karo Bhagwan ro, ganadhar Gautam svam. tiran taran purushan tano, lijai nitaprati nama..1..
divali ro din bado, rakho Dharm syun sir. Gautam keval pamiya, mukta gaya mahavira..2..
divali ro din bado mat karo jada pap. alasya nidra parahro, kijyo jinavar japa..3..
Samayik pausha karo, Pratikraman doy-doy kal. em atma nai uddharo, chhodadyo jhuthi jhakhala..4..
nav malli nai nav lachchhi, kashi kushal desh nan ray. vir samipai ay nai, didhya pausha thaya..5..
kati badi amavas dine, shesh karam kar sosh. bhav jivan nai tyar nai, shri vir pahunchya moksha..6..
Dev devi tihan aviya, lagi jhingmig jot. bale vishesh huvo ghano, ratna tanon udyota..7..
devasaman pratibodhva, gaya Gautam svam. vir mukta gaya jan ne, pachha aya tin thama..8..
mohni ai te tal nai, dhyayo shukla dhyan. anityapno bhayo isyo, pamya keval jnana..9..
Moksha nagar nan dayka, bhagavant shri mahavir. jyanrai mukh agal hua, Gautam svam vajira..10..
(lay : satarmo parisho sambhlo)
mota Jin shasan ghani, pahunchya shivpur tham. Gautam labdhi tanan dhani, jag men rakhyo nama..11..
tin karan din manglik chhai, mota samo nihal. aram-saram chhodnai, sil chaukhe chit pala..12..
bar-bar minakh janam, pamsi nahin rai ginvar. bhog chhodo vish sarikha, saphal karo avatara..13..
dora danda n rakhdi, maila Mantra nivar. jhada jhapada parahro, shuddha guno navkara..14..
Arihant Siddha sadhu Dharm ro, chyaran ro karlo jap. sarno lyo uttam tano, a moti divali ri thapa..15..
jnan-rupi karo divlo, kaya ri bat banay. samkit jot ujal nai, mithyat andharo gamaya..16..
sanvar rupi karo dhankno, ath karam karo tel. mul thaki parjal nai, dyo sab du:kh nai thela..17..
kaya hath ujal nain, vastu amolak sar. bhav jivan grahak vinaj nain, napho lyo par upakara..18..
bhav puja karo Bhagwan ri, te suno chitta lagay. daya rupi jal lyay nai, e to snan karaya..19..
sil sugandha chandan kari, e tu lep lagay. dan sil tap bhavna, akha eh chadhaya..20..
jinavar nan gun grantha nain, phulan ri mal pahray. sajjhay panch prakar nin, jhalar sankh bajaya..21..
samta ra karo shiv ganthiya, khimya ra khaja banay. nav tatva nevaj kari, im pujo jinraya..22..
dhiraj man kar dhupno, tap kar agaraj khev. jnan darshan charitratni, yanri seva karo nit meva..23..
daya ra karo dahibda, sankuli adhik santop. pakvan panch indri damo, e seva syusyun avichal moksha..24..
tarkari tavan non bhano, bhalo bhojan shuddha pranam. munh syusyun manglik nam lyo, jyun thara sudhrai kama..25..
karno karavno anumodno, jiv n hanvo koy. du:kh kisi nain deno nahin, pravachan samon joya..26..
anvali gat sansar nin, dhan Lakshmi rai kaj. tichkaran karta thaka, thain-thain kutai chhaja..27..
tichkaran karta thakan, thor pachho phir jay. Lakshmi im kartan thakan, kim paise ghar manya..28..
bhasha shri jinraj ri, munh ughadai mat gay. jayna kijyo jugat syusyun, jyun shiv Mangal thaya..29..
shri simandhar Swami adi de, jaghanya Tirthankar bis. adhai dip nan bharat men, pragatya jayavanta jagdisha..30..
Bhajan karo Bhagwan ro, jyun tharan sijai kaj. kal ananto dohilo, avasar ladhyo aja..31..