बीस विहरमाण
Bis Viharman
514
बीस विहरमाण — Lyrics
बीस विहरमाण १. बीस विहरमाण सदा शाश्वता, जघन्य पदे परिमाणूं। सो साठ नें नित नित नमिये, उत्कृष्टे पद आणूं।। भवियण! नमो अरिहंताणं, नमो सिद्ध निर्वाणं। मन शुद्ध करी नें भजिये भवियण! ते पामे कल्याणं
२. अनन्त ज्ञान दर्शन चारित्र तप, बल कर अनन्त आनन्दा। एक सहंस अठ लक्षण विराजे, सेवे चौसठ इन्दा।।
३. चौतीस अतिशय अतीव शोभता, बहु विस्तार बखाणूं। पांच तीस प्रकार करी नैं, तारे जीव अयाणूं।।
४. नाम स्थापना द्रव्य निक्षेपो, चौथो भाव पिछाणं। भाव भगवन्त नै नित-नित नमिये, ते पामे कल्याणं
५. नमो कहेतां नमस्कार छै, अरि कहतां कर्म कटाणं। हन्ता कहतां हणिया प्रभुजी, ते पामे कल्याणं
६. करणी कर कर्मा नैं काट्या, पहुंता सिद्ध निर्वाणं। जन्म जरा मरण मेट दिया छै, नहिं कोइ आवण जाणं।।
७. सिद्ध जी आठ गुणा कर शोभे, अतिशय गुण इकतीसं। अनन्ता सुख आत्मिक सोहे, जीत्या राग नैं रीसं।।
८. अवर्ण अगन्ध अरस अस्पर्श, नहीं लेश योग आहारं। कर्म विदार्या कारज सार्या, सिद्ध सदा सरदारं।।
९. नमो कहतां नमस्कार छै, सिद्धाणं कारज सारया। सुख शाश्वता सदा काल छै, आवागमन निवारया।।
१०. छत्तीस गुणां करि शोभ रह्या छै, आचारज अणगारा। निशि दिन चर्चा न्याय बतावे, गुणकर ज्ञान भण्डारा।।
११.धर्माचार्यं धुरा धुरन्धर, मोटा मुनिवर म्हारा। भरत क्षेत्र में भिक्षू शोभे, शिष्य भारिमाल सरदारा।।
१२. गुण के आगर बुद्धि के सागर, महामुनीन्द्र मुनिन्दा। साधां मांहे शोभ रह्या छै, जिमि तारां बिच चन्दा।।
१३. अङ्ग इग्यारह उपाङ्ग बारह, भणै भणावै सारा। पचीस गुणां करी शोभ रह्या छै, उपाध्याय अणगारा।।
१४. जघन्य दोय सहंस करोड जाझेरा, उत्कृष्टा नव सहंसकोड़ं। अढ़ी द्वीप पन्द्रह क्षेत्रों में, मुनीश्वरों नीं जोड़
१५. दूषण बंयालीस टालि नें बेहर, बावन टाले अनाचारो। पांच दोष माण्डले रा टाले, गुणकर ज्ञान भण्डारो।।
१६. पांच पदे परमेश्वर पूरा, ज्यांरा गुण ओलख ने गाओ। समकित सहित व्रत आदर नें, आवागमन मिटाओ।।
१७. बारह आठ छत्तीस पच्चीस, साधु सत्ताईस गुणवाला। एक सौ नें आठ गुणां री, यह गाओ गुण माला
१८. संवत अठारह वर्ष गुणसठे, आषाढ़ जाणज्यो मासू। गुण गाया छै पांच पदां रा, शहर पीषांगण चौमासू।।
Roman Transliteration
bis viharman 1. bis viharman sada shashvata, jaghanya pade parimanun. so sath nen nit nit namiye, utkrishte pad anun.. bhaviyan! namo arihntanam, namo Siddha nirvann. man shuddha kari nen bhajiye bhaviyan! te pame kalyanam
2. ananta jnan darshan charitra tap, bal kar ananta ananda. ek sahans ath lakshan viraje, seve chausath inda..
3. chautis atishay ativ shobhta, bahu vistar bakhanun. panch tis prakar kari nain, tare jiv ayanun..
4. nam sthapna dravya nikshepo, chautho bhav pichhann. bhav bhagavanta nai nit-nit namiye, te pame kalyanam
5. namo kahetan namaskar chhai, ari kahtan Karm katann. hanta kahtan haniya prabhuji, te pame kalyanam
6. karni kar karma nain katya, pahunta Siddha nirvann. janma jara maran met diya chhai, nahin koi avan jann..
7. Siddha ji ath guna kar shobhe, atishay gun ikatisn. ananta sukh atmik sohe, jitya rag nain risn..
8. avarna agandha aras asparsha, nahin lesh yog aharn. Karm vidarya karaj sarya, Siddha sada sardarn..
9. namo kahtan namaskar chhai, siddhanam karaj sarya. sukh shashvata sada kal chhai, avagaman nivarya..
10. chhattis gunan kari shobh rahya chhai, acharaj anagara. nishi din charcha nyay batave, gunakar jnan bhandara..
11.dharmacharyaam dhura dhurandhar, mota munivar mhara. bharat kshetra men bhikshu shobhe, shishya bharimal sardara..
12. gun ke agar buddhi ke sagar, mahamunindra muninda. sadhan manhe shobh rahya chhai, jimi taran bich chanda..
13. anga igyarah upanga barah, bhanai bhanavai sara. pachis gunan kari shobh rahya chhai, upadhyay anagara..
14. jaghanya doy sahans karod jajhera, utkrishta nav sahanskodn. adhi dvip pandrah kshetron men, munishvaron nin jod
15. dushan banyalis tali nen behar, bavan tale anacharo. panch dosh mandale ra tale, gunakar jnan bhandaro..
16. panch pade parmeshvar pura, jyanra gun olakh ne gao. samkit sahit vrat adar nen, avagaman mitao..
17. barah ath chhattis pachchis, sadhu sattais gunvala. ek sau nen ath gunan ri, yah gao gun mala
18. sanvat atharah varsha gunasthe, ashadh janajyo masu. gun gaya chhai panch padan ra, shahar pishangan chaumasu..