म्हांनै घणो सुहावै जी
Mhannai Ghano Suhavai Ji
1501
म्हांनै घणो सुहावै जी — Lyrics
म्हांनै घणो सुहावै जी म्हांनै घणो सुहावै जी, स्वामीजी रो शासण, म्हांनै घणो सुहावै जी, वीर प्रभू रो आसण, म्हांनै घणो सुहावै जी। घणो सुहावै, हृदय लुभावै, तारक तेरापंथ।।
1. मर्यादामय जीवन सारो, मर्यादा रो मान। आत्म-नियंत्रण अरु अनुशासन, है शासन री शान।।
2. एकाचार्य, एक समाचारी, एक प्ररूपणा-पंथ। ओ नूतन अद्वैत निकाळयो वाह! वाह! भीखणजी संत।।
3. पावस में प्रसरै, करै अपणो शीत-काल संकोच। निर्झरणी ज्यूं शासन-सरणी, अन्तर-मन आलोच।।
4. सेवाभावी सुविनीतां रो बढ़े सहज बहुमान। खेतसी तथा रायचन्द ओ, ल्यो प्रत्यक्ष प्रमाण।।
5. निन्नाणू रुपिया नोळी में, आयो विनय आचार। शेष एक बाकी, बाकी गुण स्वर्ण सुरभि-संचार।।
6. जो दळबन्दी रै दळ-दळ स्यूं, दूर रहे दस हाथ। संघ-हितेच्छू-तिण री तुलना 'रखिया-रोहिणी'साथ।।
7. विद्या भारभूत बण ज्यावै, कला कलंकित होय। नहिं धारी गणि-गण इकतारी, वारी खूब विलोय।।
8. बा वक्तृत्व कला बेचारी, बिन वारी घन गाज। नहिं विकसावै गण-वन-क्यारी, मूल बिना नहीं ब्याज।।
9. बात-बात प्रवचन-प्रवचन में, गण गणपति रो नाम। सुविनीतां री सरल कसौटी, दो चावल कर थाम।।
10. लिखित लेख ओ स्वामीजी रो, शासण री बुनियाद। हर वर्षे मर्यादा-महोत्सव, 'तुलसी' तिणरी याद।।
11. सतरै पंचशया मुनि श्रमणी, श्रावक-संघ सजोर। पुर सरदार त्रयोदश संवत, शासन हर्ष-विभोर।।
Roman Transliteration
mhannai ghano suhavai ji mhannai ghano suhavai ji, svamiji ro shasan, mhannai ghano suhavai ji, vir prabhu ro asan, mhannai ghano suhavai ji. ghano suhavai, hriday lubhavai, tarak terapanth..
1. maryadamay jivan saro, maryada ro man. atma-niyantran aru anushasan, hai shasan ri shan..
2. ekacharya, ek samachari, ek prarupna-panth. o nutan advait nikalyo vah! vah! bhikhanji sant..
3. pavas men prasrai, karai apano shit-kal sankoch. nirjharni jyun shasan-sarni, antar-man aloch..
4. sevabhavi suvinitan ro badhe sahaj bahuman. khetsi tatha rayachanda o, lyo pratyaksha praman..
5. ninnanu rupiya noli men, ayo vinay achar. shesh ek baki, baki gun svarna surbhi-sanchar..
6. jo dalabandi rai dal-dal syun, dur rahe das hath. Sangh-hitechchhu-tin ri tulna 'rakhiya-rohini'sath..
7. vidya bharbhut ban jyavai, kala kalnkit hoy. nahin dhari gani-gan ikatari, vari khub viloy..
8. ba vaktritva kala bechari, bin vari ghan gaj. nahin viksavai gan-van-kyari, mul bina nahin byaj..
9. bat-bat pravachan-pravachan men, gan ganapti ro nam. suvinitan ri saral kasauti, do chaval kar tham..
10. likhit lekh o svamiji ro, shasan ri buniyad. har varshe maryada-mahotsav, 'Tulsi' tinri yad..
11. satrai panchashya Muni shramni, shravak-Sangh sajor. pur sardar trayodash sanvat, shasan harsha-vibhor..