म्हारे आंगणिये
Mhare Anganiye
1544
म्हारे आंगणिये — Lyrics
म्हारे आंगणिये
मुनिश्वरजी! म्हारे आंगणै थे नवलो रंग लगाओ, नवलों रंग लगाओ, अमृत वर्षा बरसाओ।
बहुत दिनां स्यूं इंतजार में बैठ्या पलक बिछायां, अब तो जल्दी आप पधारो पूरौ सब आशावां, थे पावन गंगाधारजी, करद्यी अब बेड़ा पार जी, महर-नजर कर नगर हमारे, धार्मिक फूल खिलाओ।
चन्दन शीतल हौवे जग में, चन्दन स्यूं चांद घणो, चन्दन और चांद स्यूं भी शीतल सत्संग घणो, आ ज्ञानीजन की बात जी, सच्ची पूरी साक्षात् जी, ताप शान्त हो जावै सारा, वो सन्देश सुणाओ।
मोर पपैयो कृषक मेह री, पल-पल बाट निहार, सदा वियोगी लोक सकल ही, गिण-गिण बात गुजारै, म्हारी भी दर्शन प्यास जी, नित नया रचावै रास जी, करूणा-सागर सन्त कहावै, भगतां री प्यास बुझाओ।
Roman Transliteration
mhare anganiye
munishvarji! mhare anganai the navlo rang lagao, navlon rang lagao, amrit varsha barsao.
bahut dinan syun intajar men baithya palak bichhayan, ab to jaldi ap padharo purau sab ashavan, the pavan gangadharji, karadyi ab beda par ji, mahar-najar kar nagar hamare, dharmik phul khilao.
chandan shital hauve jag men, chandan syun chand ghano, chandan aur chand syun bhi shital satsang ghano, a jnanijan ki bat ji, sachchi puri sakshat ji, tap shanta ho javai sara, vo sandesh sunao.
mor papaiyo krishak meh ri, pal-pal bat nihar, sada viyogi lok sakal hi, gin-gin bat gujarai, mhari bhi darshan pyas ji, nit naya rachavai ras ji, karuna-sagar santa kahavai, bhagtan ri pyas bujhao.