म्हारी एस-सेलड़ियां
Mhari Es-Seldiyan
1549
म्हारी एस-सेलड़ियां — Lyrics
म्हारी एस-सेलड़ियां म्हारी रस-सेलड़ियां, आदीश्वर कीन्हो उत्तम पारणो। ल्यो अखै तीज दिन, पोतो श्रेंयासकुमार उधारणो।।
गृह समाज अरु राजनीति तज, धर्मनीति पथ ध्यावै। बारै माह री विकट तपस्या, सुण मन विस्मय पावै जी।।
भिक्षा-विधि अनभिज्ञ सकल जन, नहिं भोजन बहरावै। हीरा माणक मूंगा मोती, नीलम थाल सझावै जी।।
वर मद-झरत मतंग तुरंगम, ताम-जाम कढ़वावै। कन्या धन्या धाम थक्या सहु, प्रभू न नजर टिकावै जी।।
चेला च्यार हजार भूख स्यूं, मन ही मन अकुलावै। बाबोजी तो मूल न बोलै, बार-बार बतलावै जी।।
लाग्या पेट भरण रै गेलै, कुण बानै समझावै? कन्द मूल फल भोगी जोगी अलग-अलग हो ज्यावै जी।।
हस्तिनापुर जंगम सुरगिरि, पौत्र-स्वप्न पूरावै। दान-धर्म महिमा महकाई, पंच दिव्य प्रगटावै जी।।
पा केवल, निर्वाण प्रथम मरुदेवा-मात पुगावै। करो प्रणाम समन प्रभु चरणां, 'तुलसी' शीष झुकावै जी।।
Roman Transliteration
mhari es-seldiyan mhari ras-seldiyan, adishvar kinho uttam parno. lyo akhai tij din, poto shrenyaskumar udharno..
grih samaj aru rajniti taj, dharmaniti path dhyavai. barai mah ri vikat tapasya, sun man vismay pavai ji..
bhiksha-vidhi anabhijna sakal jan, nahin bhojan bahravai. hira Manak munga moti, nilam thal sajhavai ji..
var mad-jharat matang turangam, tam-jam kadhvavai. kanya dhanya dham thakya sahu, prabhu n najar tikavai ji..
chela chyar hajar bhukh syun, man hi man akulavai. baboji to mul n bolai, bar-bar batlavai ji..
lagya pet bharan rai gelai, kun banai samjhavai? kanda mul phal bhogi jogi alag-alag ho jyavai ji..
hastinapur jangam surgiri, pautra-svapna puravai. dan-Dharm mahima mahkai, panch divya pragtavai ji..
pa keval, nirvan pratham marudeva-mat pugavai. karo pranam saman Prabhu charnan, 'Tulsi' shish jhukavai ji..