महावीर री ध्याऊं में तो ध्यावना जी,
Mahavir Ri Dhyaun Men To Dhyavna Ji,
1582
महावीर री ध्याऊं में तो ध्यावना जी, — Lyrics
महावीर री ध्याऊं में तो ध्यावना जी, म्हारी श्रद्धा रा आस्थान, अत्रागां रा शाश्वत त्राग, जीवन में मिलग्या ज्यूं वरदान, ओ भगवान।।
१. त्रिभुवन रा उजियाळा बण कर अवतत्था जी, फैल्यो जग में नयो प्रकाश। होग्यों मिथ्या-तम रो नाश, जाग्यो नव जीवन रो विश्वास।।
२. हिंसा रा बढ़ता पग थमग्या पलक में जी, सुण कर प्रभु री दृढ़ आवाज। कम्य पशुबलि वाळो साज, आभारी बणग्यो सकल समाज।।
३. जागी ही जीवन में समता-भावना जी, बणग्या हरिकेशी सा साध। मिटग्या जात-पांत अपराध, धुपगी अन्तर्मन री असमाध।।
४. गणधर हा गौतम सा भारी दीपता जी, चंदनबाला सती-प्रधान। संत सत्यां गुणवंत महान्, च्यारूं तीर्थां रो सफल विधान।।
५. अनेकांत रो दर्शन ईं जग नै दियो जी, आग्रह विग्रह रो कै काम? पसरी समता-बेल ललाम, चरणां में शत-शत 'बुद्ध' प्रणाम।।
Roman Transliteration
Mahavir ri dhyaun men to dhyavna ji, mhari shraddha ra asthan, atragan ra shashvat trag, jivan men milagya jyun vardan, o bhagvan..
1. tribhuvan ra ujiyala ban kar avatattha ji, phailyo jag men nayo prakash. hogyon mithya-tam ro nash, jagyo nav jivan ro vishvas..
2. hinsa ra badhta pag thamagya palak men ji, sun kar Prabhu ri dridh avaj. kamya pashubli valo saj, abhari banagyo sakal samaj..
3. jagi hi jivan men samta-bhavna ji, banagya harikeshi sa sadh. mitagya jat-pant aparadh, dhupgi antarman ri asamadh..
4. ganadhar ha Gautam sa bhari dipta ji, chandanbala sati-pradhan. sant satyan gunavant mahan, chyarun tirthan ro saphal vidhan..
5. anekant ro darshan in jag nai diyo ji, agrah vigrah ro kai kam? pasri samta-bel lalam, charnan men shat-shat 'buddha' pranam..