मिनखां देही मिली तनै अनमोल, अब तो सोच रे
Minkhan Dehi Mili Tanai Anamol, Ab To Soch Re
1598
मिनखां देही मिली तनै अनमोल, अब तो सोच रे — Lyrics
मिनखां देही मिली तनै अनमोल, अब तो सोच रे काढ ले इण तन से तूं सार, पुगावेला बो मुक्ति द्वार ।। मिनखां देही... ।
काल घणेरो सूत्यां बीत्यो अब ऊग्यो है दिन ओ दिनड़ो भी ढलतो जावै, देर न कर पल-छिन ।। अब तो सोच रे... ।
धन रै लारै फिरै बावला ज्यूं खुद री परछाई नहीं भरोसो पल-भर रो भी, ओ सांसां रो भाई ।। अब तो सोच रे... ।
किण रै ऊपर गर्व करै है कोई न थारो मीत थारी म्हारी छोड़ अरे तूं, कर लै प्रभु स्यूं प्रीत ।। अब तो सोच रे... ।
स्वारथ सधसी जद तक थारै रहसी सब अनुकूल जद टूटेला धागो इण रो, बणसी सब प्रतिकूल ।। अब तो सोच रे... ।
फंस्या पछे नहीं छूट सकैला ओ माया रो जाल ‘मोहजीत मुनि’ चेत अरे ओ, झूठो जग जंजाल ।। अब तो सोच रे... ।
Roman Transliteration
minkhan dehi mili tanai anamol, ab to soch re kadh le in tan se tun sar, pugavela bo mukti dvar .. minkhan dehi... .
kal ghanero sutyan bityo ab ugyo hai din o dindo bhi dhalto javai, der n kar pal-chhin .. ab to soch re... .
dhan rai larai phirai bavla jyun khud ri parchhai nahin bharoso pal-bhar ro bhi, o sansan ro bhai .. ab to soch re... .
kin rai upar garva karai hai koi n tharo mit thari mhari chhod are tun, kar lai Prabhu syun prit .. ab to soch re... .
svarath sadhsi jad tak tharai rahsi sab anukul jad tutela dhago in ro, bansi sab pratikul .. ab to soch re... .
phansya pachhe nahin chhut sakaila o maya ro jal ‘mohjit Muni’ chet are o, jhutho jag janjal .. ab to soch re... .