मिनख जमारो पायो भोला क्यूं तू व्यर्थ गमावै है
Minakh Jamaro Payo Bhola Kyun Tu Vyartha Gamavai Hai
1596
मिनख जमारो पायो भोला क्यूं तू व्यर्थ गमावै है — Lyrics
मिनख जमारो पायो भोला क्यूं तू व्यर्थ गमावै है अनमोले चिन्तामणि स्यूं क्यूं कालो कग उड़ावै है ।।
पीवण तर इमरत पायो बीं स्यूं क्यूं पग धोवै है धरती आम बोवण री इं मैं, आक बीज क्यूं बोवै है अवसर जो लाभ उठावै वो मोती निपजावै है ।।
पग तल रो नहीं ज्ञान जरा सो आकाशां रो ज्ञान कर्यो अपणो ओगुण एक दिखै नहीं, औरां पर ही ध्यान धर्यो आदरसां पर जो नहीं चालै वो के मिनख कहावै है ।।
यम रा दूत खड्या माथै पर केठा कद ले ज्यावेला करणी आछी कर लै मनवा, नहिं तो तूं पछतावेला अवसर रहतां आतम ज्ञान जगावै वो सुख पावै है ।।
चिन्ता लागी आगै री पर बोल के सागै जावैलो सागै ल्येग्यो कांई सिकन्दर, यूं ही मूंडो बावैलो ‘मोहजीत’ ले उण नै ही ज्ञानी लोक सरावै है ।।
Roman Transliteration
minakh jamaro payo bhola kyun tu vyartha gamavai hai anamole chintamni syun kyun kalo kag udavai hai ..
pivan tar imarat payo bin syun kyun pag dhovai hai dharti am bovan ri in main, ak bij kyun bovai hai avasar jo labh uthavai vo moti nipjavai hai ..
pag tal ro nahin jnan jara so akashan ro jnan karyo apano ogun ek dikhai nahin, auran par hi dhyan dharyo adarsan par jo nahin chalai vo ke minakh kahavai hai ..
yam ra dut khadya mathai par ketha kad le jyavela karni achhi kar lai manva, nahin to tun pachhtavela avasar rahtan atam jnan jagavai vo sukh pavai hai ..
chinta lagi agai ri par bol ke sagai javailo sagai lyegyo kani sikandar, yun hi mundo bavailo ‘mohjit’ le un nai hi jnani lok saravai hai ..