यशोमती मैया से

मिनख-जमारो पायो लाभ तूं कमाई,

Minakh-Jamaro Payo Labh Tun Kamai,

यशोमती मैया से

गीत क्रमांक1602

मिनख-जमारो पायो लाभ तूं कमाई, — Lyrics

मिनख-जमारो पायो लाभ तूं कमाई, आळस-प्रमाद में ही वृथा मत गमाई।।

१. जळ जियां अंजळी रो ढळतो ही जावै। कारी ईं आउखै रै लाग नहीं पावै। सावधान होकर जीवन सफळ बणाई।।

२. धन-परिजन रो मेळो लाग्यो है भारी। च्यानणी खिली है झगमग च्यार दिनां री। आगै अंधेरी रातां, मत ललचाई।।

३. सीखी संस्कार भला, बुरा दूर ठेली। नीत शुद्ध राखीजे, मत करजे मैली। साथ चलैला थारै भलाई-बुराई।।

४. बीज बोवैला बिसो काटणो पड़ैला। पाप रो ले भार किसे बिल में बड़ैला। दुनिया में देखी बस स्वार्थ री सगाई।।

५. तोल कर बोली भलो, भलो ही निहारी। कानां सुणीजै भलो, भलो ही विचारी। 'बुद्ध' हर एक नै तूं भलो पथ दिखाई।।

minakh-jamaro payo labh tun kamai, alas-pramad men hi vritha mat gamai..

1. jal jiyan anjali ro dhalto hi javai. kari in aukhai rai lag nahin pavai. savdhan hokar jivan saphal banai..

2. dhan-parijan ro melo lagyo hai bhari. chyanni khili hai jhagamag chyar dinan ri. agai andheri ratan, mat lalchai..

3. sikhi sanskar bhala, bura dur theli. nit shuddha rakhije, mat karje maili. sath chalaila tharai bhalai-burai..

4. bij bovaila biso katno padaila. pap ro le bhar kise bil men badaila. duniya men dekhi bas svartha ri sagai..

5. tol kar boli bhalo, bhalo hi nihari. kanan sunijai bhalo, bhalo hi vichari. 'buddha' har ek nai tun bhalo path dikhai..