मतिमन्त मुणी
Matimanta Muni
1699
मतिमन्त मुणी — Lyrics
मतिमन्त मुणी मतिमन्त मुणी! सुकुलीणी श्रमणी! गुरु-शिक्षा धारिये। पश्चिम रयणी, ऊठ-ऊठ अक्षर-अक्षर सम्भारिये।।
१. मुनि पंच महाव्रत आदरिया, तजि धण, कण, कंचन, परवरिया। मनु कंचन-गिरिवर कर धरिया।।
२. पणबीस-भावना पांचां नीं, गिणवाई गुरु गणधर ज्ञानी। भावो निज-निज कण्ठे ठानी।।
३. नवबाड़ ब्रह्मव्रत री भाखी, इक कोट रि ओट अजब राखी। समरो निशि-वासर दिल साखी।।
४. तेईस विषय पंचेन्द्रिय नां, बे शय चालीस विकार बना। परिहरिये पल-पल शुद्ध मना।।
५. हलवे-हलवे मारग हालो, गाडरवत नीची दृग न्हालो। पग-पग धुर-समिती सम्हालो।।
६. कटु कर्कश भाषा मत बोलो, बोलो तो वयण-रयण तोलो। तो लोक उभय भय नहिं दोलो।।
७. बंयाली एषण-दूषणिया, त्यूं पंच मण्डला रा भणिया। सहु राखो आंगुलियां गिणिया।।
८. उपयोगे उपधि ग्रहो मूको, पंचमि री जयणा मत चूको। गुप्ति-त्रय गुप्त सुमग ढूको।।
९. है आठूं ही प्रवचन-माता, जो रहसी आंरै सुखसाता। तो नहिं होसी कोइ दुखदाता।।
१०. विधियुक्त उभय टक पड़िकमणो, दे दृष्टी पड़िलेहण करणो।। है पूंजण हेत रजोहरणो।।
११. पड़िलेहण पड़िकमणो करतां, पंचमी गोचरी संचरतां। मत बात करो त्यूं फिर-धिरतां।।
१२. इच्छा मिच्छादिक जो भारी, है दश विध शुद्ध समाचारी। जीवन में अहो-निशि अनिवारी।।
१३. तेतीसाशातन टालीजे, असमाधिय रो मद गालीजे। सबला सह-मूल उखालीजे।।
१४. छल-कपट, झूठ में नहीं फंसो, दिल बाहिर मांहि रखो इकसो। बिल पेसत पन्नगराज जिसो।।
१५. गुरु-आणा प्राणाधिक जाणो, अंतर-मन इंगित पहचाणो।। कोई बात मनोगत मत ताणो।।
१६. रयणाधिक मुनि री विनय करो, अविनय अपलच्छन दूर टरो। म करो ललनाजन रो लफरो।।
१७. निज अवगुण क्षण-क्षण सम्भारो, पर-गुण सह प्रेम परम धारो। मन मत्सर टारो परवारो।।
१८. गणि गण स्यूं राखो इकतारी, प्रीतड़ली पय साकर वारी। त्यूं उद्धरसी आतम थांरी।।
१९. गृह मूक्यो मुनि जिण वेरागे, ली दीक्षा गुरु-कर बड़भागे। त्यूं पालण प्रेम रखो सागे।।
२०. परिषह स्यूं मन मत कंपावो, सज्झाय झाण प्रतिपल ध्यावो। शासण री महिमा सहु गावो।।
२१. निन्नाणूं पोष महीना में, दी सीखड़ली स्वर झीना में। 'तुलसी' गणपति दृढ़ सीना में।।
२२. चतुरधिक पंचशय मुनि श्रमणी, गुरु-चरणां मानै मौज घणी। सरदारशहर छवि खूब बणी।।
Roman Transliteration
matimanta muni matimanta muni! sukulini shramni! Guru-shiksha dhariye. pashchim rayni, uth-uth akshar-akshar sambhariye..
1. Muni panch mahavrat adariya, taji dhan, kan, kanchan, paravriya. manu kanchan-girivar kar dhariya..
2. panbis-bhavna panchan nin, ginvai Guru ganadhar jnani. bhavo nij-nij kanthe thani..
3. navbad brahmavrat ri bhakhi, ik kot ri ot ajab rakhi. samro nishi-vasar dil sakhi..
4. teis vishay panchendriy nan, be shay chalis vikar bana. parihriye pal-pal shuddha mana..
5. halve-halve marag halo, gadaravat nichi drig nhalo. pag-pag dhur-samiti samhalo..
6. katu karkash bhasha mat bolo, bolo to vayan-rayan tolo. to lok ubhay bhay nahin dolo..
7. banyali eshan-dushniya, tyun panch mandala ra bhaniya. sahu rakho anguliyan giniya..
8. upayoge upadhi graho muko, panchmi ri jayna mat chuko. gupti-tray gupta sumag dhuko..
9. hai athun hi pravachan-mata, jo rahsi anrai sukhsata. to nahin hosi koi dukhdata..
10. vidhiyukta ubhay tak padikamno, de drishti padilehan karno.. hai punjan het rajoharno..
11. padilehan padikamno kartan, panchmi gochri sanchartan. mat bat karo tyun phir-dhirtan..
12. ichchha michchhadik jo bhari, hai dash vidh shuddha samachari. jivan men aho-nishi anivari..
13. tetisashatan talije, asamadhiy ro mad galije. sabla sah-mul ukhalije..
14. chhal-kapat, jhuth men nahin phanso, dil bahir manhi rakho ikaso. bil pesat pannagraj jiso..
15. Guru-ana pranadhik jano, antar-man ingit pahchano.. koi bat manogat mat tano..
16. raynadhik Muni ri vinay karo, avinay apalachchhan dur taro. m karo lalnajan ro laphro..
17. nij avagun kshan-kshan sambharo, par-gun sah prem param dharo. man matsar taro parvaro..
18. gani gan syun rakho ikatari, pritadli pay sakar vari. tyun uddharsi atam thanri..
19. grih mukyo Muni jin verage, li diksha Guru-kar badbhage. tyun palan prem rakho sage..
20. parishah syun man mat kampavo, sajjhay jhan pratipal dhyavo. shasan ri mahima sahu gavo..
21. ninnanun posh mahina men, di sikhadli svar jhina men. 'Tulsi' ganapti dridh sina men..
22. chaturdhik panchashay Muni shramni, Guru-charnan manai mauj ghani. sardarashahar chhavi khub bani..