ओ म्हारा गुरुदेव!
O Mhara Gurudev!
1957
ओ म्हारा गुरुदेव! — Lyrics
ओ म्हारा गुरुदेव! ओ म्हारा गुरुदेव! भव-सागर पार पुगावोजी, जीवन री ज्योत जगावोजी, ओ म्हारा गुरुदेव!
1. अगणित गुण गरिमा-धारी, अै पांच महाव्रत भारी। आजीवन अटल निभावोजी।।
2. इन्द्रिय अरु मन रो जोड़ो, मन बिना बाग रो घोड़ो। साहस स्यूं वश बरतावोजी।।
3. कांचन कान्ता रा त्यागी, हो ब्रह्म रूप थे सागी। भगतां री लाज बचावोजी।।
4. नि:स्वारथ पर उपकारी, सब मन री ममता मारी। छिन-छिन जिन धर्म दिपावोजी।।
5. इक ओर देव अधिराजै, इक ओर धर्म-छवि छाजै। मध्यस्थ सदा मन भावोजी।।
6. रज-कण नै करो सुमेरू, जल-कण नै जलनिधि हेरू। पंगू नै प्हाड़ चढ़ावोजी।।
7. जो क्रूर कुटिल खल कामी, झट करो ऊर्ध्वगति-गामी। पतितां नै पूज्य बणावोजी।।
8. उत्तप्त कलेजा ठारो, करुणा री निजर निहारो। समता रो स्रोत बहावोजी।।
9. थारै बिन घोर अन्धारो, कुण पंथ दिखावणहारो। भूल्यां नै मारग ल्यावोजी।।
10. ल्यो पलक-पलक मैं ध्याऊं, चरणां सर्वस्व चढ़ाऊ। 'तुलसी' मन अतुल उम्हावोजी।।
Roman Transliteration
o mhara Gurudev! o mhara Gurudev! bhav-sagar par pugavoji, jivan ri jyot jagavoji, o mhara Gurudev!
1. aganit gun garima-dhari, ai panch mahavrat bhari. ajivan atal nibhavoji..
2. indriy aru man ro jodo, man bina bag ro ghodo. sahas syun vash bartavoji..
3. kanchan kanta ra tyagi, ho brahma rup the sagi. bhagtan ri laj bachavoji..
4. ni:svarath par upakari, sab man ri mamta mari. chhin-chhin Jin Dharm dipavoji..
5. ik or Dev adhirajai, ik or Dharm-chhavi chhajai. madhyastha sada man bhavoji..
6. raj-kan nai karo sumeru, jal-kan nai jalnidhi heru. pangu nai phad chadhavoji..
7. jo krur kutil khal kami, jhat karo urdhvagti-gami. patitan nai pujya banavoji..
8. uttapta kaleja tharo, karuna ri nijar niharo. samta ro srot bahavoji..
9. tharai bin ghor andharo, kun panth dikhavanharo. bhulyan nai marag lyavoji..
10. lyo palak-palak main dhyaun, charnan sarvasva chadhau. 'Tulsi' man atul umhavoji..