पणिहारी

सांवरिया स्वामी जी! आवो

Sanvriya Swami Ji! Avo

पणिहारी

गीत क्रमांक2223

सांवरिया स्वामी जी! आवो — Lyrics

सांवरिया स्वामी जी! आवो सांवरिया स्वामीजी! आवो आंगणै हो, ध्याऊं थांरो एक ध्यान। अन्तर मन रा भगवान, देव! उतारूं थांरी आरती, भिक्खू स्याम।।

1. सुधरी री छतरयां गावै प्रीत स्यूं हो, थांरी वीरता रा गीत। दृढ़ संकल्प रा संगीत, पहलो प्रवास समसाण हो, भिक्खू स्याम।।

2. अंधेरी ओरी में हुयो च्यानणो हो, चसग्‍या ज्ञान रा दीया। हरषित जन-जन रा हिया, आगे बढ़ायो अभियान हो।।

3. भोगी ही कठिनायां स्वामी आकरी, हो पूरो मिलतो नहीं आ'र। तपती सरिता चर में जा'र, चाख्या तपस्या रा पकवान हो।।

4. छाती में मुक्का ठोला शीश में, हो तीखी गाल्यां रा बै तीर। सहया हंस-हंसकर बो वीर, शंकर बण्यो हो कर विषपान हो।।

5. चमक्यो है थांरी साची साधना स्यूं, सूरज सो ओ तेरापंथ। आलोकित नभ धरा दिगन्त, अमर बण्यो है बलिदान हो।।

6. संकट टळै है फळै कामना, हो मंत्राक्षर-सो थांरो नाम। सरज्या मनवांछित सै काम, पाया तुलसी सा पुण्य निधान हो।।

sanvriya Swami ji! avo sanvriya svamiji! avo anganai ho, dhyaun thanro ek dhyan. antar man ra Bhagwan, Dev! utarun thanri Aarti, bhikkhu syam..

1. sudhri ri chhataryan gavai prit syun ho, thanri virta ra git. dridh sankalpa ra sangit, pahlo pravas samsan ho, bhikkhu syam..

2. andheri ori men huyo chyanno ho, chasagya jnan ra diya. harshit jan-jan ra hiya, age badhayo abhiyan ho..

3. bhogi hi kathinayan Swami akari, ho puro milto nahin a'r. tapti sarita char men ja'r, chakhya tapasya ra pakvan ho..

4. chhati men mukka thola shish men, ho tikhi galyan ra bai tir. sahya hans-hansakar bo vir, shankar banyo ho kar vishpan ho..

5. chamakyo hai thanri sachi sadhna syun, suraj so o terapanth. alokit nabh dhara diganta, amar banyo hai balidan ho..

6. sankat talai hai phalai kamna, ho mantrakshar-so thanro nam. sarajya manvanchhit sai kam, paya Tulsi sa punya nidhan ho..