स्वामीजी! थांरी साधना री
Svamiji! Thanri Sadhna Ri
2577
स्वामीजी! थांरी साधना री — Lyrics
स्वामीजी! थांरी साधना री स्वामीजी! थांरी साधरा री मेरू-सी ऊंचाई, मेरू-सी ऊंचाई, है सागर-सी गहराई हो।।
1. सिंह-सपन स्यूं आया माता, दीपां रै प्रांगण में, सिंह-वृत्ति स्यूं ही उतरया, संयम रै समरांगण में, मरुधर रा धोरी वीर जी, चाल्या बाधावां चीर जी, कान खड़या होग्या दुनियां रा, बाजी जद शहनाई हो।।
2. तन नै साध्यो मन नै साध्यो और साध्य नै साध्यो, तपतै सूरज रो आतप लेतां, ओ हीरो लाध्यो, सरिता-चर सुख री सेज जी, प्रकट्यो अन्तर रो तेज जी, गण री जड़ में खून पसीनै, री है खरी कमाई हो।।
3. सूझबूझ रा धणी सांतरा, सत्य धर्म रा खोजी, आज्ञा अनुशासन रा हामी, वीर प्रभू रा फोजी, ननु-नच रो है के काम जी, चाहे सुबै हुवो या शाम जी, सिद्धान्तां रे खातिर करता, बाबै स्यूं भी डाई हो।।
4. लाभ-अलाभ प्रशंसा-निन्दा, सुख-दु:ख नै सम मान्यो, मुखड़ै पर मुसकान अजब, आज्ञानी मुक्को ताण्यो, आता रहता तूफान जी, छोड़यो कद अनुसंधान जी, हिम्मत री कीमत चिन्ता री, पड़ी नहीं परछाई हो।।
5. अन्तरंग बहिरंग घणी रोमांचक है घटनावां, एक-एक स्यूं बढ़कर किसी-किसी कहकर बतलावां? जुग-जुग रहसी इतिहास जी, भरसी मन में उल्लास जी, इं कलियुग में आ सतयुग-री झांकी-सी दिखलाई हो।।
6. स्वर्ण कसौटी पर निखरै आ केबत बोत पुराणी, जीवन स्यूं प्रत्यक्ष दिखाई श्वेत-संघ-सेनानी, जाग्यो अन्तर विश्वास जी, टूट्या भक्तां रा पाश जी, धीरै-धीरै अपणी गति स्यूं प्रगट हुई सच्चाई हो।।
7. वीतराग रै वचनां पर ही जीवन सारो वारयो, रात-रात भर जाग-जाग कइयां रो भार उतारयो, बै अंकुर बण्या महान जी, फळवान हुयो उद्यान जी, गंगाशहर भिक्षु-चरमोत्सव 'तुलसी' गरिमा गाई हो।।
Roman Transliteration
svamiji! thanri sadhna ri svamiji! thanri sadhra ri meru-si unchai, meru-si unchai, hai sagar-si gahrai ho..
1. sinh-sapan syun aya mata, dipan rai prangan men, sinh-vritti syun hi utarya, sanyam rai samrangan men, marudhar ra dhori vir ji, chalya badhavan chir ji, kan khadya hogya duniyan ra, baji jad shahnai ho..
2. tan nai sadhyo man nai sadhyo aur sadhya nai sadhyo, taptai suraj ro atap letan, o hiro ladhyo, sarita-char sukh ri sej ji, prakatyo antar ro tej ji, gan ri jad men khun pasinai, ri hai khari kamai ho..
3. sujhbujh ra dhani santra, satya Dharm ra khoji, ajna anushasan ra hami, vir prabhu ra phoji, nanu-nach ro hai ke kam ji, chahe subai huvo ya sham ji, siddhantan re khatir karta, babai syun bhi dai ho..
4. labh-alabh prashnsa-ninda, sukh-du:kh nai sam manyo, mukhdai par muskan ajab, ajnani mukko tanyo, ata rahta tuphan ji, chhodyo kad anusndhan ji, himmat ri kimat chinta ri, padi nahin parchhai ho..
5. antarang bahirang ghani romanchak hai ghatnavan, ek-ek syun badhakar kisi-kisi kahakar batlavan? jug-jug rahsi itihas ji, bharsi man men ullas ji, in kaliyug men a satyug-ri jhanki-si dikhlai ho..
6. svarna kasauti par nikhrai a kebat bot purani, jivan syun pratyaksha dikhai shvet-Sangh-senani, jagyo antar vishvas ji, tutya bhaktan ra pash ji, dhirai-dhirai apani gati syun pragat hui sachchai ho..
7. vitrag rai vachnan par hi jivan saro varyo, rat-rat bhar jag-jag kaiyan ro bhar utaryo, bai ankur banya mahan ji, phalvan huyo udyan ji, gangashahar Bhikshu-charmotsav 'Tulsi' garima gai ho..