वीर प्रभु! सुणो नी पुकार,
Vir Prabhu! Suno Ni Pukar,
2843
वीर प्रभु! सुणो नी पुकार, — Lyrics
वीर प्रभु! सुणो नी पुकार, पार म्हारी कर दो नावड़ी। थांरो ही एक आधार, पार म्हारी कर द्यो नावड़ी।।
१. भटक्यो अनन्त काळ लहरां में डोलतो, अटक्यो अब आय मझधार।
२. खोजतो रयो हूं मैं पराया ही बारणा, भूल्यो हूं निज घर द्वार।
३. तन नै संवारूं पण ओ मन नहीं संवरै, आवै उभरता विकार।
४. खाली पड़ी है म्हारी गुणवाळी ओरड़ी, अवगुण रा भरया भण्डार।
५. आंटीलो विचार, म्हारी वाणी कंटीली, किंयां सुधरैलो व्यवहार?
६. भूल्यो स्वरूप, राच्यो बारलै भावां में, अन्तर रो टूट्यो संचार।
७. 'बुद्ध' थांरै चरणां रै शरणै में रात-दिन, जोड़ो नी अभिन्तर तार।
Roman Transliteration
vir Prabhu! suno ni pukar, par mhari kar do navdi. thanro hi ek adhar, par mhari kar dyo navdi..
1. bhatakyo ananta kal lahran men dolto, atakyo ab ay majhdhar.
2. khojto rayo hun main paraya hi barna, bhulyo hun nij ghar dvar.
3. tan nai sanvarun pan o man nahin sanvrai, avai ubharta vikar.
4. khali padi hai mhari gunvali oradi, avagun ra bharya bhandar.
5. antilo vichar, mhari vani kantili, kinyan sudhrailo vyavhar?
6. bhulyo svarup, rachyo barlai bhavan men, antar ro tutyo sanchar.
7. 'buddha' thanrai charnan rai sharnai men rat-din, jodo ni abhintar tar.