वीर सुणो मोरी वीनती
Vir Suno Mori Vinti
2844
वीर सुणो मोरी वीनती — Lyrics
वीर सुणो मोरी वीनती
वीर सुणो मोरी वीनती, कर जोड़ी हो कहूं मन नीं बात कै। बालक नी पर वीनवूं, मोरा स्वामी हो तुम त्रिभुवन तात कै।।१।।
तुम दर्शण बिन हूं भम्यो, स्वामी हो भव समुद्र मझार कै। दु:ख अनन्ता मैं सह्या, ते कहितां हो किम आवै पार कै।।२।।
पर उपकारी तूं प्रभु, दु:ख भंजन हो जग दीनदयाल कै। तुझ शरणे मैं आवियो, स्वामी मुझनैं हो निज नयण निहाल कै।।३।।
अपराधी पिण उद्धर्या, कीधी हो करुणा मोरा स्वाम कै। हूं तो परम भक्त तांहरो, तेणे तारो हो नहिं ढील नुं काम कै।।४।।
शूलपाणि प्रतिबोधियो, जेणे कीधा हो तुझ नें उपसर्ग कै। डंक दीधो चंडकोशिये, तें दीधो हो तसु आमो स्वर्ग कै।।५।।
(लय : संभव साहिब समरिये)
गौशालो गुनही घणूं, जेणे बोल्या हो तोरा अवरणवाद कै। ते बलते नै राखियो, शीत लेश्या हो मूकी सुप्रसाद कै।।६।।
वचन उथाप्या तांहरा, जे झगड्यो हो तुम साथे जमाल कै। तेहने पण पन्द्रह भवे, शिवगामी हो कीधो तें कृपाल कै।।9।।
अइमंतो ऋषि जे रम्यो, जल मां बांध माटी नीं पाल कै। तिरवा मूकी पातरी, तें तार्यो हो तेहनैं तत्काल कै।।८।।
ए कुण छै इन्द्रजालियो, एम कहतो हो आव्यो तुम तीर कै। ते गौतम नैं तें कर्यो, पोता नीं हो प्रभुता नों बजीर कै।।९।।
मेघकुमर ऋषि बोधियो, चित्त चूक्यो हो चारित्र थी अपार कै। इक भवतारी तेहनै, तें कीधो हो करुणा भण्डार कै।।१०।
बारह वर्ष वेश्या घरे, मूकी हो संयम नों भार कै। नंदिषेण पिण उद्धर्यो, सुरपदवी हो दीधी अति सार कै।।११।।
पंच महाव्रत परिहरी, गृहवासे हो वस्या बरस चौबीस कै। ते पिण आर्द्रकुमार नैं, तें तार्यो हो तांहरी एक जगीश कै।।१२।।
राय श्रेणिक राणी चेलणा, रूप देखी हो चित चूक्या जेह कै। समवसरण साधु साधवी, ते कीधो हो आराधक तेह कै।।१३।।
विरत नहीं नहिं आंखड़ी नहीं पोसो हो नहिं आदर दीख कै। तो पिण श्रेणिकराय नैं, तें कीधो हो स्वामी आप सरीख कै।।१४।।
एक अनेक ते उद्धर्या, कहूं तांहरा हो केता अवदात कै। सार करो हिवै मांहरी, मन आणो हो स्वामी मांहरी बात कै।।१५।।
सुधो संयम नवि पलै, नहीं तेहवो हो मुझ दर्शन नाण कै। पण आधार छै एटलो, एक तांहरो हो धरूं निश्चल ध्यान कै।।१६।।
महितल मेहड़ो बरसतो, नवि जोवै हो सम विषमां ठाम कै। गिरूआ सहजे गुण करै, स्वामी सारो हो म्हारा वांछित काम कै।।१७।।
तुम नामे सुख सम्पदा, तुम नामे हो दुख जाये दूर कै। तुम नामे वांछित फलै, तुम नामें हो मुझ आनन्द पूर कै।।१८।।
Roman Transliteration
vir suno mori vinti
vir suno mori vinti, kar jodi ho kahun man nin bat kai. balak ni par vinvun, mora Swami ho tum tribhuvan tat kai..1..
tum darshan bin hun bhamyo, Swami ho bhav samudra majhar kai. du:kh ananta main sahya, te kahitan ho kim avai par kai..2..
par upakari tun Prabhu, du:kh bhanjan ho jag dinadyal kai. tujh sharne main aviyo, Swami mujhnain ho nij nayan nihal kai..3..
aparadhi pin uddharya, kidhi ho karuna mora svam kai. hun to param bhakta tanhro, tene taro ho nahin dhil nun kam kai..4..
shulpani pratibodhiyo, jene kidha ho tujh nen upasarga kai. dank didho chandkoshiye, ten didho ho tasu amo svarga kai..5..
(lay : sambhav sahib samriye)
gaushalo gunhi ghanun, jene bolya ho tora avaranvad kai. te balte nai rakhiyo, shit leshya ho muki suprasad kai..6..
vachan uthapya tanhra, je jhagadyo ho tum sathe jamal kai. tehne pan pandrah bhave, shivgami ho kidho ten kripal kai..9..
aimanto rishi je ramyo, jal man bandh mati nin pal kai. tirva muki patri, ten taryo ho tehnain tatkal kai..8..
e kun chhai indrajaliyo, em kahto ho avyo tum tir kai. te Gautam nain ten karyo, pota nin ho prabhuta non bajir kai..9..
meghkumar rishi bodhiyo, chitta chukyo ho charitra thi apar kai. ik bhavtari tehnai, ten kidho ho karuna bhandar kai..10.
barah varsha veshya ghare, muki ho sanyam non bhar kai. nandishen pin uddharyo, surapadvi ho didhi ati sar kai..11..
panch mahavrat parihri, grihvase ho vasya baras chaubis kai. te pin ardrakumar nain, ten taryo ho tanhri ek jagish kai..12..
ray shrenik rani chelna, rup dekhi ho chit chukya jeh kai. samavasaran sadhu sadhvi, te kidho ho aradhak teh kai..13..
virat nahin nahin ankhadi nahin poso ho nahin adar dikh kai. to pin shrenikray nain, ten kidho ho Swami ap sarikh kai..14..
ek anek te uddharya, kahun tanhra ho keta avadat kai. sar karo hivai manhri, man ano ho Swami manhri bat kai..15..
sudho sanyam navi palai, nahin tehvo ho mujh darshan nan kai. pan adhar chhai etalo, ek tanhro ho dharun nishchal dhyan kai..16..
mahital mehdo barasto, navi jovai ho sam vishman tham kai. girua sahje gun karai, Swami saro ho mhara vanchhit kam kai..17..
tum name sukh sampada, tum name ho dukh jaye dur kai. tum name vanchhit phalai, tum namen ho mujh ananda pur kai..18..