वन्दना लो झेलो
Vandana Lo Jhelo
2877
वन्दना लो झेलो — Lyrics
वन्दना लो झेलो वन्दना लो झेलो, भक्तां री भगवान! अर्चना लो झेलो, भक्तां री भगवान! धूप-दीप चंदन नहीं है, है श्रद्धा सम्मान।।
1. मन-मन्दिर रा देवता! म्हारा प्रियतम! जीवन प्राण! पल-पल पूजा-आरती म्है करां समर्पण प्राण।।
2. साचेला शंकर बण्या, कर धरती रो विष-पान। कळजुग में पिण राखली थे, जिन-शासन री शान।।
3. सदा कुरूढ़यां पर रह्या, थे ताण्यां तीर कबाण। 'ओ कुण काळो काबरो', सुण छोड़ चल्या अन-पाण।।
4. बुद्धि-प्रशंसा रूबरू, सुण करी टिप्पणी ताण। 'कोरी बुध किण काम री', सुण चमक्यो चतुर दिवाण।।
5. भारिमाल अरु हेम नै, थे करता प्रथम निशाण। भारिमाल तेलो करयो, अरु हेम सही खरसाण।।
6. रातीजोगा पिण दिया, जद जाण्यो जन-कल्याण। यूं खिण पिण खोता नहीं रे, समय मूल्य पहचाण।।
7. पल में पर-मन परखता रे, ताव चढ़ी क्यूं ताण। तुरत दुराग्रह तोड़ता रे, निज प्रतिभा रै पाण।।
8. करयो पसीनो खून रो, तज खान-पान रो ध्यान। धर्म कसौटी पर चढ़यो, ओ भिक्खण रो अहसान।।
9. शाश्वत तथ्यां ऊपरै, थे करयो नयो निर्माण। चन्देरी चरमोत्सवे, है 'तुलसी' हर्ष महान।।
Roman Transliteration
vandana lo jhelo vandana lo jhelo, bhaktan ri Bhagwan! archana lo jhelo, bhaktan ri Bhagwan! dhup-dip chandan nahin hai, hai shraddha samman..
1. man-mandir ra devta! mhara priyatam! jivan pran! pal-pal puja-Aarti mhai karan samarpan pran..
2. sachela shankar banya, kar dharti ro vish-pan. kaljug men pin rakhli the, Jin-shasan ri shan..
3. sada kurudhyan par rahya, the tanyan tir kaban. 'o kun kalo kabro', sun chhod chalya an-pan..
4. buddhi-prashnsa rubru, sun kari tippani tan. 'kori budh kin kam ri', sun chamakyo chatur divan..
5. bharimal aru hem nai, the karta pratham nishan. bharimal telo karyo, aru hem sahi kharsan..
6. ratijoga pin diya, jad janyo jan-kalyan. yun khin pin khota nahin re, samay mulya pahchan..
7. pal men par-man parakhta re, tav chadhi kyun tan. turat duragrah todta re, nij pratibha rai pan..
8. karyo pasino khun ro, taj khan-pan ro dhyan. Dharm kasauti par chadhyo, o bhikkhan ro ahasan..
9. shashvat tathyan uparai, the karyo nayo nirman. chanderi charmotsave, hai 'Tulsi' harsha mahan..