तेरापंथ रा नवमा
Terapanth Ra Navma
2611
तेरापंथ रा नवमा — Lyrics
तेरापंथ रा नवमा तेरापंथ रा नवमा शास्ता। अणुव्रत आंदोलन अनुशास्ता। तुलसी नाम जप्यां संकट सारा दूर भागै।। म्हानै-श्री तुलली रो नाम प्यारो-प्यारो लागै।।
वदनांजी रा लाल लाड़ला झूमर कुल उजियारा थे... लाड़ांजी रा वीरा मुनि चंपक रा भ्रात दुलारा थे कालुगणी रा पटधर तेरापथ रा प्राण पियारो थे तेजस्वी ओजस्वी जिनशासन रो दिव्य सितारा थे चमक्यो श्री भिक्षु रो आसन। स्वर्णिम युग हो थांरो शासन। संघ नायक स्यूं ही संघ री पुण्याई जागै।।
ग्यारह वर्षां री आयु में संयम पथ स्वीकार कर्यो गुरू कालू री किरपा स्यूं थे ज्ञान खजानो खूब भर्यो बाईस बरस में थारै खांधां गुरू शासन रो भार धर्यो थांरी छाया में गण बड़लो सब स्यूं अधिक विकास वर्यो थे गण गरिमा शिखर चढ़ाई। महिमा मुलकां में महकाई। थारै धर्म चक्र चालतो हो आगै-आगै।।
समण श्रेणी और शिक्षण संस्था देन आप री वरदाई अणुव्रत रो अवदान दीरा कर जग में थे ख्याति पाई प्रेक्षाध्यान जीवन विज्ञान कला जीणै री सिखलाई राजनेता प्रोफेसर जज़ वकील आ करता नरमाई करता नया नया आयोजन। आकर्षित होता हा जन-जन। थारै प्रगति पंथ पर जुड़ता लाखां लोग सागै।।
Roman Transliteration
Terapanth ra navma Terapanth ra navma shasta. Anuvrat andolan anushasta. Tulsi nam japyan sankat sara dur bhagai.. mhanai-shri tulli ro nam pyaro-pyaro lagai..
vadnanji ra lal ladla jhumar kul ujiyara the... ladanji ra vira Muni champak ra bhrat dulara the kalugni ra patadhar terapath ra pran piyaro the tejasvi ojasvi jinshasan ro divya sitara the chamakyo shri Bhikshu ro asan. svarnim yug ho thanro shasan. Sangh nayak syun hi Sangh ri punyai jagai..
gyarah varshan ri ayu men sanyam path svikar karyo guru Kalu ri kirpa syun the jnan khajano khub bharyo bais baras men tharai khandhan guru shasan ro bhar dharyo thanri chhaya men gan badlo sab syun adhik vikas varyo the gan garima shikhar chadhai. mahima mulkan men mahkai. tharai Dharm chakra chalto ho agai-agai..
saman shreni aur shikshan sanstha den ap ri vardai Anuvrat ro avadan dira kar jag men the khyati pai prekshadhyan jivan vijnan kala jinai ri sikhlai rajneta prophesar jaz vakil a karta narmai karta naya naya ayojan. akarshit hota ha jan-jan. tharai pragti panth par judta lakhan log sagai..