अनाथी
Anathi
191
अनाथी — Lyrics
अनाथी
श्रेणिक राय! हूं रे अनाथी निर्ग्रन्थ। मैं तो लीधो रे साधुजी रो पंथ।।
राय श्रेणिक बाड़ी गयो, दीठो मुनि एकंत। रूप देखी अचरज थयो, राय पूछे रे कुण वृतन्त।। श्रेणिक राय! हूं रे अनाथी निर्ग्रन्थ।।१।।
कोसम्बी नगरी हुंती, पिता मुझ प्रबल धन्न। परवार पूरै परवस्यो, तिणरो हूं कुंवर रतन्न।। श्रेणिक राय! हूं रे अनाथी निर्ग्रन्थ।।२।।
एक दिवस मुझ वेदना, उपनी नयन रै माय मात पिता झूर्या घणां, न सक्या रे मुझ वेदना बंदाय।। श्रेणिक राय! हूं रे अनाधी निर्ग्रन्थ।।३।।
पिताजी म्हारै कारणै, खरच्या बोहला दीनार। तो पिण वेदना गई नहीं, एहवो रे अधिर संसार।। श्रेणिक राय! हूं रे अनाथी निर्ग्रन्थ।।४।।
मात-पिता म्हारै कारणै, धरता दु:ख अथाय। उपाय तो किया घणा, पिण म्हांरै रे सुख नहीं थाय।। श्रेणिक राय! हूं रे अनाथी निर्ग्रन्थ।।५।।
(लय : रावण राय आशा अधिक)
बन्धु पिण म्हारै हुंता, एक उदर ना भाय। औषध तो बहुविध किया, पिण कारी न लागी काय।। श्रेणिक राय! हूं रे अनाथी निर्ग्रन्थ।।६।।
बहिनां पिण म्हारै हुती, बड़ी छोटी ताय। बहुविध लूण उवारती, पिण म्हारै रे सुख नहीं थाय।। श्रेणिक राय! हूं रे अनाथी निर्ग्रन्थ।७।।
गोरड़ी मन मोरड़ी, गोरड़ी अबला बाल। करड़ी वेदना मैं सही, न सकी रे मुझ वेदना बंटाय।। श्रेणिक राय! हूं रे अनाधी निर्ग्रन्थ।।८।।
आख्यां बहु आंसू पड़ै, सींच रही मुझ काय। खाण पाण विभूषा तजी, पिण म्हारै रे समाधि न थाय।। श्रेणिक राय! हूं रे अनाथी निर्ग्रन्थ।।९।।
प्रेम बिलुधी पदमणी, मुझस्यूं अलगी न थाय। बहुविध वेदना मैं सही, बनिता रही रे बिललाय।। श्रेणिक राय! हूं रे अनाथी निर्ग्रन्थ।।१०।।
बहु राजवैद्य बुलाविया, किया अनेक उपाय। चन्दन लेप लगाविया, पिण म्हारै रे समाधी न थाय।। श्रेणिक राय! हूं रे अनाथी निर्ग्रन्थ।।११।।
जग में कोई किणरो नहीं, तब में थयो रे अनाथ। वीतरागजी रै धर्म बिना, नहीं कोई रे मुगति रो साथ।। श्रेणिक राय! हूं रे अनाथी निर्ग्रन्थ।।१२।।
वेदना जावे माहरी, तो लेऊ संजम भार। इम चिन्तवतां वेदना गई, प्रभाते रे थयो अणगार।। श्रेणिक राय! हूं रे अनाथी निर्ग्रन्थ।।१३।।
गुण सुण राजा चिन्तवे, धन धन्य एह अणगार। राय श्रेणिक समकित लीधी, बान्दी आयो रे नगर मझार।। श्रेणिक राय! हूं रे अनाथी निर्ग्रन्थ।।१४।।
अनाथी रा गुण-गांवतां, कटे कर्मा री कोड़। गणि समयसुन्दर इम भणे, ज्याने बन्दू रे बेकर जोड़।। श्रेणिक राय! हूं रे अनाथी निर्ग्रन्थ।।१५।।
Roman Transliteration
anathi
shrenik ray! hun re anathi nirgrantha. main to lidho re sadhuji ro panth..
ray shrenik badi gayo, ditho Muni ekant. rup dekhi acharaj thayo, ray puchhe re kun vritanta.. shrenik ray! hun re anathi nirgrantha..1..
kosambi nagri hunti, pita mujh prabal dhanna. parvar purai paravasyo, tinro hun kunvar ratanna.. shrenik ray! hun re anathi nirgrantha..2..
ek divas mujh vedna, upani nayan rai may mat pita jhurya ghanan, n sakya re mujh vedna banday.. shrenik ray! hun re anadhi nirgrantha..3..
pitaji mharai karnai, kharachya bohla dinar. to pin vedna gai nahin, ehavo re adhir sansar.. shrenik ray! hun re anathi nirgrantha..4..
mat-pita mharai karnai, dharta du:kh athay. upay to kiya ghana, pin mhanrai re sukh nahin thay.. shrenik ray! hun re anathi nirgrantha..5..
(lay : ravan ray asha adhik)
bandhu pin mharai hunta, ek udar na bhay. aushadh to bahuvidh kiya, pin kari n lagi kay.. shrenik ray! hun re anathi nirgrantha..6..
bahinan pin mharai huti, badi chhoti tay. bahuvidh lun uvarti, pin mharai re sukh nahin thay.. shrenik ray! hun re anathi nirgrantha.7..
gordi man mordi, gordi abala bal. kardi vedna main sahi, n saki re mujh vedna bantay.. shrenik ray! hun re anadhi nirgrantha..8..
akhyan bahu ansu padai, sinch rahi mujh kay. khan pan vibhusha taji, pin mharai re samadhi n thay.. shrenik ray! hun re anathi nirgrantha..9..
prem biludhi padamni, mujhasyun alagi n thay. bahuvidh vedna main sahi, banita rahi re billay.. shrenik ray! hun re anathi nirgrantha..10..
bahu rajvaidya bulaviya, kiya anek upay. chandan lep lagaviya, pin mharai re samadhi n thay.. shrenik ray! hun re anathi nirgrantha..11..
jag men koi kinro nahin, tab men thayo re anath. vitragaji rai Dharm bina, nahin koi re mugti ro sath.. shrenik ray! hun re anathi nirgrantha..12..
vedna jave mahri, to leu sanjam bhar. im chintavtan vedna gai, prabhate re thayo anagar.. shrenik ray! hun re anathi nirgrantha..13..
gun sun raja chintave, dhan dhanya eh anagar. ray shrenik samkit lidhi, bandi ayo re nagar majhar.. shrenik ray! hun re anathi nirgrantha..14..
anathi ra gun-ganvtan, kate karma ri kod. gani samaysundar im bhane, jyane bandu re bekar jod.. shrenik ray! hun re anathi nirgrantha..15..