गया अचानक इयां कियां म्हैं, सगला हुया उदास रे,
Gaya Achanak Iyan Kiyan Mhain, Sagla Huya Udas Re,
887
गया अचानक इयां कियां म्हैं, सगला हुया उदास रे, — Lyrics
गया अचानक इयां कियां म्हैं, सगला हुया उदास रे, आंख्यां आगे हुयो अंधेरो, बिललायो उजास, मन अकुलावै रे... विरह सतावे रे...।।ध्रु.।।
पलं-पलं करतो चेहरो धांरो, जाणक उग्यो भान रे। कण्ठा में माधुर्य मधुरतम, मीठी-मीठी तान।।
पेली सबनै भेज दिया के, होग्यो हो आभास रे? निर्मोही बन चाल्या छिण में, हुवै नहीं विश्वास।।
कठै मिलेगी इसी पुरखदा, इसो संघ गुलजार रे। इस्या शिष्य सुविनीत जुड्यो, थांस्यूं अंतर रो तार।।
नुआं-नुआं अभियान निराला, अणुव्रत प्रेक्षाध्यान रे। कांई बठै चलास्यो बोलो, थे जीवन विज्ञान।।
भर्यो खचाखच समवसरण, पण सूनो-सूनो स्थान रे। जग्यां-जग्यां सगलां नें प्रभु रा सालै आईठाण।।
आंखडल्यां नित खोजे थान्नैं, कठै गया भगवान रे। म्हारैं बिन थांरो भी कीं तो, होसी मनड़ो म्लान।।
सुरगां में बैठ्या भी थांनै, आसी गण री याद रे। नान्हां-नान्हां नानूडां री, सुण ल्यो प्रभु फरियाद।।
नन्हां मोटा फुलड़ा में नित, हाथां भरी पराग रे। कंठ-कंठ में है गूंजे प्रभु, तुलसी-तुलसी राग।।
एक बार तो आओ प्रभुवर! लेवण गण संभाल रे। इमरत बिरखा करो देव! म्हैं सगलां हुवां निहाल।
दरस दिराओ मत तरसाओ, आओ गण सम्राट रे। ऊभा-ऊभा खड़ा निहारां, पल-पल थांरी बाट।।
Roman Transliteration
gaya achanak iyan kiyan mhain, sagla huya udas re, ankhyan age huyo andhero, billayo ujas, man akulavai re... virah satave re.....dhru...
palam-palam karto chehro dhanro, janak ugyo bhan re. kantha men madhurya madhuratam, mithi-mithi tan..
peli sabnai bhej diya ke, hogyo ho abhas re? nirmohi ban chalya chhin men, huvai nahin vishvas..
kathai milegi isi purakhda, iso Sangh guljar re. isya shishya suvinit judyo, thansyun antar ro tar..
nuan-nuan abhiyan nirala, Anuvrat prekshadhyan re. kani bathai chalasyo bolo, the jivan vijnan..
bharyo khachakhach samavasaran, pan suno-suno sthan re. jagyan-jagyan saglan nen Prabhu ra salai aithan..
ankhadalyan nit khoje thannain, kathai gaya Bhagwan re. mharain bin thanro bhi kin to, hosi mando mlan..
surgan men baithya bhi thannai, asi gan ri yad re. nanhan-nanhan nanudan ri, sun lyo Prabhu phariyad..
nanhan mota phulda men nit, hathan bhari parag re. kanth-kanth men hai gunje Prabhu, Tulsi-Tulsi rag..
ek bar to ao prabhuvar! levan gan sambhal re. imarat birkha karo Dev! mhain saglan huvan nihal.
daras dirao mat tarsao, ao gan samrat re. ubha-ubha khada niharan, pal-pal thanri bat..