स्वामी जी रै चरणां, तन-मन अर्पण करियो रै, करियो रै।
Swami Ji Rai Charnan, Tan-Man Arpan Kariyo Rai, Kariyo Rai.
2566
स्वामी जी रै चरणां, तन-मन अर्पण करियो रै, करियो रै। — Lyrics
स्वामी जी रै चरणां, तन-मन अर्पण करियो रै, करियो रै। भक्ति-भाव स्यूं ओ हियड़ो, सागर ज्यूं भरियो रै।।
१. जनम्या गांव कंटालियै में, बल्लू-दीपां गेह, सिंह सुपन देख्यो माताजी, दूधां बरस्यो मेह।
२. भर जोबन घर त्याग नीसरया, रुच्यो न शिथिलाचार, धर्म-क्रान्ति रो पथ अपणायो, बण्या भाव अणगार।
३. समकित चारित रै पायां पर, थाप्यो तेरापंथ, जन-जन रो उद्धारक बणग्यो, ओ प्रभुवर रो पंथ।
४. संजम शुद्ध पळै सघळां रो, फळै न्याय अर नीत, इसी सफळ मर्यादा बांधी, बधै परस्पर प्रीत।
५. एकाचार विचार एक सो, एक सुगुरु री आण, आ सघळै ही पक्की बणगी, तेरापंथ पिछाण।
६. नहीं साच नै आंच आण दी, करी न काची बात, दियो न कष्टां में पग पाछो, खती अलौकिक ख्यात।
७. अभिनिष्क्रमण-भूमि बगड़ी में, सिवरया भिक्षु स्वाम, 'बुद्ध' मिल्यो आनन्द आन्तरिक, फळ्या मनोगत काम।
Roman Transliteration
Swami ji rai charnan, tan-man arpan kariyo rai, kariyo rai. bhakti-bhav syun o hiydo, sagar jyun bhariyo rai..
1. janamya ganv kantaliyai men, ballu-dipan geh, sinh supan dekhyo mataji, dudhan barasyo meh.
2. bhar joban ghar tyag nisarya, ruchyo n shithilachar, Dharm-kranti ro path apanayo, banya bhav anagar.
3. samkit charit rai payan par, thapyo Terapanth, jan-jan ro uddharak banagyo, o prabhuvar ro panth.
4. sanjam shuddha palai saghlan ro, phalai nyay ar nit, isi saphal maryada bandhi, badhai paraspar prit.
5. ekachar vichar ek so, ek suguru ri an, a saghlai hi pakki bangi, Terapanth pichhan.
6. nahin sach nai anch an di, kari n kachi bat, diyo n kashtan men pag pachho, khati alaukik khyat.
7. abhinishkraman-bhumi bagdi men, sivarya Bhikshu svam, 'buddha' milyo ananda antarik, phalya manogat kam.