च्यार दिनां री च्यांदणी, होसी आगै काली रात,
Chyar Dinan Ri Chyandni, Hosi Agai Kali Rat,
599
च्यार दिनां री च्यांदणी, होसी आगै काली रात, — Lyrics
च्यार दिनां री च्यांदणी, होसी आगै काली रात, प्रभु रो भजन करलै।।
चौरासी में रुलतां-रुलतां-२ मिनख जमारो पायो, पूरव सुकृत रे कारण स्यू-२ भाग्य रूख लहरायो, अन्धकार नै चीरकर, उग्यो मानो-२ स्वर्ण प्रभात।।१।।
तन-धन-यौवन इन्द्र धनुष ज्यूं-२ खिण मांहि बिललावै, साथी संगी जीतेजी ही-२ सगला प्रीत दिखावै, यम रै घर पर एक दिन, तज जाणो-२ सारो साथ।।२।।
आज फला स्यूं लडालूम है—२ तरु री डाली-डाली, फूलां री मनमोहक खुशबू-२ बांटै है खुशहाली, पतझड़ आवै एक दिन, है किण स्यू-२ ओ अज्ञात।।३।।
अपणी करणी पार उतरणी-२ संतां री आ वाणी, सत्संगत में चित्त लगा तूं-२ सफल बणै जिन्दगानी, सुरग नरक में जावणो, बस थारै-२ ही है हाथ।।४।।
घर रा गोरख धंधा यूं ही-२ हरदम चलता रेवै, परमारथ स्यू प्रीत लगा तुं-२ क्यू प्रवाह में बेवै, परमात्मा रो ध्यान धर, तूं बणसी बणसी-२ 'विजय सनाथ।।५।।
Roman Transliteration
chyar dinan ri chyandni, hosi agai kali rat, Prabhu ro Bhajan karlai..
chaurasi men rultan-rultan-2 minakh jamaro payo, purav sukrit re karan syu-2 bhagya rukh lahrayo, andhakar nai chirakar, ugyo mano-2 svarna prabhata..1..
tan-dhan-yauvan Indra dhanush jyun-2 khin manhi billavai, sathi sangi jiteji hi-2 sagla prit dikhavai, yam rai ghar par ek din, taj jano-2 saro satha..2..
aj phala syun ladalum hai—2 taru ri dali-dali, phulan ri manmohak khushbu-2 bantai hai khushhali, patajhad avai ek din, hai kin syu-2 o ajnata..3..
apani karni par utarni-2 santan ri a vani, satsangat men chitta laga tun-2 saphal banai jindagani, surag narak men javno, bas tharai-2 hi hai hatha..4..
ghar ra gorakh dhandha yun hi-2 haradam chalta revai, parmarath syu prit laga tun-2 kyu pravah men bevai, parmatma ro dhyan dhar, tun bansi bansi-2 'vijay sanatha..5..