आए आए जी बदरवा

देवो देवोजी डगर

Devo Devoji Dagar

आचार्य तुलसी · आए आए जी बदरवा

गीत क्रमांक622

देवो देवोजी डगर — Lyrics

देवो देवोजी डगर देवो देवोजी डगर वर, सिद्धि नगर चढ़ ज्यावूं। थांरो पलक-पलक, मैं अपलक ध्यान लगावूं।।

1. किण मारग स्यूं श्रीजिनवरजी! अपणै धाम सिधावो? समदर्शी सर्वज्ञ परम-प्रभु, परमातम पद पावो। दरसावो, मैं भी तिण पथ निजर टिकाऊं।।

2. अक्षय अरुज अनंत अचल अज अव्याबाध कहावो, क्यूं कर सहजानंद-समन्दर में विलीन हो ज्यावो? बतलावो, मैं भी बो ही क्रम अपणावूं।।

3. निकट अनंत अलोक पड़यो, क्यूं लोकांते थिति ठावो? पैंतालीस लाख जोजन में, सारा किंयां समावो? समझावो, मैं स्वयमेव समझणो चावूं।।

4. एकर भी क्षण-भर भी साहिब! साक्षात्कार करावो, तो मन चाह्या फळै मनोरथ, लाग्यो हृदय उम्हावो। उमगावो, पर नहिं मन घबराट मचाऊं।।

5. अनुपमेय आज्ञेय सच्चिदानन्द दया दिखलावो, साद्यनंत भगवंत हंत! भगतां नै क्यूं तरसावो? सरसावो, 'तुलसी' सिद्ध स्तवन सुणाऊं।।

devo devoji dagar devo devoji dagar var, siddhi nagar chadh jyavun. thanro palak-palak, main apalak dhyan lagavun..

1. kin marag syun shrijinavarji! apanai dham sidhavo? samadarshi sarvajna param-Prabhu, parmatam pad pavo. darsavo, main bhi tin path nijar tikaun..

2. akshay aruj anant achal aj avyabadh kahavo, kyun kar sahjanand-samandar men vilin ho jyavo? batlavo, main bhi bo hi kram apanavun..

3. nikat anant alok padyo, kyun lokante thiti thavo? paintalis lakh jojan men, sara kinyan samavo? samjhavo, main svaymev samajhno chavun..

4. ekar bhi kshan-bhar bhi sahib! sakshatkar karavo, to man chahya phalai manorath, lagyo hriday umhavo. umagavo, par nahin man ghabrat machaun..

5. anupmey ajney sachchidananda daya dikhlavo, sadyanant bhagavant hant! bhagtan nai kyun tarsavo? sarsavo, 'Tulsi' Siddha stavan sunaun..