ओ स्वामीजी रो नाम सदा म्हारै मन भायो है,
O Svamiji Ro Nam Sada Mharai Man Bhayo Hai,
1973
ओ स्वामीजी रो नाम सदा म्हारै मन भायो है, — Lyrics
ओ स्वामीजी रो नाम सदा म्हारै मन भायो है, सांवरियै रै चरण-शरण सारो जग आयो है।।
१. बल्लूजी रा लाल लाडला, दीपांदे रा जाया रै, दुनिया रो सोभाग फळ्यो जद, ईं धरती पर आया रै, कळजुग में सतजुग वाळो बारो बरतायो है।
२. समकित संयम रो घट-घट में, करयो उजाळो भारी रै, भूल्या-भटक्यां नै पथ घाल्या, बण्या परम उपकारी रै, जन-जन रो बेड़ो भव-सागर पार लगायो है।
३. धर्म-संघ में मर्यादा री, सड़कां खूब जमाई रै, सरल बण्यो सघळां रो मारग, मिटग्या खाडा-खाई रै, एक हाथ में डोर थमा, जीवन विकसायो है।
४. ईं शासन रा संत-सत्यां है, एक-एक स्यूं ऊंचा रै, ज्ञान ध्यान में आगै बढ़ ऱया, धर मजलां धर कूंचां रै, शासन रो ध्वज देखो शिखरां पर लहरायो है।
५. म्हारै रूं-रूं में स्वामीजी रो ही नाम रम्यो है रै, म्हारै घट में स्वामीजी रो ही विश्वास जम्यो है रे, 'बुद्ध' भाव भर श्रीचरणां में शीश झुकायो है।
Roman Transliteration
o svamiji ro nam sada mharai man bhayo hai, sanvriyai rai charan-sharan saro jag ayo hai..
1. balluji ra lal ladla, dipande ra jaya rai, duniya ro sobhag phalyo jad, in dharti par aya rai, kaljug men satjug valo baro bartayo hai.
2. samkit sanyam ro ghat-ghat men, karyo ujalo bhari rai, bhulya-bhatakyan nai path ghalya, banya param upakari rai, jan-jan ro bedo bhav-sagar par lagayo hai.
3. Dharm-Sangh men maryada ri, sadkan khub jamai rai, saral banyo saghlan ro marag, mitagya khada-khai rai, ek hath men dor thama, jivan viksayo hai.
4. in shasan ra sant-satyan hai, ek-ek syun uncha rai, jnan dhyan men agai badh ऱya, dhar majlan dhar kunchan rai, shasan ro dhvaj dekho shikhran par lahrayo hai.
5. mharai run-run men svamiji ro hi nam ramyo hai rai, mharai ghat men svamiji ro hi vishvas jamyo hai re, 'buddha' bhav bhar shricharnan men shish jhukayo hai.