जीवन है वरदान सरीखो, तूं मस्ती स्यूं जी लै रै।
Jivan Hai Vardan Sarikho, Tun Masti Syun Ji Lai Rai.
1073
जीवन है वरदान सरीखो, तूं मस्ती स्यूं जी लै रै। — Lyrics
जीवन है वरदान सरीखो, तूं मस्ती स्यूं जी लै रै। इमरत री धारा बह री है, धाप-धाप कर पी लै रै।।
१. मिनखपणै रो मोल किसो जो, कीचड़ में ही रयो खूत्यो। जागण री वेळा में भी तूं, खूंटी ताण्यां है सूत्यो। पावन स्थान उपेक्षित कर क्यूं बैठ्यो आंगण गीलै रै?
२. धुंओ ही धुंओ बण जळ रयो, क्यूं न बणै तूं अंगारो? मावस बणनै री के जचगी? बण पूनम रो उजियारो। अंधी गळियां में कै खोजै? बिजळी बण कर खीं लै रै।।
३. अपणै में विश्वास जगा तूं, जो सौ-सौ भय काटै है। छोड़ कतरणी री आदत नै, जो टुकड़ां में बांटे है। सूई बण तूं सरल स्वभावी, फाट्या मनड़ा सीं लै रै।।
४. काम क्रोध मद लोभादिक मिल, अरिंगण घेरो घालै है। शम दम क्षम सदृगुण सहयोगी, थारो धाम रुखाळै है। 'बुद्ध' सदा संयम रै द्वारा, तुरत असंयम कीलै रै।।
Roman Transliteration
jivan hai vardan sarikho, tun masti syun ji lai rai. imarat ri dhara bah ri hai, dhap-dhap kar pi lai rai..
1. minakhapnai ro mol kiso jo, kichad men hi rayo khutyo. jagan ri vela men bhi tun, khunti tanyan hai sutyo. pavan sthan upekshit kar kyun baithyo angan gilai rai?
2. dhuno hi dhuno ban jal rayo, kyun n banai tun angaro? mavas bannai ri ke jachgi? ban punam ro ujiyaro. andhi galiyan men kai khojai? bijli ban kar khin lai rai..
3. apanai men vishvas jaga tun, jo sau-sau bhay katai hai. chhod katarni ri adat nai, jo tukdan men bante hai. sui ban tun saral svabhavi, phatya manda sin lai rai..
4. kam krodh mad lobhadik mil, aringan ghero ghalai hai. sham dam ksham sadrigun sahyogi, tharo dham rukhalai hai. 'buddha' sada sanyam rai dvara, turat asanyam kilai rai..