जीवन पाणी रै प्रवाह ज्यूं वह ज्यावै रै चेतनिया,
Jivan Pani Rai Pravah Jyun Vah Jyavai Rai Chetniya,
1093
जीवन पाणी रै प्रवाह ज्यूं वह ज्यावै रै चेतनिया, — Lyrics
जीवन पाणी रै प्रवाह ज्यूं वह ज्यावै रै चेतनिया, कह ज्यावै रै चेतनिया, तूं निज नै संभाळै क्यूं नी? तूं भीतर कानी भाळै क्यूं नी?
१. बारै-बारै दौड़ लगाई, भीतर वाळी डगर न पाई, यूं निकमो भटक्यां मजल हाथ कद आवै रै चेतनिया?
२. बहुमोलो ओ मिनख-जमारो, पल-पल सफळ बणालै थांरो, ओ आछो अवसर, मतना व्यर्थ गमावै रै चेतनिया।
३. रतन-खान रो लाभ उठाई, लोह-बाणियो मत बण ज्याई, जो जीवनभर ही रोवै अर पछतावै रै चेतनिया।
४. नरक-निगोदां में रड़बड़तां, काळ अनंत गयो हड़बड़तां, अब कर विवेक, क्यूं पातक भार बढ़ावै रै चेतनिया?
५. 'बुद्ध' आंतरिक भाव जागज्या, ममता माया मोह भागज्या, तो सदृगुण सारा खुद ही साथ निभावै रै चेतनिया।
Roman Transliteration
jivan pani rai pravah jyun vah jyavai rai chetniya, kah jyavai rai chetniya, tun nij nai sambhalai kyun ni? tun bhitar kani bhalai kyun ni?
1. barai-barai daud lagai, bhitar vali dagar n pai, yun nikmo bhatakyan majal hath kad avai rai chetniya?
2. bahumolo o minakh-jamaro, pal-pal saphal banalai thanro, o achho avasar, matna vyartha gamavai rai chetniya.
3. ratan-khan ro labh uthai, loh-baniyo mat ban jyai, jo jivanabhar hi rovai ar pachhtavai rai chetniya.
4. narak-nigodan men radabadtan, kal anant gayo hadabadtan, ab kar vivek, kyun patak bhar badhavai rai chetniya?
5. 'buddha' antarik bhav jagajya, mamta maya moh bhagajya, to sadrigun sara khud hi sath nibhavai rai chetniya.