ढाल : ४
Dhal : 4
626
ढाल : ४ — Lyrics
ढाल : ४
हिवे पवनजी कहै सुणो मन्त्रवी, हूं कटक जाऊं छूं नारी ने सन्ताप क। पाछो जाऊं तो प्रजा हंसे, महलां मांहे लाजै मांहरो बाप क। मन्त्री कहै छाना जावस्यां, तेड़ी सेनापति कहै तूं रुखवाल क। अमे यात्रा करी ने पाछा आवरयां, तिहां लग कटक नी कीजै रुखवाल क।।स०।।३८।।
हिवै प्रच्छन्नपणै दोनूं आविया, आवी ने पुजना नों उघाड्यो किंवाड क। बसन्तमाला तब ऊठने, उतावली बोले छै गाली दो चार क। कहै शूरो पुरुष गयो कटक में, कोणा रे लम्पट आयो इण ठाम क। प्रभाते हूं राजा ने वीनवी, छोड़ाय देसूं हूं तेहनो गाम क।।स०।।३९।।
प्रहस्त मन्त्री इम उच्चरै, इहां आयो छै प्रह्लाद नों नन्द क। अञ्जना तणो छै शिरधणी, वंश विद्याधर दीपक चंद क।। बसन्तमाला आवी ओलख्यो, नयण निहाली ने पामी आनन्द क। किवाड़ खोली ने माहि लिया, बसन्तमाला बधावियो नरिन्द क।।स०।।४०।।
Roman Transliteration
dhal : 4
hive pavanji kahai suno mantravi, hun katak jaun chhun nari ne santap k. pachho jaun to praja hanse, mahlan manhe lajai manhro bap k. mantri kahai chhana javasyan, tedi senapti kahai tun rukhval k. ame yatra kari ne pachha avaryan, tihan lag katak ni kijai rukhval ka..sa0..38..
hivai prachchhannapnai donun aviya, avi ne pujna non ughadyo kinvad k. basantamala tab uthane, utavli bole chhai gali do char k. kahai shuro purush gayo katak men, kona re lampat ayo in tham k. prabhate hun raja ne vinvi, chhoday desun hun tehno gam ka..sa0..39..
prahasta mantri im uchcharai, ihan ayo chhai prahlad non nanda k. anjana tano chhai shiradhni, vansh vidyadhar dipak chand k.. basantamala avi olakhyo, nayan nihali ne pami ananda k. kivad kholi ne mahi liya, basantamala badhaviyo narinda ka..sa0..40..