ढाल : १
Dhal : 1
629
ढाल : १ — Lyrics
ढाल : १
उत्तराध्ययन सूत्र मझे, परीषह रो अधिकारो ए, बीजा ही सूत्रां मझे, कह्यो घणो विस्तारो ए, सहतां क्षुधा परीषह दोहिलो।।१।।
ओदारिक तन जेह नैं दिन ऊगै भूख लागै ए, शूरा ते सेंठा रहै, कायर हुवै ते भागै ए।।२।।
प्रथम जिनेश्वर जग गुरु, छोड्यो बनिता ने राजो ए। च्यार सहंस साथे हुवा, फिरता आहार ने काजो ए।।३।।
(लय : साधां नैं लेणो सूझतो)
भाज गया भूखा थका, साधु केइक हजारो ए। थयो वरस दिवस नो पारणो, रह्मा अडिग अपारो ए।।४।।
बाहुबल नामे मुनि, बन मांहें काउसग्ग ठायो ए। कठिन परीषह तिण सह्यो, ते मुनि मुगत सिधायो ए।।५।।
ढंढण फिरतां गौचरी, न मिल्यो आहार निर्दोषो ए। नेम जिनेश्वर जस कह्यो, कर्म खपाय गयो मोखो ए।।६।।
आहार पूरो आवै नहीं, न करै मन में शोगो ए। मिलियां भाड़ो देवै देह ने, जिण आदरियो जोगो ए।।७।।
असूजतो बंछै नहीं, जो हुवै लाख प्रकारो ए। चालै मारग साधजी, त्यांने म्हारो नमस्कारो ए।।८।।
क्षुधा परीषह जीत ने, गया अनन्ता मोखो ए। धिन जे साध नें साध्वी, ज्यारै सदाई सन्तोषो ए।।९।।
द्वितीय तृषा परीषह दोहा
अन्न खायां अति ऊपजै, तृषा तोर घटाय। कायर नर कच्चा पड़ै, शूरां पौरष थाय।।१।। ढाल: २
अन्न थकी अधिको घणो, तिरा रो काम। एकण पाणी बाहिरो, न रहै परिणाम ठाम।। दूजो परीषह दोहिलो।।१।।
तृषा परीषह ऊपना सहै काकड़ा भूत। धिन धिन ते मोटा मुनि, दिया मुगत नां सूत।।२।।
(लय : हिवै राणी पदमावती)
तपै अति घणो तावड़ो करड़ो ग्रीषम काल। बेलू भोभर सारिषी, दाझे पग सुकुमाल।।३।।
तिण बेलां तिरषा लागी घणी, कण्ठ तालवो सूक। होठां आवै फेफरी, नहीं मुख में थूक।।४।।
नगर फिरंतां गोचरी, नहीं मिलियो नीर। सीदावै नहीं साधजी, सैंठा रहै सधीर।।५।।
धनामित्र तणो पुत्र, धोबो पाणी भराय। सिद्धां सांहमो जोयनै, दीधो संथारो ठाय।।६।।
अम्बड़ नां शिष्य सात सौ, तिरषा लागी पूर। संथारो साथे कियो, हुवा साचेला शूर।।७।।
जघन्य तो बेलो कियो, उत्कृष्टा छ: मास।। महावीर पाणी बिना, किया करमा रा नाश।।८।।
दूजो परीषह जीत नैं, तिरिया जीव अनन्त। तिरिया ने तिरसी घणा, भाख गया भगवन्त।।९।।
तृतीय शीत परीषह दोहा
सियाले अति सी पडै, बाजे शीतल वाय। तिण बेलां शुद्ध साधुजी, सेंठा रेवै सवाय।। ढाल: ३
शीतकाल रे माहि रे, सहिणो शीत नै। मन दृढ़ राखै आपणो ए।।१।।
ठारी ठामो ठाम रे, चढ़ै बलि धूजणी। रूंवाटा उभा हुवै ए।।२।।
(लय : भर जीवन रे मांहि रे)
बले न बंछे साध रे, अग्नि सेवणु। अडिग रहै मेरू जिसा ए।।३।।
बाजे शीतल वाय रे, अति बले मावटो। जड़े नहीं किमाड़ ने ए।।४।।
तीन पछेवड़ी मांहि रे, रहिणो साध नैं। चौथी पिण बंछै नहीं ए।।५।।
बले उलवाणै पाय रे, मस्तक नहीं ओढ़णो। हिंडंता लवै नहीं ए।।६।।
भद्रबाहु नां शिष्य रे, चतुर च्यारूं जणा। शीत परीषह त्यां सह्यो ए।।७।।
काल करी तिण ठाम रे, हुवा देवता। रिद्ध वृद्ध पामी घणी ए।।८।।
शीत परीषह जीत रे, तिरिया अति घणा। पार नहीं छै तेहनो ए।।९।।
चतुर्थ उष्ण परीषह दोहा
उन्हाले आताप नो, सहै परीषह साध। ताप लू तरस्यो थको, बेदै नहिं विषवाद।। ढाल : ४
उष्ण परीषो रे अति बलि आकरो, सहै मोटा मुनिराजो जी। निज काया ने जाणै बलि कारमी, सारै आतम काजो जी।।१।। (लय : अरणक मुनिवर चाल्या)
ग्रीष्म काले रे तपै तावड़ो, बाजै लूवां जालो जी। बलती बेलू अग्न ज्यूं परजलै, दाझै पग सुकुमालो जी।।२।।
बादल, वर्षा, वायु बंछै नहीं, पनही न पहरै पायो जी। माथै वस्त्र न धरै चालतां, नहीं छटकै जल कायो जी।।३।।
तड़को जाणे अति घणी रात नो, नहिं सुवै अछांयो जी। ऊभा क्षण मात्र रहवै नाहीं, ना लेवै तन वायो जी।।४।
उष्ण परीषो उघाड़ा सहै, करता उग्र विहारो जी। गाढ़ी गरमी रेला उतरै, न करै खेद लिगारो जी।।५।।
उष्ण परीषो मुनि अरणक सह्यो, वचन सुणी निज मायो जी। बलती शिला अग्न ज्यूं परजलै, दियो संथारो ठायो जी।।६।।
काल करी नै हूवो देवता, सुख पाम्यो श्रीकारी जी। इम अनन्ता साधु उद्धरया, कहतां न आवै पारो जी।।७।।
पंचम डंस-मसक परीषह दोहा
इंस मंस चटका दिये, सदा रहे सम भाव। हणै नहीं त्रस जीव नैं, ओहिज तरण रो दाव।। ढाल : ५
ममता नहीं आणै देही री, मोटा साधु विद्वंस जी। डंस मंसादिक डील उघाडै़, खावै लोहर नैं मंस जी। धिन धिन साधजी सहै परीषो।।१।।
जूं लीख कीड़ी ने चांचड़ माकड़, आय लागै शरीर जी। चांच करी ने देवै चटका, सेंठा रहै सधीर जी।।२।।
(लय : सुगुरु पिछाणो)
खाज खिणे नहीं बिन पूंजियां, न आणै मन खेद जी। झाटक ने अलगा नहिं करणा, लागी मुगत उमेद जी।1३।।
घर छोड़ी ने संयम लीधो, चरम जिनेश्वर वीर जी। चन्दण-वास सूं भमरा आव्या, खाडा घाल्या शरीर जी।।४।।
च्यार महीना लग जाझेरी, पीड़ा सही निश दीस जी। रह्या अड़िग मेरु तणी परै, नहिं आणी मन रीस जी।।५।।
चोर चिलायती साधु हुवो, तीन शब्द सुण्या कान जी। रुधिर वास स्यूस्यूं कीड्यां आई, ध्यायो निर्मल ध्यान जी।।६।।
पांचमो परीषो छै अति भारी, सहै मोटा निर्ग्रंथ जी। संत सत्यां नो जिनजी भाष्यो, दुक्कर दोरो पंथ जी।।७।।
छट्ठो अचेल परीषह दोहा
छट्ठो परीषो साध नो, वस्त्र मर्याद सहीत। उजलुं मैलुं मल्यां थकां, पालै पूरण प्रीत।। ढाल : ६
अचेल परीषो छै एहवो जी, वस्त्र जीरण थाय। नवुं तो नेड़ो दीसे नहीं जी, सोच नहीं मन मांय। एहवा मुनिवर नित नमुं जी।।१।।
हीन दीन वचने करि जी, जाचै नहीं मुनि चीर। सहजै मिलै तो भोगवै जी, सेंठा रहै साध सधीर।।२।।
मैला तो पहरण लूगड़ा जी, धोई न उतारै मैल। ज्ञानी देवां इसड़ो कह्यो जी, साधां रो मारग नहीं सैल।।३।। (लय : वीर बखाणी राणी चेलणा)
सोच करै नहीं सेंठा रहे जी, ते कहिए शुद्ध साध। अधिकुं न राखै आरज्यां जी, लोपै नहीं सूत्र मर्याद।।४।।
अचेल परीषह छै आकरो जी, सहै मोटा अणगार। सोमदेव ब्राह्मण नीं परै जी, सफल करै अवतार।।५।।
सातमो अरति परीषह दोहा
छहुं ऋतु में भल साधजी, पालै संयम भार। रति अरति आणै नहीं, अचल रहे इकधार।। ढाल : ७
बाणी सुणी भगवान नी, जिण जाण्यो रे कारिमो संसार, वैरागे मन बालने, घर छोड़ी रे लीधो संयम भार। मुनि सहै परीषह सातमो।।१।।
मुनि सहै परीषह सातमो, अरति रे छै तिण रो नाम। राग द्वेष करज्यो मती, मुनि आपो रे राखो निज ठाम।।२।।
शीयाले अति शी पडै़, उनाले रे तपै तावड़ो तेह। वरषाले वरषा घणी, सर्व ऋतु रो रे स्वभाव छै एह।।३।।
नगरी में फिरतां गौचरी, नहीं मिलियो रे पाणी ने अन्न। घर न चितारै पाछला, जिकै साधु रे जग मांहि धन्न।।४।।
मेघ मुनि मन चिन्तवै, मोने साधां रे दियो दु:ख अथाय। हूं घर जाऊं मांहरे, प्रभाते रे जिन लियो समझाय।।५।।
विजय विमाण में उपनो, मुनिवर रे श्रीमेघ कुमार। एका भवतारी हुवो, ज्ञाता रे सूत्र में अधिकार।।६।।
(लय : कुंवर इसो मन चिंतवै)
संयम सूं रति राखजो, घर छोड्यो रे ज्यांरो परमाण। श्री वीर जिनेश्वर इम कह्यो, तो थे बेगा रे पहुंचो निरवाण। ७।।
आठमो स्त्री परीषह दोहा
स्त्री परीषह आठमो, सहै मोटा मुनिराज। तजी खेल सम जाणें, सारै आतम काज।।१।। ढाल: ८
स्त्री परीषह एह, सेहतां घणो आकरोजी। एतो थोड़ा सुखां रे काज, रतन करै कांकरो जी।। सदा पालै निरमल शील मुनीश्वर नित नमुं जी।।१।।
स्त्री रो रूप शिणगार, कदे नहीं देखणो जी। हाव भाव ने हास्य विलास, कदै नवि पेखणो जी।।२।।
नारी दीठां जागै नेह, चलै चित्त मांहिलो जी। पाछो आणो दोरो ठाय, एसो नर बावलो जी।।३।।
ए तो मोटा मोटा मुनिराज, पड्या नारी पाश में जी। नन्दीषेण ने आषाढ, वेश्या घर वास में जी।।४।।
ओ तो आर्द्रकुमार अणगार, तजी संसार ने जी। ओ तो चौबीस वरषां संग, पड्यो वश नार ने जी।।५।।
रहनेमी रो चलियो चित्त, देख अति रूप ने जी, महासती आण्यो ठाय, तरयो भव कूप ने जी।।६।।
थूलभद्र कियो चौमास, वेश्या री शाल में जी। ओ तो सेंठो रह्यो साध, अग्न री जाल में जी।।७1।
(लय : आयो आदीश्वरजी रे आज वर्ष रो पारणो)
वेश्या समकित पाय, शील सत्य झालियो जी। उत्तराध्ययन सूत्र रे मांहि, कथा में चालियो जी।।८।।
सिंह गुफा बासी साध, रतन कम्बल लावियो जी। तिणने वेश्या दिधी धिक्कार, पछै पिछतावियो जी।।९।।
ओ तो समुद्र तिरणो अगाध, घणो छै सोहिलो जी। दृढ़ रहणो नारी पास, घणो छै दोहिलो जी।।१०।।
दश लाख जोरावर जोध, सोरो छै जीपणो जी। ओ तो काम कठिन दल जोर, दोरो छै खींपणो जी।।११।।
ओ तो कठिन परीषह एह, ज्ञानी देवां कह्यो जी। घणा सही ने गया छै मोक्ष, भवां रो क्षय कह्यो जी।।१२।।
नवमों चर्या परीषह दोहा
नवमें परीषह साधजी, चालै जयणा सहीत। गाम नगर पुर पाटणे, जीव दया सूं प्रीत।। ढाल : ९
नवमो परीषह निरखल्यो, करणो उग्र विहार हो मुनिवर, चरिया नामें चालणो, कह्यो सिद्धांत मझार हो, मुनिवर। चरिया परीषह चित्त धरो।।१।।
च्यार मास तो थिर रहै, रहेज एकण ठाम हो मु०। आठ मास फिरता रहै, नहीं रहै एकण गाम हो मु०।।२।।
गामा नगरां गमन करे, सेंधे असेंधे देश हो मु०। नर नारी हांसो करै, देख साधां रो वेश हो मु०।।३।। (लय : आ पहली बाड़ ब्रह्मचर्य नीं)
केईक बोलै गालियां, केईक देवै मार हो मु०। केईक लोक द्वेषी थका, कुत्ता देवै ललकार हो मु०।।४।।
मारग भूला उजड़ पड्या, भागै कांटा शूल हो मु०। भूख तृषा लागी घणी, काया विणसे मूल हो मु०।।५।।
थानक नहिं मिले जुगत स्यूस्यूं, रहवाने एक रात हो मु०। समभावै रहै साध जी, रीस नहीं तिलमात हो मु०।।६।।
भगवंत श्री महावीर जी, सह्या परीषह भरपूर हो मु०। आचारंग कल्प सूत्र में, अरिहंत भाष्या शूर हो मु०।।७।।
गामां नगरां विचरतां, दीपायो जिन धर्म हो मु०। कर्म खपाया आपणा, पाम्या शिव सुख पर्म हो।।८।।
दशमो निषद्या परीषह दोहा
एक ठाम बैठण तणो, कठिण घणो छै काम। ख्याल तमाशा जोयवा, न फिरै साध बेकाम।।१।। ढाल : १०
दशमो परीषह देखल्यो रे लाल, निषिधक तिणरो नाम हो, मुनीश्वर! सहै तेहिज साधजी रे लाल, बैठा रहै ठामो ठाम हो, मुनीश्वर! मन जाय लागो मोक्ष में रे लाल।।१।।
थानक सेती बारणे रे लाल, नहीं आवै बारम्बार हो मु0। चपलाई करै नहीं रे लाल, धिन त्यां तजियो संसार हो मु0।।२।। (लय : पुन्य निपजै शुभ जोग स्यूस्यूं रे लाल)
गोपवै इन्द्री आपणी रे लाल, मन कर लीधो वश हो मु०। काया जाणी कारमी रे लाल, पीवै संयम रस हो मु०।।३।।
मगन हाई रह्या ज्ञान में रे लाल, समता रस भरपूर हो मु०। विकथा वाद करै नहीं रे लाल, करम करै चकचूर हो मु०।।४।।
केइक ज्ञान चरचा करै रे लाल, केइक देवै उपदेश हो। मु०। सज्झाय ध्यान करता थकां रे लाल, कट जावै कर्म कलेश हो।।मु०।।५।।
इग्यारमो शय्या परीषह दोहा
सेज्या परीषह इग्यारमो, रहै निर्दोणण ठाम। ऊंची नीची सम करै, जठै नहीं साधां रो काम।। ढाल : ११
सेज्या परीषह इग्यारमो रे, भाष्यो श्री भगवत, निर्दोषण जायगां मझे रे, रहै शुद्ध साधु महन्त। मुनीश्वर सहै परीषह साध।।१।।
ऊंची नीची जाग्या मझे रे, शीत ने तावड़ो तेह। गरमी खाडा ने खोचरा रे, उड़ उड़ आवै खेह।।२।।
एहवी जाग्यां मिलियां थकां रे, नहीं करै विषवाद। सम भावे रहै साधजी रे, ज्यांरे घट में सदा समाध।।३।।
रुंख तले रहै साधजी रे, देवल सभा मझार। घर हाटादिक री गणती हुवै रे, थानक जाचै अठार।।४।।
(लय : कपूर हुवै अति ऊजलो रे)
अठारै जात रा थानक कह्या रे, भाष गया जगन्नाथ। साधु काजै छ: काय री रे, नहीं कीधी तिण ठामें घात।।५।।
आरम्भ करि थानक कियो रे, करै छ: काय जीवां रो अभाग। तिण थानक माहें रहै साधजी रे, ते गया परीषा सूं भाग।।६।।
मोल लियो साधां नें कारणे रे, भाड़ै लीधो जाण। एहवो थानक साधु भोगवै रे, ते तो नहीं पहुंचे निरवाण।।७।।
ऊंची नीची जाग्यां हुवै रे, खाडा खोचरा विशेष। राग द्वेष आणै नहीं रे, मांहें रहे निर्दोषण देख।।८।।
सेज्या परीषह इग्यारमो रे, भव दु:ख देवै टाल। मोक्ष नगर ना शाश्वता रे, पामै सुख रसाल।।९।।
बारमो आक्रोश परीषह दोहा
आक्रोश परीषह बारमो, सहै शूर अणगार। मारै कूटै दु:ख दिये, न धरै द्वेष लिगार।।१।। ढाल : १२
आक्रोश परीषह बारमो रे हां, सहै किसी विध साध, मोटा मुनीश्वरू। ऊंच नीच वचने करी रे हां, नहीं आणै विषवाद, मोटा मुनीश्वरू।।१।।
गोचरियां क्रोध करै नहीं रे हां, एहवा शब्द सुणै कान। म्हांरो क्यूं ही बिगड्यो नहीं रे हां, क्षमा करै धरि ज्ञान।।२।।
अर्जुनमाली मोटी मुनि रे हां, सह्या परीषा भरपूर। छ: मास में मुगते गया रे हां, कर्म किया चकचूर।।३।।
करकंडु कर्म तोड़ने रे हा, पाम्यो केवलज्ञान। मृगावती मोटी सती रे हां, ध्यायो निर्मल ध्यान।।४।।
चेलो चण्डरुद्र तणो रे हां, चालतो मारग मांय। पाम्यो केवल निरमलो रे हां, गुरु पिण दियो खमाय।।५।।
बारमां परीषा तणी रे हां, पूरी थई छै ढ़ाल। समता जल रस लायने रे हां, मेटो मन री झाल।।६।।
तेरमो वध परीषह दोहा
आगे अनेक साधां भणी, दीन्हा दु:ख अनेक। अडिग रह्या चलिया नहीं, वारूं आण विवेक।। ढाल : १३
तेरमो परीषो बरणवूं रे, वध छै तिणरो नाम, सहै परीषो साधजी रे, आतम आणी ठाम रे।
भवियण! साध तणां गुण गाय।।१।। कोई मारै चपेटी चाबुका रे, बांधै हाथ ने पाय। और मार देवे घणी रे, रीस नहीं मन मांय।।२।।
गजसुकुमाल मोटो मुनि रे, सोमल प्रजाल्यो शीश। अंतगढ़ हुवा केवली रे, भाव रह्या विश्वाबीस।।३।।
मेतारज मोटा मुनि रे, वध परीषो थाय। राग द्वेष दोनूं खय करी रे, जाय पहुंता मुगति मांय।।४।।
पालक पापी पांच सौ रे, साधु पिल्या रीस आण। चौकड़ी च्यारूं खय करी रे, जाय पहुंता निरवाण।।५।।
(लय : भवियण! सेवो रे साध सयाणा)
खाल उतारी खंधक तणी रे, सल नहीं घाल्यो नाक। मुगति गया ते मुनिवरू रे, अरिहंत गया इम भाष।।६।।
बाघण शरीर बिलूरियो रे, सुकोशल कीधो रे काल। शरीरज खाधो शियालणी रे, एवंती सुकुमाल।।७।।
इम अनेक जीव उद्धर्या रे, कहतां न आवे पार। बध परीषो जीतने रे, सुख पाम्या श्रीकार।।८।।
चवदमो याचना परीषह दोहा
जाचना परीषह जिनवर कह्यो, चवदमो चतुर सुजाण। हीणो दीणो बेणो नहीं, जाचत बेला जाण।। ढाल : १४
जाचना परीषह श्री जिनवर कह्यो, जाची वस्तज होय हो, भविक जन! उत्तराध्ययन रा दूजा अध्ययन में, चतुर लिज्यो कोई जोय हो, भविक जन।।१।।
अशण आहार चाहिजै साध ने, ते पिण दूज़ो पाण हो। खादिम जात कही मेवा तणी, चौथो स्वादिम पिछाण हो।।२।।
वस्त्र पात्र कांबल , पायपुंजणुं, रजोहरणुं जाण हो। पीढ़ फलग ने सेज्या संथारो, औषध भैषज पिछाण हो।।३।।
दांत शली आदि देई करी, जाची ने लेवै अणगार हो भ०। चतुर होवै ते चिन्ता नहीं करै, धिन त्यां तजियो संसार हो।।४।।
(लय : पुज्यजी पधारो हो नगरी सेविया)
मान मेली ने पेला कने मांगणुं, मुखड़े मोटी शर्म हो। अवसर अटकल लेवै जुगत स्यूस्यूं, ते जाणै धर्म्म रो मर्म हो।।५।।
जाचना परीषह ने जीतने, गया अनन्ता मोख हो। हिवड़ां गया ने जासे खरा, कर कर करमां रो शोष हो।।६।।
पन्द्रहमो अलाभ परीषह दोहा
अलाभ परीषह इण विधे, अणमिलियां शोग न थाय। लाधै हरषत ह्वेणो नहीं, भाष गया जिनराय।।१।। ढाल : १५
पनरमो परीषो महंत, साध मोटा निग्रन्श। अलाभ नाम कह्यो ए, मुनिवर मोटो सह्यो ए।।१।।
अन्नादिक लेवा जाय, गृहस्थ रे घर माय। हरष्या बाई भाई ए, नहीं मिली जोगवाई ए।।२।।
साध पधास्या तो धन्न, पड्यो असूजतो अन्न। श्रावक सोच करै ए, पिछतावो धरै ए।।३।।
कोइक तो नट जाय, बस्तु नहीं घर मांय। मन नहीं देण रो ए, कूड़ो कहण रो ए।।४।।
कोईक गुण नहीं जाण, नहीं दे अन्न ने पाण। पिंड नहीं पारखा ए, सरब जाणै सारखा ए।।५।।
प्रथम ऋषभ जिणन्द, छोड़ दियो घर फद। आवै नहीं गोचरी ए, बात नहीं सोचरी ए।।६।।
(लय : जिण भाष्या पाप अठार)
बरष निकलियो एक, रह्मा भाव विशेष। केवल पामिया ए, मुक्ति सिधाविया ए।।७।।
मुनि ढंढण री बात, न मिल्यो सूजतो भात। मास छ: काढ़िया ए, कर्म दल बाढ़िया ए।।८।।
इम सहै परीषा अणगार, पामै भव नो पार। मोटा महंत जती ए, साधवियां सती ए।।९।।
ए थई पनरमी ढाल, साध नमूं त्रिण काल। ऋषेश्वर भाषियो ए, सूत्र साखियो ए।।१०।।
सोलमो रोग परीषह दोहा
रोग आपदा ऊपनां, सेंठा रहै मुनिराय। सावद्य औषध बंछै नहीं, करै नहीं हाय तराय।।१।। दोहा
ढाल : १६
सोलमो परीषह साम्भलो, आव्यो शरीर में रोगो रे। समभावै सहै साधु जी, न करै मन मां शोगो रे। वांदीजै सतगुरु एहवा।।१।।
असाता उदय हुई, न करै हेलो न शोरो रे। विण भुगत्यां छूटै नहीं, किण रो न चालै जोरो रे।।२।।
विपता शरीर में उपनी, पड़ियो मांदो न असको रे। हाय हाय हेला न करै, बले न करै टसको रे।।३।।
सोलै रोगां माहिलो, अथवा अनेरो कोई रे। संथारो समभावे करै, हर्ष मनोरथ होई रे।।४।।
(लय : चन्द्र गुप्त राजा सुणो)
पुंडरिक संयम आदरयो, सौंपी भाई ने ऋद्धो रे। पारणै पीड़ा ऊपनी, पहुंतो स्वारथ सिद्धो रे।।५।।
राय उदाई मोटको, लीधो संयम भारो रे। रोग परीषह जीतने, सुख पाम्यो श्रीकारो रे।।६।।
सनतकुमार चौथो चक्री, रोग पिड़ाणी कायो रे। देवता आय परीक्षा करी, धर्म शुक्ल ध्यान ध्यायो रे।।७।।
सोलमो परीषह एहवो, सहै मुनीश्वर शूरा रे। कायर भाव आणै नहीं, करम करै चकचूरा रे।।८।।
सतरमो तृण-स्पर्श परीषह दोहा
तृण फास परीषह सतरमो, सहै साध निग्रन्थ। ऊंची नीची भूम आछी तरह, साधै मुगत रो पंथ।। ढाल : १७
सतरमो परीषो साम्भलो, नाम छै तिणरो तृणफास। घर छोड़ी संजम लियो, ज्याने छै श्याबास।।१।।
परहरिया पिलंग ने ढ़ोलिया, गादी गदरा तेह। पाथरणो बांछै नहीं, साधां रो मारग एह।।२।।
डाभादिक तृणा करी, पाथर सुवै रे संथार। पाट बाजोट ने आंगणो, धन्य धन्य ते अणगार।।३।।
सुकमाल शरीर तणा धणी, धन्नो शालीभद्र देख। बीजा ई बले राजवी, आयो भाव विशेष।।४।।
(लय : दिवाली रो दिन बड़ो)
सतरमी ढाल पूरी थई, थोड़ा में घणो समास, सहै परीषो साधजी, जै पाम्या शिव वास।।५।।
अठारमो जल्ल परीषह दोहा
नहीं मेल उतारै रगड़ नै, धोवै नहीं धरि प्रेम। देही वस्त्र पहण ओढ़ण तणा, जाव जीव छै नेम।। ढाल : १८
जल परीषह ने हिवै जोवो, लाग्यो मेल मती धोवो। साधुजी नहीं करै शोभा, त्यांरी सहजे ही टल जाय रोभा।।१।।
कपड़ो हुवै छै मेलो, ओ तो धोवण रो नहीं गेलो, साधवियां धोवै हाथ ने मूंढो, त्यां तो काम कियो अति भूंड़ो।।२।।
यक्ष करतो हरकेशी री सेवा, भारी करमां काढ्या केवा। उत्तराध्ययन रे बारमें विस्तारो, मुने ओलख लिया अणगारो।।३।।
उपरला मेल रो किस्यो लेखो, थांरी करणी सामो देखो। यांरे तोल न आवै दूजो, पारखा करि ने पूजो।।४।।
अठारमी ढाल पूरी कीधी, श्री ज्ञानी सीखावण दीधी। राखै निज व्रतां स्यूं मन्न, ते तो साधु जगत में धन्न।।५।।
(लय : ड़ाभ मुंजादिक नी डोरी)
उगणीसमो सत्कार-पुरस्कार परीषह दोहा
सत्कार पुरस्कार उगणीसमो, परीषह कठिन पिछाण। खमै खिम्यां धर्म जाणिने, साधु चतुर सुजाण।।१।। ढाल : १९
एकण उणो बीसमुं, हिव हूं कहूं रे। सत्कार पुरस्कार तिणरो नाम, तिण अनुसारे हूं लहूं रे।।१।।
कोइक चरचै चन्दण स्यूस्यूं, कोइक छेदै रे। राग द्वेष मन मांय, मूल नहीं बेंदै रे।।२।।
कोई कहै पूज्य पधारिये, श्रावक सैणो रे। कोई कहै कांई आया घर मांहैं, काई थांरो देणो रे।।३।।
कोई दरशण देख राजी हुवै, कोई कहे लागो मीठो रे। कोई कहे स्हामो मिल्यो कांय, थारो मूंडो अदीठो रे।।४।।
कोई पगां माथो दिये, हाथ जोड़ियां रे। कोई न करै वन्दण भाव, उलटी काठ खोड़ियां रे।।५।।
कोइक गुण करै घणा, कोइक सारै सेवा रे। कोई बोले अवगुणवाद, उलटा काढ़े केवा रे।।६।।
कोई कहै पुरुष पण्डित छै, चतुर सुजाणो रे। कोई कहै दिसै ठंठ, मूढ़ अजाणो रे।।७।।
इत्यादिक वचन सुणी, उत्तम साधो रे। राग द्वेष नहीं मन मांय, ज्ञान भलो लाधो रे।।८।।
(लय : तीरथ ते नमुं रे)
एकण ऊणी बीसमी, पूरी थई ढ़ालो रे। दोषण सगलाई टाल, व्रत शुद्ध पालो रे।।९।।
वीसमो प्रज्ञा परीषह दोहा
प्रज्ञा परीषह बीसमो, भाख गया भगवान। ओछी हुवां आरत करै नहीं, घणी हुवां न करै अभिमान।। ढाल : २०
विनय भवित करै गुरु तणी रे लाल, सीखै शास्त्र शुद्ध हो, भविकजन। ज्ञान पायो ज्ञानी कनै रे लाल, छै निज पोता नीं बुद्ध हो, भ०। बुद्धि परीषह बीसमो रे लाल।।१।।
बखाण वाणी देवै देशना रे लाल, फोड़ै पराक्रम पूर हो। वाचना देवै भली परै हो लाल, आलस कर दे दूर हो।।२।।
केई प्रश्न पूछे आय ने रे लाल, केइक पूछै बोल हो। बतावै ज्ञान भली परे रे लाल, ज्ञान पिटारो खोल हो।।३।।
पण्डित पूरा ते जाणिये रे लाल, न करै भणियां रो अभिमान हो। लघुताई करै आपणी रे लाल, म्हारै अल्प ज्ञान हो।।४।।
(लय : धीज करै सीता सती)
इकवीसमो अज्ञान परीषह दोहा
अनाण परीषह इकबीसमो, पाछल भव अन्तराय। मासपदियो साधु हुवै, मान तणै वश थाय।। ढाल : २१
अनाण परीषह जाणो रे, भाष्यो श्री केवलनाणो। उद्यम कर लगावै घोखो रे, तोही आखर बैठो नहीं चोखो।।१।।
अध्ययन सूत्र न आवै रे, बखाण बांच्यो नहीं जावै। जीव भेद गुणठाणा ने जोगो रे, लेश्या पूछता न करै शोगो।।२।।
खंडाजोयण ने नव तत्वों रे, कोई पूछै साध महंतो। लघु-महा-डंडक ने बासट्ठो रे, केई पूछ न करै कष्टो।।३।।
संजिया नियंठा नै गमा रे, समोसरण ने बले जमा। भांगा लब्धि ने बन्धि निवत्ति रे, इसाणबाय कायथिति।।४।।
इत्यादिक जाब ना आवै रे, तोही आरत ध्यान न ध्यावै। कोई कहै हिया रो ठोठी रे, म्हारै ज्ञान री अंतराय मोटी।।५।।
गुरु नो विनय कीजै रे, अवगुण छोड़ी गुण लीजै। सूत्र नी बातज साची रे, संसार नीं माया काची।।६।।
(लय : परचै की)
बावीसमो दर्शण परीषह दोहा
दरशण परीषह बावीसमो, रहणो श्रद्धा में ठीक। शंका कंखा करणी नहीं, ज्यूं लहै मुक्ति नजीक।।१।। ढाल : २२
दरशण परीषह बावीसमो, रहणो सरधा में सेंठो रे। अन्यतीर्थी द्वेषी घणा, नाणै विषवाद रो लेठो रे।।१।।
(लय : सल्य कोई मत राखज्यो)
संवेग मन में आण नै, टाले मिथ्यामत फांसो रे। वीतरागजी रा वचन में, मती आणो कोई सांसो रे।।२।।
पर दर्शण बंछै नहीं, फल प्रते सांसो न आणै रे। दान शील तप भावना, फल निश्चय कर जाणै रे।।३।।
आषाढ़भूति ने शंका पड़ी, मारया छै छह बालो रे। चतुर चेलो गुरा भणी, समझाया तत्कालो रे।।४।।
उत्तराध्ययन सूत्र मध्ये, दूजै अध्ययनज तायो रे। दूजाई सूत्र छै घणा, अनुसारे चोज लगायो रे।।५।।
बावीसमी ढाल पूरी थई, सरधा में सेंठो काम कीधो रे। बावीस परीषह जीत नैं, मुक्ति किलो कायम कीधो रे।।६।।
Roman Transliteration
dhal : 1
uttaradhyayan sutra majhe, parishah ro adhikaro e, bija hi sutran majhe, kahyo ghano vistaro e, sahtan kshudha parishah dohilo..1..
odarik tan jeh nain din ugai bhukh lagai e, shura te sentha rahai, kayar huvai te bhagai e..2..
pratham jineshvar jag Guru, chhodyo banita ne rajo e. chyar sahans sathe huva, phirta ahar ne kajo e..3..
(lay : sadhan nain leno sujhto)
bhaj gaya bhukha thaka, sadhu keik hajaro e. thayo varas divas no parno, rahma adig aparo e..4..
bahubal name Muni, ban manhen kausagga thayo e. kathin parishah tin sahyo, te Muni mugat sidhayo e..5..
dhandhan phirtan gauchri, n milyo ahar nirdosho e. nem jineshvar jas kahyo, Karm khapay gayo mokho e..6..
ahar puro avai nahin, n karai man men shogo e. miliyan bhado devai deh ne, jin adariyo jogo e..7..
asujto banchhai nahin, jo huvai lakh prakaro e. chalai marag sadhji, tyanne mharo namaskaro e..8..
kshudha parishah jit ne, gaya ananta mokho e. dhin je sadh nen Sadhvi, jyarai sadai santosho e..9..
dvitiy trisha parishah doha
anna khayan ati upajai, trisha tor ghatay. kayar nar kachcha padai, shuran paurash thaya..1.. dhal: 2
anna thaki adhiko ghano, tira ro kam. ekan pani bahiro, n rahai parinam tham.. dujo parishah dohilo..1..
trisha parishah upana sahai kakda bhut. dhin dhin te mota Muni, diya mugat nan suta..2..
(lay : hivai rani padmavati)
tapai ati ghano tavdo kardo grisham kal. belu bhobhar sarishi, dajhe pag sukumala..3..
tin belan tirsha lagi ghani, kantha talvo suk. hothan avai phephri, nahin mukh men thuka..4..
nagar phirntan gochri, nahin miliyo nir. sidavai nahin sadhji, saintha rahai sadhira..5..
dhanamitra tano putra, dhobo pani bharay. siddhan sanhmo joynai, didho santharo thaya..6..
ambad nan shishya sat sau, tirsha lagi pur. santharo sathe kiyo, huva sachela shura..7..
jaghanya to belo kiyo, utkrishta chh: mas.. Mahavir pani bina, kiya karma ra nasha..8..
dujo parishah jit nain, tiriya jiv ananta. tiriya ne tirsi ghana, bhakh gaya bhagavanta..9..
tritiy shit parishah doha
siyale ati si padai, baje shital vay. tin belan shuddha sadhuji, sentha revai savay.. dhal: 3
shitkal re mahi re, sahino shit nai. man dridh rakhai apano e..1..
thari thamo tham re, chadhai bali dhujni. runvata ubha huvai e..2..
(lay : bhar jivan re manhi re)
bale n banchhe sadh re, agni sevnu. adig rahai meru jisa e..3..
baje shital vay re, ati bale mavto. jade nahin kimad ne e..4..
tin pachhevdi manhi re, rahino sadh nain. chauthi pin banchhai nahin e..5..
bale ulavanai pay re, mastak nahin odhano. hindnta lavai nahin e..6..
bhadrabahu nan shishya re, chatur chyarun jana. shit parishah tyan sahyo e..7..
kal kari tin tham re, huva devta. riddha vriddha pami ghani e..8..
shit parishah jit re, tiriya ati ghana. par nahin chhai tehno e..9..
chaturtha ushna parishah doha
unhale atap no, sahai parishah sadh. tap lu tarasyo thako, bedai nahin vishvad.. dhal : 4
ushna parisho re ati bali akaro, sahai mota munirajo ji. nij kaya ne janai bali karmi, sarai atam kajo ji..1.. (lay : aranak munivar chalya)
grishma kale re tapai tavdo, bajai luvan jalo ji. balti belu agna jyun parajlai, dajhai pag sukumalo ji..2..
badal, varsha, vayu banchhai nahin, panhi n pahrai payo ji. mathai vastra n dharai chaltan, nahin chhatkai jal kayo ji..3..
tadko jane ati ghani rat no, nahin suvai achhanyo ji. ubha kshan matra rahvai nahin, na levai tan vayo ji..4.
ushna parisho ughada sahai, karta ugra viharo ji. gadhi garmi rela utarai, n karai khed ligaro ji..5..
ushna parisho Muni aranak sahyo, vachan suni nij mayo ji. balti shila agna jyun parajlai, diyo santharo thayo ji..6..
kal kari nai huvo devta, sukh pamyo shrikari ji. im ananta sadhu uddharya, kahtan n avai paro ji..7..
pancham dans-masak parishah doha
ins mans chatka diye, sada rahe sam bhav. hanai nahin tras jiv nain, ohij taran ro dav.. dhal : 5
mamta nahin anai dehi ri, mota sadhu vidvans ji. dans mansadik dil ughadai, khavai lohar nain mans ji. dhin dhin sadhji sahai parisho..1..
jun likh kidi ne chanchad makad, ay lagai sharir ji. chanch kari ne devai chatka, sentha rahai sadhir ji..2..
(lay : suguru pichhano)
khaj khine nahin bin punjiyan, n anai man khed ji. jhatak ne alaga nahin karna, lagi mugat umed ji.13..
ghar chhodi ne sanyam lidho, charam jineshvar vir ji. chandan-vas sun bhamra avya, khada ghalya sharir ji..4..
chyar mahina lag jajheri, pida sahi nish dis ji. rahya adig meru tani parai, nahin ani man ris ji..5..
chor chilayti sadhu huvo, tin shabda sunya kan ji. rudhir vas syusyun kidyan ai, dhyayo nirmal dhyan ji..6..
panchmo parisho chhai ati bhari, sahai mota nirgranth ji. sant satyan no jinji bhashyo, dukkar doro panth ji..7..
chhattho achel parishah doha
chhattho parisho sadh no, vastra maryad sahit. ujalun mailun malyan thakan, palai puran prit.. dhal : 6
achel parisho chhai ehavo ji, vastra jiran thay. navun to nedo dise nahin ji, soch nahin man many. ehava munivar nit namun ji..1..
hin din vachne kari ji, jachai nahin Muni chir. sahjai milai to bhogvai ji, sentha rahai sadh sadhira..2..
maila to paharan lugda ji, dhoi n utarai mail. jnani devan isado kahyo ji, sadhan ro marag nahin saila..3.. (lay : vir bakhani rani chelna)
soch karai nahin sentha rahe ji, te kahie shuddha sadh. adhikun n rakhai arajyan ji, lopai nahin sutra maryada..4..
achel parishah chhai akaro ji, sahai mota anagar. somdev brahman nin parai ji, saphal karai avatara..5..
satmo arati parishah doha
chhahun ritu men bhal sadhji, palai sanyam bhar. rati arati anai nahin, achal rahe ikadhar.. dhal : 7
bani suni Bhagwan ni, jin janyo re karimo sansar, vairage man balne, ghar chhodi re lidho sanyam bhar. Muni sahai parishah satmo..1..
Muni sahai parishah satmo, arati re chhai tin ro nam. rag dvesh karajyo mati, Muni apo re rakho nij thama..2..
shiyale ati shi padai, unale re tapai tavdo teh. varshale varsha ghani, sarva ritu ro re svabhav chhai eha..3..
nagri men phirtan gauchri, nahin miliyo re pani ne anna. ghar n chitarai pachhla, jikai sadhu re jag manhi dhanna..4..
megh Muni man chintavai, mone sadhan re diyo du:kh athay. hun ghar jaun manhre, prabhate re Jin liyo samjhaya..5..
vijay viman men upano, munivar re shrimegh kumar. eka bhavtari huvo, jnata re sutra men adhikara..6..
(lay : kunvar iso man chintvai)
sanyam sun rati rakhjo, ghar chhodyo re jyanro parman. shri vir jineshvar im kahyo, to the bega re pahuncho nirvan. 7..
athamo stri parishah doha
stri parishah athamo, sahai mota muniraj. taji khel sam janen, sarai atam kaja..1.. dhal: 8
stri parishah eh, sehtan ghano akaroji. eto thoda sukhan re kaj, ratan karai kankro ji.. sada palai niramal shil munishvar nit namun ji..1..
stri ro rup shingar, kade nahin dekhno ji. hav bhav ne hasya vilas, kadai navi pekhno ji..2..
nari dithan jagai neh, chalai chitta manhilo ji. pachho ano doro thay, eso nar bavlo ji..3..
e to mota mota muniraj, padya nari pash men ji. nandishen ne ashadh, veshya ghar vas men ji..4..
o to ardrakumar anagar, taji sansar ne ji. o to chaubis varshan sang, padyo vash nar ne ji..5..
rahnemi ro chaliyo chitta, dekh ati rup ne ji, mahasti anyo thay, taryo bhav kup ne ji..6..
thulabhadra kiyo chaumas, veshya ri shal men ji. o to sentho rahyo sadh, agna ri jal men ji..71.
(lay : ayo adishvarji re aj varsha ro parno)
veshya samkit pay, shil satya jhaliyo ji. uttaradhyayan sutra re manhi, katha men chaliyo ji..8..
sinh gupha basi sadh, ratan kambal laviyo ji. tinne veshya didhi dhikkar, pachhai pichhtaviyo ji..9..
o to samudra tirno agadh, ghano chhai sohilo ji. dridh rahno nari pas, ghano chhai dohilo ji..10..
dash lakh joravar jodh, soro chhai jipno ji. o to kam kathin dal jor, doro chhai khimpno ji..11..
o to kathin parishah eh, jnani devan kahyo ji. ghana sahi ne gaya chhai Moksha, bhavan ro kshay kahyo ji..12..
navmon charya parishah doha
navmen parishah sadhji, chalai jayna sahit. gam nagar pur patne, jiv daya sun prit.. dhal : 9
navmo parishah nirakhalyo, karno ugra vihar ho munivar, chariya namen chalno, kahyo siddhant majhar ho, munivar. chariya parishah chitta dharo..1..
chyar mas to thir rahai, rahej ekan tham ho mu0. ath mas phirta rahai, nahin rahai ekan gam ho mu0..2..
gama nagran gaman kare, sendhe asendhe desh ho mu0. nar nari hanso karai, dekh sadhan ro vesh ho mu0..3.. (lay : a pahli bad brahmacharya nin)
keik bolai galiyan, keik devai mar ho mu0. keik lok dveshi thaka, kutta devai lalkar ho mu0..4..
marag bhula ujad padya, bhagai kanta shul ho mu0. bhukh trisha lagi ghani, kaya vinse mul ho mu0..5..
thanak nahin mile jugat syusyun, rahvane ek rat ho mu0. sambhavai rahai sadh ji, ris nahin tilmat ho mu0..6..
bhagavant shri Mahavir ji, sahya parishah bharpur ho mu0. acharang kalpa sutra men, Arihant bhashya shur ho mu0..7..
gaman nagran vichartan, dipayo Jin Dharm ho mu0. Karm khapaya apana, pamya shiv sukh parma ho..8..
dashmo nishadya parishah doha
ek tham baithan tano, kathin ghano chhai kam. khyal tamasha joyva, n phirai sadh bekama..1.. dhal : 10
dashmo parishah dekhalyo re lal, nishidhak tinro nam ho, munishvar! sahai tehij sadhji re lal, baitha rahai thamo tham ho, munishvar! man jay lago Moksha men re lala..1..
thanak seti barne re lal, nahin avai barambar ho mu0. chaplai karai nahin re lal, dhin tyan tajiyo sansar ho mu0..2.. (lay : punya nipjai shubh jog syusyun re lal)
gopvai indri apani re lal, man kar lidho vash ho mu0. kaya jani karmi re lal, pivai sanyam ras ho mu0..3..
magan hai rahya jnan men re lal, samta ras bharpur ho mu0. viktha vad karai nahin re lal, karam karai chakchur ho mu0..4..
keik jnan charcha karai re lal, keik devai upadesh ho. mu0. sajjhay dhyan karta thakan re lal, kat javai Karm kalesh ho..mu0..5..
igyarmo shayya parishah doha
sejya parishah igyarmo, rahai nirdonan tham. unchi nichi sam karai, jathai nahin sadhan ro kam.. dhal : 11
sejya parishah igyarmo re, bhashyo shri bhagavat, nirdoshan jaygan majhe re, rahai shuddha sadhu mahanta. munishvar sahai parishah sadha..1..
unchi nichi jagya majhe re, shit ne tavdo teh. garmi khada ne khochra re, ud ud avai kheha..2..
ehavi jagyan miliyan thakan re, nahin karai vishvad. sam bhave rahai sadhji re, jyanre ghat men sada samadha..3..
runkh tale rahai sadhji re, deval sabha majhar. ghar hatadik ri ganti huvai re, thanak jachai athara..4..
(lay : kapur huvai ati ujalo re)
atharai jat ra thanak kahya re, bhash gaya jagannath. sadhu kajai chh: kay ri re, nahin kidhi tin thamen ghata..5..
arambha kari thanak kiyo re, karai chh: kay jivan ro abhag. tin thanak mahen rahai sadhji re, te gaya parisha sun bhaga..6..
mol liyo sadhan nen karne re, bhadai lidho jan. ehavo thanak sadhu bhogvai re, te to nahin pahunche nirvana..7..
unchi nichi jagyan huvai re, khada khochra vishesh. rag dvesh anai nahin re, manhen rahe nirdoshan dekha..8..
sejya parishah igyarmo re, bhav du:kh devai tal. Moksha nagar na shashvata re, pamai sukh rasala..9..
barmo akrosh parishah doha
akrosh parishah barmo, sahai shur anagar. marai kutai du:kh diye, n dharai dvesh ligara..1.. dhal : 12
akrosh parishah barmo re han, sahai kisi vidh sadh, mota munishvaru. unch nich vachne kari re han, nahin anai vishvad, mota munishvaru..1..
gochriyan krodh karai nahin re han, ehava shabda sunai kan. mhanro kyun hi bigadyo nahin re han, Kshama karai dhari jnana..2..
arjunmali moti Muni re han, sahya parisha bharpur. chh: mas men mugte gaya re han, Karm kiya chakchura..3..
karakndu Karm todne re ha, pamyo kevalajnan. mrigavti moti sati re han, dhyayo nirmal dhyana..4..
chelo chandarudra tano re han, chalto marag many. pamyo keval niramlo re han, Guru pin diyo khamaya..5..
barman parisha tani re han, puri thai chhai dhal. samta jal ras layne re han, meto man ri jhala..6..
termo vadh parishah doha
age anek sadhan bhani, dinha du:kh anek. adig rahya chaliya nahin, varun an vivek.. dhal : 13
termo parisho baranvun re, vadh chhai tinro nam, sahai parisho sadhji re, atam ani tham re.
bhaviyan! sadh tanan gun gaya..1.. koi marai chapeti chabuka re, bandhai hath ne pay. aur mar deve ghani re, ris nahin man manya..2..
gajsukumal moto Muni re, somal prajalyo shish. antagadh huva kevli re, bhav rahya vishvabisa..3..
metaraj mota Muni re, vadh parisho thay. rag dvesh donun khay kari re, jay pahunta mugti manya..4..
palak papi panch sau re, sadhu pilya ris an. chaukdi chyarun khay kari re, jay pahunta nirvana..5..
(lay : bhaviyan! sevo re sadh sayana)
khal utari khandhak tani re, sal nahin ghalyo nak. mugti gaya te munivru re, Arihant gaya im bhasha..6..
baghan sharir biluriyo re, sukoshal kidho re kal. shariraj khadho shiyalni re, evanti sukumala..7..
im anek jiv uddharya re, kahtan n ave par. badh parisho jitne re, sukh pamya shrikara..8..
chavadmo yachna parishah doha
jachna parishah jinavar kahyo, chavadmo chatur sujan. hino dino beno nahin, jachat bela jan.. dhal : 14
jachna parishah shri jinavar kahyo, jachi vastaj hoy ho, bhavik jan! uttaradhyayan ra duja adhyayan men, chatur lijyo koi joy ho, bhavik jana..1..
ashan ahar chahijai sadh ne, te pin duzo pan ho. khadim jat kahi meva tani, chautho svadim pichhan ho..2..
vastra patra kambal , paypunjanun, rajoharnun jan ho. pidh phalag ne sejya santharo, aushadh bhaishaj pichhan ho..3..
dant shali adi dei kari, jachi ne levai anagar ho bha0. chatur hovai te chinta nahin karai, dhin tyan tajiyo sansar ho..4..
(lay : pujyaji padharo ho nagri seviya)
man meli ne pela kane mangnun, mukhde moti sharma ho. avasar atakal levai jugat syusyun, te janai dharmma ro marma ho..5..
jachna parishah ne jitne, gaya ananta mokh ho. hivdan gaya ne jase khara, kar kar karman ro shosh ho..6..
pandrahmo alabh parishah doha
alabh parishah in vidhe, anamiliyan shog n thay. ladhai harashat hveno nahin, bhash gaya jinraya..1.. dhal : 15
panarmo parisho mahant, sadh mota nigransha. alabh nam kahyo e, munivar moto sahyo e..1..
annadik leva jay, grihastha re ghar may. harashya bai bhai e, nahin mili jogvai e..2..
sadh padhasya to dhanna, padyo asujto anna. shravak soch karai e, pichhtavo dharai e..3..
koik to nat jay, bastu nahin ghar many. man nahin den ro e, kudo kahan ro e..4..
koik gun nahin jan, nahin de anna ne pan. pind nahin parkha e, sarab janai sarkha e..5..
pratham Rishabh jinanda, chhod diyo ghar phad. avai nahin gochri e, bat nahin sochri e..6..
(lay : jin bhashya pap athar)
barash nikliyo ek, rahma bhav vishesh. keval pamiya e, mukti sidhaviya e..7..
Muni dhandhan ri bat, n milyo sujto bhat. mas chh: kadhiya e, Karm dal badhiya e..8..
im sahai parisha anagar, pamai bhav no par. mota mahant jati e, sadhviyan sati e..9..
e thai panarmi dhal, sadh namun trin kal. risheshvar bhashiyo e, sutra sakhiyo e..10..
solmo rog parishah doha
rog apada upanan, sentha rahai muniray. savadya aushadh banchhai nahin, karai nahin hay taraya..1.. doha
dhal : 16
solmo parishah sambhalo, avyo sharir men rogo re. sambhavai sahai sadhu ji, n karai man man shogo re. vandijai satguru ehava..1..
asata uday hui, n karai helo n shoro re. vin bhugatyan chhutai nahin, kin ro n chalai joro re..2..
vipta sharir men upani, padiyo mando n asako re. hay hay hela n karai, bale n karai tasko re..3..
solai rogan mahilo, athava anero koi re. santharo sambhave karai, harsha manorath hoi re..4..
(lay : chandra gupta raja suno)
pundrik sanyam adaryo, saumpi bhai ne riddho re. parnai pida upani, pahunto svarath siddho re..5..
ray udai motko, lidho sanyam bharo re. rog parishah jitne, sukh pamyo shrikaro re..6..
sanatkumar chautho chakri, rog pidani kayo re. devta ay pariksha kari, Dharm shukla dhyan dhyayo re..7..
solmo parishah ehavo, sahai munishvar shura re. kayar bhav anai nahin, karam karai chakchura re..8..
satarmo trin-sparsha parishah doha
trin phas parishah satarmo, sahai sadh nigrantha. unchi nichi bhum achhi tarah, sadhai mugat ro panth.. dhal : 17
satarmo parisho sambhalo, nam chhai tinro trinphas. ghar chhodi sanjam liyo, jyane chhai shyabasa..1..
parahriya pilang ne dholiya, gadi gadra teh. patharno banchhai nahin, sadhan ro marag eha..2..
dabhadik trina kari, pathar suvai re santhar. pat bajot ne angano, dhanya dhanya te anagara..3..
sukmal sharir tana dhani, dhanno shalibhadra dekh. bija i bale rajvi, ayo bhav vishesha..4..
(lay : divali ro din bado)
satarmi dhal puri thai, thoda men ghano samas, sahai parisho sadhji, jai pamya shiv vasa..5..
atharmo jalla parishah doha
nahin mel utarai ragad nai, dhovai nahin dhari prem. dehi vastra pahan odhan tana, jav jiv chhai nem.. dhal : 18
jal parishah ne hivai jovo, lagyo mel mati dhovo. sadhuji nahin karai shobha, tyanri sahje hi tal jay robha..1..
kapdo huvai chhai melo, o to dhovan ro nahin gelo, sadhviyan dhovai hath ne mundho, tyan to kam kiyo ati bhundo..2..
yaksha karto harkeshi ri seva, bhari karman kadhya keva. uttaradhyayan re barmen vistaro, mune olakh liya anagaro..3..
uparla mel ro kisyo lekho, thanri karni samo dekho. yanre tol n avai dujo, parkha kari ne pujo..4..
atharmi dhal puri kidhi, shri jnani sikhavan didhi. rakhai nij vratan syun manna, te to sadhu jagat men dhanna..5..
(lay : dabh munjadik ni dori)
uganismo satkar-puraskar parishah doha
satkar puraskar uganismo, parishah kathin pichhan. khamai khimyan Dharm janine, sadhu chatur sujana..1.. dhal : 19
ekan uno bismun, hiv hun kahun re. satkar puraskar tinro nam, tin anusare hun lahun re..1..
koik charchai chandan syusyun, koik chhedai re. rag dvesh man many, mul nahin bendai re..2..
koi kahai pujya padhariye, shravak saino re. koi kahai kani aya ghar manhain, kai thanro deno re..3..
koi darashan dekh raji huvai, koi kahe lago mitho re. koi kahe shamo milyo kany, tharo mundo aditho re..4..
koi pagan matho diye, hath jodiyan re. koi n karai vandan bhav, ulati kath khodiyan re..5..
koik gun karai ghana, koik sarai seva re. koi bole avagunvad, ulata kadhe keva re..6..
koi kahai purush pandit chhai, chatur sujano re. koi kahai disai thanth, mudh ajano re..7..
ityadik vachan suni, uttam sadho re. rag dvesh nahin man many, jnan bhalo ladho re..8..
(lay : tirath te namun re)
ekan uni bismi, puri thai dhalo re. doshan saglai tal, vrat shuddha palo re..9..
vismo prajna parishah doha
prajna parishah bismo, bhakh gaya bhagvan. ochhi huvan arat karai nahin, ghani huvan n karai abhiman.. dhal : 20
vinay bhavit karai Guru tani re lal, sikhai shastra shuddha ho, bhavikajan. jnan payo jnani kanai re lal, chhai nij pota nin buddha ho, bha0. buddhi parishah bismo re lala..1..
bakhan vani devai deshna re lal, phodai parakram pur ho. vachna devai bhali parai ho lal, alas kar de dur ho..2..
kei prashna puchhe ay ne re lal, keik puchhai bol ho. batavai jnan bhali pare re lal, jnan pitaro khol ho..3..
pandit pura te janiye re lal, n karai bhaniyan ro abhiman ho. laghutai karai apani re lal, mharai alpa jnan ho..4..
(lay : dhij karai sita sati)
ikavismo ajnan parishah doha
anan parishah ikabismo, pachhal bhav antaray. masapdiyo sadhu huvai, man tanai vash thay.. dhal : 21
anan parishah jano re, bhashyo shri kevalnano. udyam kar lagavai ghokho re, tohi akhar baitho nahin chokho..1..
adhyayan sutra n avai re, bakhan banchyo nahin javai. jiv bhed gunthana ne jogo re, leshya puchhta n karai shogo..2..
khandajoyan ne nav tatvon re, koi puchhai sadh mahnto. laghu-maha-dandak ne basattho re, kei puchh n karai kashto..3..
sanjiya niyntha nai gama re, samosaran ne bale jama. bhanga labdhi ne bandhi nivatti re, isanbay kaythiti..4..
ityadik jab na avai re, tohi arat dhyan n dhyavai. koi kahai hiya ro thothi re, mharai jnan ri antaray moti..5..
Guru no vinay kijai re, avagun chhodi gun lijai. sutra ni bataj sachi re, sansar nin maya kachi..6..
(lay : parchai ki)
bavismo darshan parishah doha
darashan parishah bavismo, rahno shraddha men thik. shanka kankha karni nahin, jyun lahai mukti najika..1.. dhal : 22
darashan parishah bavismo, rahno sardha men sentho re. anyatirthi dveshi ghana, nanai vishvad ro letho re..1..
(lay : salya koi mat rakhajyo)
sanveg man men an nai, tale mithyamat phanso re. vitragaji ra vachan men, mati ano koi sanso re..2..
par darshan banchhai nahin, phal prate sanso n anai re. dan shil tap bhavna, phal nishchay kar janai re..3..
ashadhbhuti ne shanka padi, marya chhai chhah balo re. chatur chelo gura bhani, samjhaya tatkalo re..4..
uttaradhyayan sutra madhye, dujai adhyayanaj tayo re. dujai sutra chhai ghana, anusare choj lagayo re..5..
bavismi dhal puri thai, sardha men sentho kam kidho re. bavis parishah jit nain, mukti kilo kayam kidho re..6..