भक्तामर

भक्तामर

ढाल

Dhal

गीत क्रमांक637

ढाल — Lyrics

ढाल

दीठो सुपनो पेलड़ो, भांजी कल्पवृक्ष नीं डालो रे, राजा दीक्षा लेसी नहीं, इम दुष्षम पंचम कालो रे। चंद्रगुप्त राजा सुणो।।१।।

सूर्य अकाले आथम्यो दूजो ए फल जोयो रे। जनम्या पंचम काल में, ज्यांनै केवलज्ञान न होयो रे।।२।।

(लय : रे जीव विषय न राचिये)

तीजै चंद्रज चालणी, तिणरो ए फल जोयो रे। समाचारी जुई जुई बारोट्या धर्म होयो रे।।३।।

भूत भूतणी दीठा नाचता, चौथे सुपने राय जोयो रे। कुगुरु कुदेव कुधर्म नीं, घणी मानता होयो रे।।४।।

नाग दीठो बारै फणो, पंचम सुपनो भाली रे। केतलायक बरसां पछै, पड़सी च्यार दुकाली रे।।५।।

देव विमान वल्यो छठै तिण रो सुण राय भेदो रे। विद्या जंधा चारणी, जासी लब्धि विच्छेदो रे।।६।।

उगो उकरड़ी मझे, सातमो कमल विमासी रे। च्यारूं ही वर्णां मझे वाणियां जैनधर्म थासी रे।।७।।

हेतु कथा नें चौपई, स्तवना सज्झाय नैं जोड़ा रे। ज्यामे घणा प्रतिबोधसी सूत्र नीं रुची थोड़ा रे।।८।।

एको न हुसी सहू बाणिया, जुदो-जुदो मत झालो रे। खांच करसी आप आपरी, विरला धर्म रसालो रे।।९।।

दीठो सुपनो आठमो, आगिया नु चमत्कारो रे। अल्प उद्योत जिनधर्म नुं, बहु मिथ्यात्व अंधकारो रे।।१०।।

आगिया जिम दीखै दीपता, घटाटोप आडम्बर मोटा रे। बाहर क्रिया दिखावसी, आचार श्रद्धा में खोटा रे।।११।।

पाखंड मचसी अति घणो, दया धर्म घट ज्यासी रे। साधु अल्प पूजावसी, असाधु री महिमा थासी रे।।१२।।

समुद्र सूखो त्रिण दिशी, दक्षिण दिशि थोड़ो पाणी रे। तीन दिश धर्म विच्छेद हुसी, दक्षिण दोहलो धर्म जाणी रे।।१३।।

जिहां पांच कल्याण थया, तिहां धर्म नीं हाणो रे। अर्थ नवमां सुपनां तणो होसी ऐसा अहिनाणो रे।।१४।।

सोना री थाली मझे, श्‍वान खावै खीरो रे। दसमां सुपनां नो अर्थ, सुण राय तू सधीरो रे।।१५।।

अूंच तणी लिछमी तीका, नीच घरै पिण जासी रे। बधसी रे चुगल चोरटा, साहूकार सिदासी रे।।१६।।

हाथी ऊपर बानरो, सुपन इग्यारमो दीठो रे। मलेच्छराज ऊंचो होसी, असल हिन्दू रेसी हेठो रे।।१७।।

दीठो सुपनो बारमो, समुद्र लोपी कारो रे। राजवी चालै उन्मार्ग, न्याय लोपी होसी विकारो रे।।१८।।

पंचम आरै रा राजवी, होसी बिन आचारी रे। वचन कही नैं फिर ज्यावसी, एहवा जाण विचारी रे।।१९।।

अकल विहूणा वांछसी, गुरु आदिक नीं घातो रे। शिष्य अवनीत होसी घणा, थोड़ा उत्तम सुपातो रे।।२०।।

महारथ जुता बाछड़ा, बालक थी धर्म थासी रे। कदाचित बूढ़ा करै तो, प्रमाद मांहि पड़ ज्यासी रे।।२१।।

बालक बहु घर छोड़सी, होसी वैराग्य में सेंठा रे। लज्या संयम पालसी, बूढ़ा होसी ढेटा रे।।२२।।।

सरल नहीं सब बालका, ढेटा नहीं है बूढ़ा रे। समचै इम ए भाव छै, अर्थ विचारो अूंडा रे।।२३।।

रत्‍न झांक्यां देख्या चवदमे, ते सुपनां नो जोड़ो रे। भरत खेतर रा साध साधवी, हेत मिलाप होसी थोड़ो रे।।२४।।

कलहकारी डंवरकारिया, असमाधिकारी विशेखो रे। उदंगलकारी अवनीतड़ा, रहसी धेखाधेखो रे।।२५।।

प्रशंसा करसी आप आपणी, कपट वचन बहुगेरी रे। आचार अशुद्ध साधां तणो, उलटा होसी वेरी रे।।२६।।

सूधो मारग प्ररूपता, तिण स्यूं मच्छर भावो रे। निन्दक बहु साधां तणो, होसी धेठा स्वभावो रे।।२७।।

रायकुमार बैठ्यो पोढ़ियों, तिण रो ओ फल थासी रे। राजा जिनधर्म छोड़ नैं, और धर्म आदरसी रे।।२८।।

अूंचै कुल रा राज राजवी, म्लेच्छादिक स्यूस्यूं डरसी रे। ओछी होसी ऋद्धि संपदा नीच रो सरणो लेसी रे।।२६।।

बगर महावत हाथी लड़ै, सुपन सोलमों जोसी रे। काल थोड़े रै आंतरै, माग्या मेह नै मिलसी रे।।३०।।

अकाले वर्षा होसी, काले बर्षसी थोड़ी रे। बाट घणी जोवाड़सी, घास पाणी रो तोड़ो रे।।३१।।

बेटा गुरु माइता री, भक्ति करसी थोड़ी रे। माइत बात करता थका बिच में लेसी तोड़ी र।।३२।।

भाई-भाई माहो माह, थोड़ी होसी हेतो रे। घणी लड़ाई नें ईर्ष्या, बधसी इण भरत खेतो रे।।३३।।

अर्थ सोलै सपना तणो, कह्यो भद्रबाहू स्वामो रे। जिन भाख्यो न हुवै अन्यथा, तज राजा तू कामो रे।।३४।।

ए सोलै सुपना सुण नैं, सिंह जिम पराक्रम करसी रे। जिन वचन आराधसी, ते शिव रमणी वरसी रे।।३५।।

ए सोलै सुपनां तणो, सांभलियो विस्तारो रे। सांभल राजा इम कहै, स्वामी लेस्यूस्यूं संयम भारो रे।।३६।।

राज थापी बेटा भणी, चन्द्रगुप्त राजानो रे। दीक्षा लीनी दीपती, दियो छ: काय नैं दानो रे।।३७।।

चोखो चारित्र पालने, सुर पदवी लहि सारो रे। मारग आराधनैं, करसी खेवो पारो रे।।३८।।

व्यवहार सूत्र की चूलिका, भट्रवाहु कियो निचोड़ो रे। तिण अनुसारे एहवी, सन्ता कोधी जोड़ो रे।।३६।।

Roman Transliteration

dhal

ditho supno peldo, bhanji kalpavriksha nin dalo re, raja diksha lesi nahin, im dushsham pancham kalo re. chandragupta raja suno..1..

surya akale athamyo dujo e phal joyo re. janamya pancham kal men, jyannai kevalajnan n hoyo re..2..

(lay : re jiv vishay n rachiye)

tijai chandraj chalni, tinro e phal joyo re. samachari jui jui barotya Dharm hoyo re..3..

bhut bhutni ditha nachta, chauthe supne ray joyo re. kuguru kudev kudharma nin, ghani manta hoyo re..4..

nag ditho barai phano, pancham supno bhali re. ketlayak barsan pachhai, padsi chyar dukali re..5..

Dev viman valyo chhathai tin ro sun ray bhedo re. vidya jandha charni, jasi labdhi vichchhedo re..6..

ugo ukardi majhe, satmo kamal vimasi re. chyarun hi varnan majhe vaniyan jainadharma thasi re..7..

hetu katha nen chaupai, stavna sajjhay nain joda re. jyame ghana pratibodhsi sutra nin ruchi thoda re..8..

eko n husi sahu baniya, judo-judo mat jhalo re. khanch karsi ap apari, virla Dharm rasalo re..9..

ditho supno athamo, agiya nu chamatkaro re. alpa udyot jinadharma nun, bahu mithyatva andhakaro re..10..

agiya jim dikhai dipta, ghatatop adambar mota re. bahar kriya dikhavsi, achar shraddha men khota re..11..

pakhand machsi ati ghano, daya Dharm ghat jyasi re. sadhu alpa pujavsi, asadhu ri mahima thasi re..12..

samudra sukho trin dishi, dakshin dishi thodo pani re. tin dish Dharm vichchhed husi, dakshin dohlo Dharm jani re..13..

jihan panch kalyan thaya, tihan Dharm nin hano re. artha navman supnan tano hosi aisa ahinano re..14..

sona ri thali majhe, shvan khavai khiro re. dasman supnan no artha, sun ray tu sadhiro re..15..

unch tani lichhmi tika, nich gharai pin jasi re. badhsi re chugal chorta, sahukar sidasi re..16..

hathi upar banro, supan igyarmo ditho re. malechchharaj uncho hosi, asal hindu resi hetho re..17..

ditho supno barmo, samudra lopi karo re. rajvi chalai unmarga, nyay lopi hosi vikaro re..18..

pancham arai ra rajvi, hosi bin achari re. vachan kahi nain phir jyavsi, ehava jan vichari re..19..

akal vihuna vanchhsi, Guru adik nin ghato re. shishya avanit hosi ghana, thoda uttam supato re..20..

maharath juta bachhda, balak thi Dharm thasi re. kadachit budha karai to, pramad manhi pad jyasi re..21..

balak bahu ghar chhodsi, hosi vairagya men sentha re. lajya sanyam palsi, budha hosi dheta re..22...

saral nahin sab balka, dheta nahin hai budha re. samchai im e bhav chhai, artha vicharo unda re..23..

ratna jhankyan dekhya chavadme, te supnan no jodo re. bharat khetar ra sadh sadhvi, het milap hosi thodo re..24..

kalahkari danvarkariya, asamadhikari vishekho re. udangalkari avanitda, rahsi dhekhadhekho re..25..

prashnsa karsi ap apani, kapat vachan bahugeri re. achar ashuddha sadhan tano, ulata hosi veri re..26..

sudho marag prarupta, tin syun machchhar bhavo re. nindak bahu sadhan tano, hosi dhetha svabhavo re..27..

raykumar baithyo podhiyon, tin ro o phal thasi re. raja jinadharma chhod nain, aur Dharm adarsi re..28..

unchai kul ra raj rajvi, mlechchhadik syusyun darsi re. ochhi hosi riddhi sampda nich ro sarno lesi re..26..

bagar mahavat hathi ladai, supan solmon josi re. kal thode rai antarai, magya meh nai milsi re..30..

akale varsha hosi, kale barshasi thodi re. bat ghani jovadsi, ghas pani ro todo re..31..

beta Guru maita ri, bhakti karsi thodi re. mait bat karta thaka bich men lesi todi ra..32..

bhai-bhai maho mah, thodi hosi heto re. ghani ladai nen irshya, badhsi in bharat kheto re..33..

artha solai sapna tano, kahyo bhadrabahu svamo re. Jin bhakhyo n huvai anyatha, taj raja tu kamo re..34..

e solai supna sun nain, sinh jim parakram karsi re. Jin vachan aradhsi, te shiv ramni varsi re..35..

e solai supnan tano, sambhliyo vistaro re. sambhal raja im kahai, Swami lesyusyun sanyam bharo re..36..

raj thapi beta bhani, chandragupta rajano re. diksha lini dipti, diyo chh: kay nain dano re..37..

chokho charitra palne, sur padvi lahi saro re. marag aradhnain, karsi khevo paro re..38..

vyavhar sutra ki chulika, bhatravahu kiyo nichodo re. tin anusare ehavi, santa kodhi jodo re..36..

← अनुक्रमणिका