ढाल : १
Dhal : 1
635
ढाल : १ — Lyrics
ढाल : १
महिन्दपुरी जग जाणिये, राजा हो महिन्द बसै तिण ठाम क। तसु पटराणी छै रूवड़ी, मानवेगा राणी तेहनो नाम क। सौ पुत्र राणी तिण जनमिया, ते रूप में रूवड़ा छै अभिराम क। त्यारे केड़ै जाई एक बालिका, अञ्जना कुंवरी छै तेहनो नाम क। सती रे शिरोमणी अञ्जना।।१।।
मात पिता ने वाहली घणी, बंधव सगलां ने गमती अत्यन्त क। रूप में छै रलियामणी, नैण दीठां घणो हरघ धरंत क। सजन समा ने सुहामणी, सखी सहेलियां में रही नित खेल क। विद्या भणी मुछ अति घणी, दिन दिन बंधै जिम चम्पक बेल क।।स०।।२।।
अञ्जना कुंवरी मोटी हुई चिन्तवी ने राय चित्त मझार क। पछै बेग प्रधान तेड़ावियो, कहे अञ्जना वर तणो करो रे विचार क। जब एक कहै रावण ने दीजिये, एक कहै दीजे मेघकुमार क। ते पुत्र राजा रावण तणो, तिणरो जोबन रूप घणो श्रीकार क।।स०।।३।।
जब एक कहै इम-सांभलो, वरस अठार में मेघकुमार क। चारित्र लेसी वैराग सूं, वरस छवीस में जासी मोक्ष मझार क।। तो कन्या ने सुख किहां थकी, सगलाई कर देखो मन में विचार क। मेघकुमार ने द्यो मती, और विचारो कोई राजकुमार क।।स०।।४।।
रतनपुरी तणो राजवी, राय प्रह्लाद विद्याधर नाम क। तेहनो पुत्र अति दीपतो, पवन कुमार छै तेहनो नाम क।। अञ्जना ने वर योग छै, एह राजा किया वचन प्रमाण क। पीछै दूत मेल्यो तिण नगरी में, सगपण कीधो छै मोटै मण्डाण क।।स०।।५।।
रूप ने गुण अञ्जना तणो, प्रगट हुवो छै लोक में ताम क। ते पवनकुमार पिण सांभल्यो, जब प्रहस्त मन्त्री ने कहै छै आम क।। कहै आपां जावां रूप फेर ने, जोवा ने अञ्जना तणो रूप सिणगार क। पीछे मतो करी दोनूं नीसरया, ते आय उभा महल तले तिण वार क।।स०।।६।।
ऊंचा चढ़िया महल में, अंजना सखियां साथेजिहां रही तिष्ट क। हिवै पवनजी निरखै छै अञ्जना, प्रहस्त नीची घाली रह्यो दिष्ट क। रूप में जाणै देवांगणा, बाणी बोलै जाणै कोयल बाण क। चम्पक वरण चतुर घणी, आख्या जाणै मृगनैन समान क।।स०।।७।।
अञ्जना बैठी सिंघासणे, दोनूं पासे अनेक सखियां तणा वृन्द क। वस्त्र आभूषण अंगे धर्या, शोभ रही जाणै पूनम चन्द क।। हिवै बसन्तमाला इम उच्चरै, बाई ने जोग जोड़ी मिली श्रीकार क। जहवो पवनजी जाणिये, तेहवी पामी छै अञ्जना-नार क।।स०।।८।।
हिवै बीजी सखी इम उच्चरै, पहला तो वर मन चिन्तव्यो जेह क। तेहवा पवनजी वर नहीं, बरस अठारह में चारित्र लेह क। पांचूं इन्द्री ने जीपतो, बरस छावीस में पामसी मोख क। तिण कारण वर वरजियो, कन्या ने वर तणो जाणियो दोष क।।स०।।९।।
हिवै अञ्जना सुण इम उच्चै, बाई धन धन ते नर नों अवतार क। कर्म करणी करी काट ने, बेगा हो जासी मुगति मझार क।। गुण गाइजे तिण पुरुष नां, पवनजी सुणी ने धरयो अति द्वेष क। आ तो रे नार कुलक्षणी, मन मांही उपनो क्रोध विशेष क।।स०।।१०।।
हिवै पवनजी मन माहि चिन्तवै, आ रूप में रूवड़ी अत्यन्त बखाण क। मन मांहि मेली रे पापणी, चित्त चोखो नहीं एक ठिकाण क।। पुरुष पराया सूं मन करै, तो हिवै करणो कौन उपाय क। जो छोडूं तो एहने वर घणा, परणी ने परहरू ज्यूं दुख थाय क।।स०।।११।।
Roman Transliteration
dhal : 1
mahindapuri jag janiye, raja ho mahinda basai tin tham k. tasu patrani chhai ruvdi, manvega rani tehno nam k. sau putra rani tin janmiya, te rup men ruvda chhai abhiram k. tyare kedai jai ek balika, anjana kunvri chhai tehno nam k. sati re shiromni anjana..1..
mat pita ne vahli ghani, bandhav saglan ne gamti atyanta k. rup men chhai raliyamni, nain dithan ghano haragh dharant k. sajan sama ne suhamni, sakhi saheliyan men rahi nit khel k. vidya bhani muchh ati ghani, din din bandhai jim champak bel ka..sa0..2..
anjana kunvri moti hui chintavi ne ray chitta majhar k. pachhai beg pradhan tedaviyo, kahe anjana var tano karo re vichar k. jab ek kahai ravan ne dijiye, ek kahai dije meghkumar k. te putra raja ravan tano, tinro joban rup ghano shrikar ka..sa0..3..
jab ek kahai im-sambhlo, varas athar men meghkumar k. charitra lesi vairag sun, varas chhavis men jasi Moksha majhar k.. to kanya ne sukh kihan thaki, saglai kar dekho man men vichar k. meghkumar ne dyo mati, aur vicharo koi rajkumar ka..sa0..4..
ratanpuri tano rajvi, ray prahlad vidyadhar nam k. tehno putra ati dipto, pavan kumar chhai tehno nam k.. anjana ne var yog chhai, eh raja kiya vachan praman k. pichhai dut melyo tin nagri men, sagapan kidho chhai motai mandan ka..sa0..5..
rup ne gun anjana tano, pragat huvo chhai lok men tam k. te pavankumar pin sambhalyo, jab prahasta mantri ne kahai chhai am k.. kahai apan javan rup pher ne, jova ne anjana tano rup singar k. pichhe mato kari donun nisarya, te ay ubha mahal tale tin var ka..sa0..6..
uncha chadhiya mahal men, anjana sakhiyan sathejihan rahi tishta k. hivai pavanji nirkhai chhai anjana, prahasta nichi ghali rahyo dishta k. rup men janai devangna, bani bolai janai koyal ban k. champak varan chatur ghani, akhya janai mrignain saman ka..sa0..7..
anjana baithi singhasne, donun pase anek sakhiyan tana vrinda k. vastra abhushan ange dharya, shobh rahi janai punam chanda k.. hivai basantamala im uchcharai, bai ne jog jodi mili shrikar k. jahvo pavanji janiye, tehvi pami chhai anjana-nar ka..sa0..8..
hivai biji sakhi im uchcharai, pahla to var man chintavyo jeh k. tehva pavanji var nahin, baras atharah men charitra leh k. panchun indri ne jipto, baras chhavis men pamsi mokh k. tin karan var varjiyo, kanya ne var tano janiyo dosh ka..sa0..9..
hivai anjana sun im uchchai, bai dhan dhan te nar non avatar k. Karm karni kari kat ne, bega ho jasi mugti majhar k.. gun gaije tin purush nan, pavanji suni ne dharyo ati dvesh k. a to re nar kulakshani, man manhi upano krodh vishesh ka..sa0..10..
hivai pavanji man mahi chintavai, a rup men ruvdi atyanta bakhan k. man manhi meli re papni, chitta chokho nahin ek thikan k.. purush paraya sun man karai, to hivai karno kaun upay k. jo chhodun to ehane var ghana, parni ne parahru jyun dukh thay ka..sa0..11..