ढाल : २
Dhal : 2
631
ढाल : २ — Lyrics
ढाल : २
योगीश्वर तू कांई भूल्यो रे।। किणरो सुत केहनो पिता, सहु सपना री माया रे। एक एकिका जीव स्यूं, बार अनन्ती पाया रे। सगपण महा दु:ख दाया रे।।१।।
(लय : सोही तेरापंथ पावै हो)
योगी नाम धराय ने, कपट जपै जप-माला रे। तूं कंप्यो किण कारणे, थारी जीभ अग्नि की ज्वाला रे। सुण तूं मोह-मतवाला रे।।२।।
योग युक्ति जाणें नहीं, अध्यात्म बिन आयां रे। तू अलुझ्यो मोहजाल में, स्यूस्यूं हुवै राख लगाया रे। ज्ञान दशा बिन पायां रे।।३।।
इन्द्रजाल संसार ए, योगी तूं कांई राचै रे। मोहजाल तन पहर नें, जीव नटवा जिम नाचै रे। मूरख नर माचै रे।।४।।
बाप मरी बेटो हुवै, माता मर हुवै नारी रे। इत्यादिक सगपण घणा, कर्म तणी गति भारी रे। आणै सांग अपारी रे।।५।।
ओ बार अनन्ती पुत्र हुवो, हूं बाप अनन्ती बारो रे। मोह तणै प्रताप स्यूं, सहया दु:ख अपारो रे। नरक निगोद मझारो रे।।६।।
ज्ञान दर्शन गुण निरमला, ए सुखदायक म्हारा रे। और वस्तु म्हारी नहीं, ए तो सर्व निकारा रे। दु:खदायक सारा रे।।७।।
निज स्वभाव भूली रह्यो, मोह वशे मतवालो रे। बुद्धि हीण जीव बापड़ा, पामै दु:ख असरालो रे। नरक निगोद विचालो रे।।८।।
सोच करै गई वस्तु नो, महामूरख बाला रे। समझाया समझै नहीं, दृढ़ कर्मा ना ताला रे। जीव पड़े जंजाला रे।।९।।
हर्ष नहीं सम्पति विषै, विपत्ति पड्यां नहीं विषवादो रे। धीरपणै स्थिर आतमा, धर्म अमोलक लाधो रे। ज्यारे सदा समाधो रे।।१०।।
कष्ट पडया कायम रहै, शूरा रहे सम भावै रे। निश्चल मन स्थिर आतमा, चित्त विमन नहीं थावै रे। ते स्याणा सुख पावै रे।।११।।
निन्दा स्तुति सुख दु:खे, लाभ अलाभ मझारों रे। समचित जीतब मरण में, ज्ञान गुणां रा भण्डारो रे। पामै शिव सुख सारो रे।।१२।।
मोह थकी दु:ख नरक नां, मोह तज्यां सुख सूझै रे। तिण स्यूस्यूं मोह न कीजिये, योगी तूं काई अलूझै रे। ज्ञान कांई नहीं बूझै रे।।१३।।
योगी सुण इचरज हुवो, करवा लागो विचारो रे। वज्र हियो एहनो सही, जीत्यो मोह विकारो रे। मोहजीत नाम सारो रे।।१४।।
Roman Transliteration
dhal : 2
yogishvar tu kani bhulyo re.. kinro sut kehno pita, sahu sapna ri maya re. ek ekika jiv syun, bar ananti paya re. sagapan maha du:kh daya re..1..
(lay : sohi Terapanth pavai ho)
yogi nam dharay ne, kapat japai jap-mala re. tun kampyo kin karne, thari jibh agni ki jvala re. sun tun moh-matvala re..2..
yog yukti janen nahin, adhyatma bin ayan re. tu alujhyo mohjal men, syusyun huvai rakh lagaya re. jnan dasha bin payan re..3..
indrajal sansar e, yogi tun kani rachai re. mohjal tan pahar nen, jiv natva jim nachai re. murakh nar machai re..4..
bap mari beto huvai, mata mar huvai nari re. ityadik sagapan ghana, Karm tani gati bhari re. anai sang apari re..5..
o bar ananti putra huvo, hun bap ananti baro re. moh tanai pratap syun, sahya du:kh aparo re. narak nigod majharo re..6..
jnan darshan gun niramla, e sukhdayak mhara re. aur vastu mhari nahin, e to sarva nikara re. du:khadayak sara re..7..
nij svabhav bhuli rahyo, moh vashe matvalo re. buddhi hin jiv bapda, pamai du:kh asaralo re. narak nigod vichalo re..8..
soch karai gai vastu no, mahamurakh bala re. samjhaya samjhai nahin, dridh karma na tala re. jiv pade janjala re..9..
harsha nahin sampati vishai, vipatti padyan nahin vishvado re. dhirapnai sthir atama, Dharm amolak ladho re. jyare sada samadho re..10..
kashta padya kayam rahai, shura rahe sam bhavai re. nishchal man sthir atama, chitta viman nahin thavai re. te syana sukh pavai re..11..
ninda stuti sukh du:khe, labh alabh majharon re. samchit jitab maran men, jnan gunan ra bhandaro re. pamai shiv sukh saro re..12..
moh thaki du:kh narak nan, moh tajyan sukh sujhai re. tin syusyun moh n kijiye, yogi tun kai alujhai re. jnan kani nahin bujhai re..13..
yogi sun icharaj huvo, karva lago vicharo re. vajra hiyo ehano sahi, jityo moh vikaro re. mohjit nam saro re..14..