ढाल : ३
Dhal : 3
632
ढाल : ३ — Lyrics
ढाल : ३
रे भोला भरम में क्यूं भमै।। रे भोला भरम में क्यूं भमै, क्यूं तुझ झालज उठी रे। किणरी माता सुत केहना, ए सहु बातज झूठी रे।।१।।
ज्ञान दर्शन चरण तांहरा, ते तो कोइय न लूंटै रे। निर्मल गुण शुद्ध आतमा, कहो किण विध खूटै रे।।२।।
सम्पति सहु सुपना जिसी, यों ही कर रहया आशा रे। दिन थोड़ा में विललावसी, जिम पाणी नां पतासा रे।।३।।
लाखां मनुष्य भेला हुवै, देश देश नां आई रे। मास ताई भेला रहै, (पिछा) आवै जिण दिश जाई रे।।४।।
मनुष्य बिछड़िया तेहनो, इचरज मूल न आवै रे। ते मास तांई भेला रह्या, इचरज तेह कुहावै रे।।५।।
अनन्ता परमाणु भेला थई, कुमर नो शरीर बन्धाणो रे। इतरा वरस रह्या एकठा, हिव बिछड़िया पिछाणो रे।।६।।
पुद्गल बिछड़िया तेहनों, इचरज नहीं लिगारो रे। एता बरस रह्या एकठा, इचरज एह अवधारो रे।।७।।
ए बार अनन्ती पुत्र हुवो, हूं बार अनन्ती हुई माता रे। मोह तणै प्रताप स्यूं, किया नया नया नाता रे।।८।।
(लय : शल्य कोई मत राखज्यो)
सगपण सहु संसार ना, सगला झूठा हूं जाणूं रे। कारण कर्म बंधन तणो, त्यांरो मोह किम आणूं रे।।९।।
पो ऊपर भोला हुवै, उन्हाले नर आई रे। तेम सहु आई मिलया, क्षण मां बिछुड़ जाई रे।।१०।।
तरु ऊपर रवि आंथम्यां, पंखी हुवै बहु भेला रे। प्रात समय सहु बिछुडै़, तिम ही सजनां नां मेला रे।।११।।
सहु परिवार छांडी करी, संयम ले सुख पाऊं रे। एहवी निर्मल भावना, हूं तो निश दिन भाऊ रे।।१२।।
नरक निगोद दु:ख मोह थी, मोह अनरथ मूलो रे। विपति आगर दु:ख मोह छै, मोह अग्नि रो पूलो रे।।१३।।
पामर जीव अजाण ते, मोह तणै वश पड़िया रे। आत्म स्वभाव भूली रह्या, नरक निगोद रड़भड़िया रे।।१४।।
तिण स्यूस्यूं कुमर म्हारो नहीं, म्हांरा गुण मुझ पासो रे। कुरम्ब बिटम्ब दु:खदायका, हूं तो जाणूं तमासो रे।।१५।।
योगी मन इचरज हुवो, सांभल माता री वाणी रे। अद्भुत रचना एहवी, मैं तो प्रत्यक्ष जाणी रे।।१६।।
Roman Transliteration
dhal : 3
re bhola bharam men kyun bhamai.. re bhola bharam men kyun bhamai, kyun tujh jhalaj uthi re. kinri mata sut kehna, e sahu bataj jhuthi re..1..
jnan darshan charan tanhra, te to koiy n luntai re. nirmal gun shuddha atama, kaho kin vidh khutai re..2..
sampati sahu supna jisi, yon hi kar rahya asha re. din thoda men villavasi, jim pani nan patasa re..3..
lakhan manushya bhela huvai, desh desh nan ai re. mas tai bhela rahai, (pichha) avai jin dish jai re..4..
manushya bichhdiya tehno, icharaj mul n avai re. te mas tani bhela rahya, icharaj teh kuhavai re..5..
ananta parmanu bhela thai, kumar no sharir bandhano re. itara varas rahya ekatha, hiv bichhdiya pichhano re..6..
pudgal bichhdiya tehnon, icharaj nahin ligaro re. eta baras rahya ekatha, icharaj eh avadharo re..7..
e bar ananti putra huvo, hun bar ananti hui mata re. moh tanai pratap syun, kiya naya naya nata re..8..
(lay : shalya koi mat rakhajyo)
sagapan sahu sansar na, sagla jhutha hun janun re. karan Karm bandhan tano, tyanro moh kim anun re..9..
po upar bhola huvai, unhale nar ai re. tem sahu ai milya, kshan man bichhud jai re..10..
taru upar ravi anthamyan, pankhi huvai bahu bhela re. prat samay sahu bichhudai, tim hi sajnan nan mela re..11..
sahu parivar chhandi kari, sanyam le sukh paun re. ehavi nirmal bhavna, hun to nish din bhau re..12..
narak nigod du:kh moh thi, moh anarath mulo re. vipti agar du:kh moh chhai, moh agni ro pulo re..13..
pamar jiv ajan te, moh tanai vash padiya re. atma svabhav bhuli rahya, narak nigod radabhdiya re..14..
tin syusyun kumar mharo nahin, mhanra gun mujh paso re. kuramba bitamba du:khadayka, hun to janun tamaso re..15..
yogi man icharaj huvo, sambhal mata ri vani re. adbhut rachna ehavi, main to pratyaksha jani re..16..